كيف ترسم صورة شخصية ؟ [ للمبتدئين ]الموضوع منقول

الدرس طويل جداً جداً ، كـ بداية ممكن يكون فيه صعوبة شوي

لكن بالتدريب راح تضبط إن شاء الله ،

أول شي قبل تبدأون جهزوا كاس شاي يعدل الراس والمزاج

الأدوات اللي راح نحتاجها :



1- ورق كانسون .

2- علبة أقلام تظليل فيبر كاستل .

3- مساحة + براية + قلم رصاص اللي ينتهي بمساحة ،

4- مسطرة .

5- ورق بلاستيك شفاف ، أي بلاستك حتى لو تاخذون غلاف الدفاتر وتقصونه

6 - مقص - تيب

7- قلم جاف أي لون

8- وطبعاً الصورة اللي حابين ترسمونها ،

نرجع لرسم الصورة ..


أكيد تتساءلون .. وش بنسوي بالبلاستيك والمقص والتيب ؟

الإجابة معاي ..


أول شي ناخذ مقاسات الصورة اللي بنرسمها ، أبعادها من الطول والعرض

بعدها نقص البلاستيك على مقاس الصورة ..

بعدين ناخذ البلاستيك والمسطرة والقلم الجاف :




نقسم الورقة البلاستيك إلى خطوط البُعد بين الخط والثاني 1 سم

أفقياً



وبعدها عامودياً ، وراح يتكون مربعات الواحد منها أبعاده 1 سم




[ طبعاً اخترنا القلم الجاف لأن أوضح من الرصاص ، وأضبط من السائل ،

القلم السائل راح يطبع الورقه والصورة ويوسخ علينا شغلنا ]



الآن بعد ما جهزت ورقة البلاستيك نلصقها بالتيب على الصورة




~


نجي لورقة الكانسون اللي راح نرسم عليها :

أول شي ننظر له الصورة اللي بنرسمها .. هل راح نرسمها بنفس مقاسها اللي هي عليه ؟

ولا نبغى نكبرها ؟

إذا كان بنفس المقاس راح نقسم الورقة الكانسون إلى مربعات أبعاد الواحد 1 سم

أما إن كنا راح نكبرها مرة وحده بس نقسم الورقة إلى مربعات 2 سم

وإذا بنكبرها مرتين يكون التقسيم مربعات 3 سم وهكذا ...


بالبداية مثل ما سوينا في البلاستيك نقسمها أفقي



وبعدين نقسمها عامودي




وبكذا تكون الصورة والورقة جاهزة

نجي نرسم الصورة كـ خطوط ..

يعني نحاول نكرر كل خط في الصورة على الورقة بنفس المربع

كيف ؟

أول شي مثلاً أحنا بنرسم العين .. نشوف كم ترتيب المربع اللي ع الصورة

ترتيبه أفقياً وعامودياً ..

نجي للمربعات في الورقة ونحسب ونطلع المربع المقابل له في الترتيب

مثلاً :

العين كانت في المربع 2 عامودي ، 5 أفقي .. على الصورة الأصلية

نطلع المربع 2 عامودي ، 5 أفقي على ورقة الكانسون .

ونرسم الخطوط على هالأساس ..


الغرض من هذي الخطوة :
هو ضبط الأبعاد عند المبتدئين .


وهذي كانت النتيجة في البداية :


1 -




2 -




3- وهنا مسحنا خطوط المربعات بمساحة القلم الرصاص ، اخترناها لأن حجمها صغير

وما راح تمسح كثير من خطوط الرسمة ، أهم شي نسمح المربعات




طبعاً بتلاحظون أن ما في أي شبه نهائياً بين الصورة والرسمة

وهذا شي طبيعي لأن الرسمة لحد الآن خطوط فقط بدون ملامح ..

آخر شي وهو الشي اللي أتهرب منه دايم

الشعر


تظليل الشعر أكثر شي ياخذ وقت ويحتاج جهد ..

لأن عشين نطلع بنتيجة حلوه وصحيحة لازم نرسم الشعر شعرة شعرة

يعني كل شعرة لوحدها ، ...


بدأت هنا بقلم F في المناطق الغامقة ، و 2H في المناطق الفاتحة

طبعاً في الشعر لابد نبدأ من الجذور ..



ونلاحظ أن عند الجذور يكون التظليل بشكل شوي عشوائي ..


وبعدها نجي للوسط ونبدأ نرسم الشعر شعرة شعرة :




نظلل المناطق الغامقة بالتفصيل




غمقت تدريجياً في الشعرات الغامقة إلى أن وصلت هنا لـ HB




بعدين أكمل الشعر الفاتح تدريجياً ، كل ما فتح اللون فتحت الدرجة

إلى أن أصل للشعرات الشقرا حيل هذي أخليها بيضا ..

وهذي النتيجة النهائية للشعر :

النتيجة النهائية للرسمة :





وفي لقطة ثانية حسيتها أوضح :





~


طبعاً الطريقة اللي شرحتها لكم للمبتدئين وللي ما يعرفون يضبطون الأبعاد في الرسم

مع التدريب لمن تحس أنك اتقنت هالطريقة

إبدأ بتكبير المربعات المرسومة على البلاستيك ..

يعني بدل تكون أبعادها 1 سم ، خلها 2 سم لين تتقنها وبعدها 3 سم وهكذا ..

إلى أن تقدر تضبط بدون مربعات ، وترسم الصورة بمجرد النظر ..



كل شخص يقدر يرسم إذا هو كان حاب يرسم .. وحاول يرسم

وخلال الرسم كل ما عليق تفضي مخك من كل شي عدا اللوحة اللي أنت ترسمها

وتروق عليها آخر رواق ، وإذا لزم الموضوع اشرب شاي أو قهوة



اتمنى يكون الدرس نال رضاكم ، واستفدتم منه

أطيب تحية للجميع




]] زُوْوْد ~ ][