من كثر ماخاف

من كثر ماخاف

من كثر ماخاف أنك تقرأ في عيوني الحنين
لبست نظارة سوده وسمكت زجاجها
ومن عرف الأعيبك عذرني في كل حين
ومن تقول لا لابد أنك تكذب قولها
أنت في قلبي منقوش تواريخ وسنين
أمس واصبح أعد فيها وأعيش كل أوقاتها
وأنت في صدري لوحات من الأنين
وأنت لدموع عيني مستودع أسرارها
ياللي تخفي عني مكانك في كل حين
خايف (ن) تسمع دقات قلبي اللي تسترحمك تودها
وتقر أني في بالك وفي قلبك مستكين
وأنك هاضم حقوقي ولابد تردها
وأني لما جرت في حبك لي سنين
كنت أرجع لذكراك اللي روحي تتوق تضمها
دوم أعشق بهاك وحسنك فيني يبين
ونفسي تتوق تمشي بحدايق حبك وتشم وروردها
ولو تباعدنا ومرت علينا السنين
تلقاني أدخل بذكراي بحدايق حبك وأزور ربوعها
ولو حياتي غربت وأنت رحت يمين
ماأدري روحي يومها شلون بتردها
وشنو بيصير بروحي وهل بترحمين
أو أنك يومها بشدة بتعذبينها
هذي دعوتي لك ياناسي ودادي ومستهين
تري يومها بتبرد نفسي عن كل أحبابها
وحبيبك اللي طول عمره ينطرك تطلبين
بيعيش بعدك من غير عشقه لها
وبأي أحساس بيشيلك ويحطك بأي عين
ياللي تبيك روحه ونفسه بكل ودها
ماراح أغصبك علي شي ماتبين
ولو طبقت علي لأرض وسكت كل شعابها
وفي أمان الله مادام هذا ماتبين
ولاتظنين أن الدنيا بتوقف وقتها
ولو كنت ملاك الحب وبجناح ترقصين
من غير عشق ماتأسرين روحي وودها
مادام قلبك مايبيني مستحيل تعرفين
إن كنت أبقيك أميرةعلي قلبي أو صورتك أشيلها
أنت في صدري همي الحزين
مايترجمه إلا اللي عاني من روحك مرارة صدها
أنت في الحشا ينبوع مستور ومايبين
بس يسقي عروقي وشرايني وبالدم والدفا يمدها
أسمعك في ليلي عزف الربابة الحزين
وفي الصبح ماألقاك تمشي عن روحي وتهدها
فاتن (ن) قلبي ومكتوب لي وطرفك حسين
وأنت لروحي سنينها وأيامها جزرها ومدها
وأنك بحور دنياي ومرساي في كل حين
تتبعك الروح في كل خطوة أنت برجلك تمدها

ابن سينا.

ماشاء الله

وها أنت يا شاعرنا تعود إلينا وتسقينا

من رحيق قلمك العطر

كلمات متزنة وسرد مميز

وصف حالة واقعية عاشها كثير ولازال يعشها أناس

وسيظل يعيشها آخرين وكأنك توصل مايردون قوله

دمت لنا أخاً راجح العقل وأديباً نستقي منه

كل علم

الأخ أبو جمال -
شكًراً علي مرورك الجميل الذي أسعدني جدا أخي العزيز ولاتحرمنا من تواجدك وكل عام وأنت بخير.

أخوك - ابن سينا.