اول ما شفتك يا بلدى
قومت وعليكى ناديت
وعليكى جيت سريع
وف حضنك اترميت
لقيت يا بلدى حضنك دافى
ساعتها قولت ف نفسى
طول ما انا معاكى يا بلدى
اوعى وياريت متخافى
انا معاكى متخفيش
ادى اوامرك ومتتردديش
وميهمكيش امرك ده
بانه ممكن اموت فيه
او اعيش
انا حياتى مقدمها هديه
بس علشانك وعلشان
اخويه يعيش
ف حضنك يا بلدى
حسيت احساس
اول مره احس بيه
كانه جوايه كلام
ليه ايام وسنين
ومش حقدر من تانى
عليكى اخبيه
حقولك كل ال ف نفسى
كلامى ليكى يا بلد
اوعى ف يوم تنسي
الكلام ال جوايه خرج
بعد ماكان محبوس
معاكى يا بلد ارتحت
ولبعضنا هديت النفوس
كنت خايف انا صحيح
لكن ف حضنك نسيت خوفى
ونسيت بانى جريح
وكنت بتمنى بانك
منى ف الخير تشوفى
ف حضنك يا بلدى ابتديت
احلم حلم جديد
ولو كان الحلم ع قده
او كان حلم بسيط
مش مهم الحلم
المهم انى حلمت
ف حضنك يا بلدى
ف حضنك اتمنيت
وقولت ياريت
بان كلامى يتحقق وتشوفى
نفسك عروسه الاوطان
ونبتدى نعمر انا وانتى
وننور كل مكان
ف حضنك يا بلدى
اتمنيت ولو حموت
اموت بس ف حضنك
ال مليان حنان
حموت وانا مرتاح
الخاطر والبال
الشاعر
محمد على
موضوع: ف حضنك يا بلادى 
30/5/2013, 18:32
