كنت ف زياره للقاهره وجدت حجات غريبه
الحجات ظاهره قدامنا واحنا عرفينها وده مصيبه
يعنى مثلا الزياده السكانيه انا حسيت
ان القاهره دى شارعين مفتوحين ع بعض
والناس كلها متجمعه فيهم متعرفش ليه
والامن ف القاهره مفيش لدرجه انك لو قابلت حرامى
علشان ميقتلكش او يضربك تقوله خد كل ال معايه
لو حتى مكلمكش وقلك حاجه تقوله خدهم بس
حسيت بجد ان عهد مبارك كان امان انا صحيح مش
حابب وال حتى عايز ارجع عهد مبارك تانى غار ويغور
بس كان عهده بجد امان والشرطه دلوقتى ف القاهره
المفروض تغير الافته بتعتها وتكتب بدل ما الشرطه ف خدمه الشعب
تبقى الشرطه بتتفرج ع خناقات الشعب
كلمه حق
كلمه حق قولتها ف اهلى وناسى
كلمه حق يا بلد قولتهالك
بان الضمير جواكى مات
والعدل فيكى اتقتل
والظلم فيكى بات
يا بلد خلاص
معدش ليكى ف الدنيا
ف دنيا ده قعاد
كلمه حق قولتها
بانك يا بلد معدومه
ملكيش خطوه قدام
خلوكى ع مائده
وعملوا عليكى عزومه
ودخلوكى ف انعاش وغيبوبه
مكتوب عليكى الاعدام
كل ما تبنى طوبه
بتتهدم وتتردم
بدمك باعجوبه
كلمه حق يا بلد
انك عارفه الحلال والحرام
لكن مظلومه ف بعض الايام
انتى خلاص يا بلد
لابسه البدله الحمره بدلت الاعدام
مكتوب عليكى يا بلد
انك تتفتتى وتدمرى لحطام
مكتوب عليكى يخلعولك مفاصلك
ويخلعولك كل العظام
كلمه حق يا بلد
الظلم فيكى انتشر
والعدل مش شبعان
ناقصاه ادله وبراهين
مظلومين فيكى احنا البشر
بقالنا لده حال سنين
الفقير من الحق انحرم
والغنى بندعيله بالكرم
كلمه حق يا بلد
ومتزعليش لو كنت خارج عن القانون
من كلمتين قولتهم
قولتيلى ليه بتهون
وصفتينى بالمجرم
وبقيت خلاص رد سجون
شرفى متباع يا بلد ف الشارع
ومين لشرفى غيرى حيصون
اصون شرفى بفخر
وميهمش كلام الناس
بانى اكون خارج عن القانون
كلمه حق يا بلد
الشاعر
محمد على
موضوع: كلمه حق 
15/3/2013, 19:12
