طريقة حفظ الخضروات والفواكه

اولا الطماطم :
نضربها فى الخلاط وتصفي ثم نضع لكل كيلو طماطم ثلاث ملاعق سمن ونسيبها لحد ماتنشف ماءها وتوضع فى اكياس وكل كيس على مقدار الاكلة...

ثانيا الثوم:
يشترى الثوم فى شهر مايو لانه بيكون مش فاضى ....
نجيب الثوم ويقشره ويوضع فى الخلاط ونضع معاه لكل كيلو ثوم اتنين ملعقة كبيرة زيت ونص ملعقة ملح... ويضرب الى أن ينعم ... ونضع معظم الكمية فى برطمان زجاجى (والزيت حتى لا يتغير لون الثوم وايضا يحتفظ بنكهته.. اما باقى الكمية نضع عليهافلفل اخضر وكسبرة خضرة وكمون كتير وبضربهم مرة تانية إلى أن تمتزج المكونات تنعم ونضعهم فى برطمان لتتبيل السمك وطواجن الجمبرى والكاليمارى.. وتتبيلة البدنجان المخلل وحاجات كتير.......ويحفظ لمدة السنة

ثالثا البسلة:
بجيب البسلة واخرج حبوب البسلة من قشرتها واضعها فى كيس مع جزر مقطع مكعبات صغيرة ...رابعا الفاصوليا:
تقطع طرفى الفاصوليا ثم نقطع الفاصوليا الى قطع متوسطة ونضع على النار ماء مغلى وملح ونضع الفاصوليا لمدة دقيقة وتصفى فى مصفاة ثم نضع عليها ماء بارد وتصفى بالمصفاه ونجدها بلونها اخضر زاهى ..... مرة اخرى ونضعها فى اكياس على حسب الأكلة..

خامسا الخضرة:
بالنسبة للبقدونس والكسبرة والشبت تغسلهم جيدا و نضعهم فى ماء مضاف ليه معلقة خل وبعدين ويفرموا ناعم ويصفوا لمدة ساعتين على قطعة قماش ثم نضعهم فى كيس وتستخدم لخلطة المحشى والممبار والفول بالتقلية ...

سادسا البطاطس المقلية:
تقشر البطاطس وتغسل ثم تقطع صوابع متوسطة وطويلة.. وتنقع فى ماء ساخن وملح وخل وملعقة سكر..(لكل كيلو بطاطس 1لتر ماء ساخن و3ملعقة ملح صغيرة وربع كوب خل وملعقة سكر) وتترك فى الماء منقوعة إلى أن يبرد يكون دافئ وتحمر فى زيت غزير وساخن جدا وتقلب باستمرار غلى أن يكون لونها دهبى فاتح وتنشل على ورق ماص للزيت وتترك الى ان تبرد ثم توضع فى علبة بلاستيك فى الفريزر... وتخرج فى اى وقت على تقلى في زيت ساخن جدا (لان درجة برودة البطاطس هتقلل درجة حرارة الزيت فلازم يكون الزيت سخن جدا )
سابعا ورق العنب:
يبرص ورق العنب واحدة عكس واحدة... بمعنى تمسك الورقة من العنقود وتوضع فى اتجاه معين والورقة الثانية بع العنقود فى الجهة الاخرى .......ويحفظوا فى اكياس فى الفريزر ويسلق ورق العنب وهو متجمد..
ثامنا الباميه:
تنظف البامية ونغليها لمدة ثلاث دقائق فى ماء مغلي وتخرج على ماءبارد وتصفي جيدا وتوضع فى اكياس وعند الأستخدام توضع وهى متجمدة ليبقى اللون ليس غامق..
خامسا الموز:
لكل كيلو موز ربع كوب لبن و2 ملعق سكر ويضرب فى الخلاط وتؤخذ منها معلقة وتعمل عصير موز باللبن او توضع على فروت سلاط بدلا الأيس كريم وتوضع ك على الكيكة ايضا وهى (ساخن مع بارد)
سادسا الجوافة:
نقطع شرايح ونضع عليها سكر وتوضع فى الفريرز فى اكياس حسب الحاجة...

سابعا البلح الرطب (الاسمر):
يوضع فى برطمان بعد ما نزيل النوى ويقسم نصفين.. نضعه بالطول جنب بعض وهذا يسهل ان يؤخد منه من غير ما يقطم .... ويعمل منه تارت البلح وكيكة البلح فى اى وقت فى السنة...
ثامنا الرومان:
بفصص الرومان ويخرج الحب ويوضع عليه سكر ونضعه فى اكياس ... ويستخدمه فى الفروت سلاط وسلاطة الرومان وتارت الفواكه وكزينة لكثير من الحلويات والايس كريم.. ويعمله عصير ويصفي ..
تاسعا العنب:
يشترى العنب الذى حباته كبيرة سواء كان أحمر أو أخضر.. ويوضع فى اكيس بعد ما ينزع العنقود ويغسله.. ويؤخد كمية منه ونتركها يومين على صينية كبيرة مفروشة بورق ابيض وعلى الورق فوطة قماش .. ثم نعه فى اناء ونضع عليه ماء مغلى وزيت لوز (لكل لتر ماء ملعقة زيت لوز صغيرة) ونضع فيها العنب بعد ان أصبح ذابلا" لمدة ثلاث دقائق ويصفى العنب ويوضع مرة تانية على نفس الصينية ويترك فى مكان مشمس لمدة عشرة ايام وكل يوم يقلب.. ويصبح زبيب بيتى ..

عاشرا" الليمون والبرتقال البلدى:
الاتنين بنفس الطريقة... الاول يشر قشر الليمون او البرتقال صغير.. ولا يبشرالجزء الابيض... وباحتفظ بيهم فى علب تلاجة صغيرة ..وثم يقسم الليمون والبرتقال نصفين ويعصر ويوضع فى علب مكعبات الثلج ... وكل مكعب بمقدار كوب العصير
مع ماء وسكر... او كميه مكعبات فى الخلاط مع ماء وسكر.......ومكعبات الليمون يتبل بها الفرخ والبفتيك مع باقى المكونات طبعا.. ويعمل منها كل شئ..

تحياتى لكم

وتحياتي لك أختي الشاعرة علي المعلومات الجميلة لكن إن جيتي للحق احنا الخضار والفاكهة عندنا مش بيستنوا بناكلهم في ثواني

ما شاء الله ولا قوة إلا بالله
كده تمام
والله فكرتيني بحبيبتي رانيا كنت كل يوم اتعلم منها شيء جديد
وانا منونة انك معانا هنا
ويارب يبارك فيك

وأنى سعيدة بمروركم الطيب
تحية عطرة لكم
تسلمون

موضوع رائع ومهم
شكرا أستاذة ايمان

أرق تحياتى
ممنونة

» الخضروات والفواكه الطازجة الدرع الواقى من التجاعيد المبكرة
» دراسة طبية: تناول الخضروات والفواكه يقلل من خطر امراض القلب
» سلطة الخضروات بالتفاح
» الأردن تستورد 4.8 ألف طن من الخضار والفواكه من الكيان الصهيونى
» أسماء الحيوانات والفواكه والخضروات فى اللغة الإسبانية