قصيدة (عزيزي اكتئابي)" للشاعرة المصرية/ دعاء علي

عزيزى اكتئابى
ماترحم عذابى
وتهجر مدينتى
وتترك عزيمتى
ده لسه ف شبابى
...
عزيزى اكتئابى
زيارتك طويلة
مملة وثقيلة
ولا قادر افهم
ولا افتح كتابى

عزيزى اكتئابى
بتقلب مزاجى
وتلوى لى بوزى
وتجلب دموعى
وباقفل ف بابى

عزيزى اكتئابى
ماتاخد اجازة
وتركز فى بيتك
وسيبنا شوية
نعيشها بلذاذة

عزيزى اكتئابى
ياريت لو تهاجر
وتنسانا حبه
وتبعد وترحم
وطول غيابى

رائع واضحكتني بداية القصيدة عزيزي اكتآبي
عزيزنا كلنا
شكرا علي النقل المفيد

هههههههههههههههههه جميلة وياريت اكتئابه واكتئابي يسمعو الكلام

أنت فنان يا أخ سمالوسي
قصيده لا يأتي بها إلا فنان

أشكركم جميعًا على مروركم الدائم ، وإعجابكم باختياري

عزيزي د . محمد

الاكتئاب عامل معانا توأمة

متحاولش . ده قدر المصريين

قصيدة جملية وذائقة انتقائية تحسد عليها

بوركت يادكتور