للبدل : شقة سكنية بشقة طعمية

موضوع: للبدل : شقة سكنية بشقة طعمية 22/11/2011, 00:19

بسم الله الرحمن الرحيم

للبدل . شقة سكنية بشقة فول ولا طعمية ... وينوبك ثواب يا فاعل الخير

شقة في ميدان التحرير كانت تمليك باسمي .

دلوقت تمليك لكل من هب ودب وللقنوات الفضائية

الشقة كانت بخمسة ملايين دولار . أيوا دولار . قبل الثورة

تاخد مني كام دلوقت وتاخدها ببلاش

مميزات الشقة

بمنتهي الحسرة . تطل علي ميدان التحرير مباشرة

وهذ يعني

1 - مشاهدة الحدث لحظة وقوعه

2 - اسنشاق الغازات قبل وصولها للمتظاهرين

3 - معرفة أعداد القتلي والمصابين الحقيقية بعيدا عن البيانات الرسمية

4 - يحتمي دائما تحت شرفتها سلفيين ومسيحيين ولبراليين وطبعا أخوان مسلمين دا غير العملاء الأمريكيين . يعني بلكونة متحدة زي الأمم المتحدة كده

5 - واجهة الشقة مزخرفة بكل أنواع الرصاص إيشي مطاطي وإيشي نطاطي

6 - ونس ليل نهار .. دول يروحو . ودول ييجو . عرض مستمر

7 - دا غير صلاة الجمعة . تقضيها وأنت في البلكونة . يعني في بيتك . كل جمعة خطيب شكل . ومذهب شكل . ويمكن قبلة شكل

8 - من البلكونة تشاهد كل نجوم المجتمع . مرشحين للرئاسة وفنانيين ( طبعا دا لو مخدتش رصاصة في رقبتك )

يعني بصراحة فرصة للي يقبلها مني ببلاش

ملحوظة

بقالي سنة عيني ما شافتش النوم لا ليل ولا نهار يا ولاد الــــ .... !!

.