بنات الشات المفترية
=violet]]*****[/size]
بنات كتير بتروح ضحية
في إيد شباب وسببها هيَّ
لمَّا تبيع روحها النقية
تبدأ بصحبة قال إيه سوية
وتحب شاب شر البلية
بسلاحه صاب قلب الصبية
محمول وشات وعقول ذكية
تقع فريسة وتكون سخية
ما هي بالنفيس هدت الهدية
وتضيع حياتها وبدون تحية
وفي المقابل فيه بنات شقية
بنات الشات المفترية
تلعب تلف بعين قوية
تصطاد عريس واتنين ومية
ويقع يا عيني أبو حسن نية
بيكون غشيم محتاج روية
وما لوش تجارب والحب غية
عايز عروسة حلوة وغنية
وبنت ناس مش مفترية
وان كان فيه دين يكون هدية
ولو ما كانش ما هيش قضية
ويلغي عقله .. يروح ضحية
وتكون نهايته سودة وغبية
وده كله ليه .. فكَّر شوية
دينَّا يا ناس أغلى هدية
نحتاج نعود ونتوب بنيَّة
نسمع كلام خير البرية
ده شباب خلوق نعمة وجلية
وذات الدين هيه الندية
عايزة عريس كوني تقية
عايز عروسة صبر وروية
داين تدان حكمة وقوية
لو بعد حين ها تكون ضحية
عيشوا بالحلال عيشة هنية
عيشة الحرام أصعب بلية
محمد رمضان
19/1/2013
موضوع: بنات الشات المفترية 
19/1/2013, 20:33
