يتجدد اللقاء مع من يكون ياترى ؟

اقتباس :: أخيرا .. جه عليك الدور .. يا هلا .. يا هلا .. أخيرا وقعت يا بطل .. خلٍّي الهزار ينفعك بقه .. ههههههههههههاي Very Happy Very Happy Very Happy ( طبعا ههههههههههههاي دي ضحكتك الحلوة ماشاء الله .. فرصة ناخدها منك شوية Very Happy )

خدو مني أي حاجة يابو عبد الله إلا الفلوس
هههههههههههههههههههاي
دي بس اللي انا أخدها منكم

اقتباس :: شكرا أخي وأستاذي العزيز أبو جمال على هذه المفاجأة الجميلة بجلوس فاكهة المنتدى وصاحب أجمل خفة ظل مملوءة بالأخلاق والذوق الكابتن والبطل والمهندس حمادة .. تحية كبيرة له .. وأهلا به على كرسي الاعلامي الذي زاد شرفا بجلوسه عليه .. وبهذه المناسبة وقبل بدئي في الأسئلة .. أعتذر وبشدة لأستاذي الحبيب الدكتور الشاعر ابن سينا .. لعدم نيلي شرف حضوري أثناء جلوسه على كرسي الإعلامي بسبب التسويف مني حتى إنتهت المدة دون أن أنال هذا الشرف .. وأتمنى أن يتقبل إعتذاري

ماشي يابو عبد الله عمال تعمل بزنس علاقات عامة علي حسابي وفي موضوعي
مش مهم المهم انك تحاسبني في الآخر علي تمن المشاريب

اقتباس :: أخي العزيز حمادة .. ستكون بمشيئة الله أسئلتي هذه المرة خفيفة حتى تتناسب مع خفة ظلك المعهودة وحتى تستمر البهجة بلقائك ولا يقطعها أي سؤال دسم .. وبسم الله نبدأ

توكلت علي الله وربنا يستر

اقتباس :: 1- إحكي لنا موقف تعرضت له إضررت فيه لإستخدام مهارتك في الكونغ فو .. وهل كانت نتيجة ذلك إيجابية أم سلبية ؟

السنادي وانا في الدراسات العليا لقيت واحد من اللي بيلعبو في الجم واقف مع الشلة بتاعتي
المهم والواحد دا كان أد التورين مرتين تلاته اربعه قول خمسة
يعني وزنه اكبر مني بييجي سبعين كيلو المهم الشلة بتاعتي عارفه اني بطل كونغ فو راحو مسخنين الواد دا عليا
وقالولو انت عارف الواد حماده ده ياكلك هو مش قصير بس انت متخدش في ايده حاجة المهم وكلام من دا كتير والواد كان واضح عليه ان دماغه زي جسمه
راح قالهم دا تعبان
قلتله بقول لك ايه ياكوتش بلاش العيال دي تسخنك عليا وتغلط فيا من غير ماتعرفني متركزش معاهم دول لبط
وزي مابقولك كان واضح ان عقله تخين المهم الواد دا كان شكله رعب وكل عضله في دراعه أدي واكبر مني كمان
ومن غير سبب لقيته راح مسكني ولف دراعته عليا بعزم قوته وانا زي الفار بين أديه
قلتله ياكوتش احنا في كلية والبنات بتتفرج علينا عيب متخليش العيال دي تسخنك كده
بيني وبينك يابو عبد الله انا حسيت اني خلاص قربت اعملها علي نفسي لأن الواد جامد جدا عليا
المهم قلت الكلمتين دول والواد فيه حمار في دماغه مش راضي يفهم
وافتكرت لعبه الكابتن كان قالي عليها لما حد يعمل فيك كده استغل قوته هو في هزيمته ومهما كان ضعفك ومهما كانت قوته لازم يقع وكل ما يحاول يقاوم معاك كل ما كانت اصابته أكبر

فقلت للواد التور ده ياكوتش مش هنخسر بعض قبل ما نتعرف
والحمار ولا هو هنا
المهم رحت عامل فيه اللعبة دي وهي اساسا مصارعة لقيت الواد اتشال واترمي زي الجاموسه وهوب وقع علي راسه علي الاسفلت
طبعا داخ ولما فاق بقي مش مصدق نفسه
والعيال بقت تضحك عليه ويقلولو ماحنا قلنالك مش هتقدر علي حماده والواد حماره يطلع تاني وعايز يعملها تاني
فقلت له اسمع ياكوتش انا بطل مصر في الكونغ فو والمصارعة والملاكمة يعني معاك في كله بس بلاش تعملها تاني لأني مش هعديها المرة دي علي خير
المهم الواد خاف
وانا بلعت ريقي لأنه كان جامد جامد جامد وانا اللي ربنا سترها عليا بس

اقتباس :: 2- لو فكرت في عمل مشروع خاص .. فأي مشروع تفكر فيه .. وهل تحب أن يكون لك شريك .. أم تفضل العمل بمفردك ؟

مزرعة زي اللي كنت ماسكها ولو معايا فلوس يبقي ليه اشارك

اقتباس :: 3- هل لك أصدقاء مقربين بمعنى الصداقة الكاملة .. أم أن هناك حدود لهذه الصداقة .. وأين تضع أسرارك إن وجدت ؟

في حدود طبعا
وأسراري متعتبرش اسرار يعني انا زي مقلت قبل كده ماليش اسرار

اقتباس :: وأكتفي بهذا القدر .. لأنه بصراحة كل ما يخطر سؤال على بالي ألقاه دسم .. أقول بلاش .. كابتن حمادة حبيبي ما فيش داعي أحسن يستقصد عبد الله .. Very Happy

لا بلاش كده حلو خليك دلوقت جنب عبد الله عشان لو عاز كمدات ولا حاجة يبقي يلاقي حد جنبه
هههههههههههههههههههههههههههههههههههههههههههاي

اقتباس :: الكابتن حمادة متابعين إجاباتك الجميلة ومستمتعين بخفة ظلك .. وفقك الله .. ورزقك السعادة في الدارين .. وجزاك الله خيرا .

ربنا يخليك يابو عبد الله
وكلامك بحقي كتير عليا

اقتباس :

اقتباس :

صافى شان كتب:: أخيرااااااااااااااااااااااااااااااااااااااااااااااا
راجع لك بعد ما احضر الاسئلة

ياعم خليك وانا آجي لحد عندك وأجوبلك علي انت عايزه بس حضر العشا
هههههههههههههههههههههههههههههههههههههاي

ابن سينا كتب:: الأخ حماده مشرفنا العزيز -
مرحباً بك ضيفاً جميلاً علي كرسي الإعلامي وعندي كم سؤال .

سمعت أنك لاعب كونفو ؟ أي مرتبة وصلت في اللعبة؟
ماهي مؤهلاتك العلمية؟
كم عمرك؟

لن أطيل عليك وأتمني لك قضاء وقت ممتع .
تقبل خالص تحيتي وودي.

أخوك - ابن سينا.

تصدق بقي يادكتور الأسئلة دي خلتني أزعل منك لأنك لو قريت اللي قبلك مكنتش سألتها
عموما انا جاوبت علي دا كله وكفايا عليا انك شرفتني هنا
بس برضك عمري ماهزعل منك دا كلام كدا وكدا

مرحب بالكابتن الفولازي حماده
كنت هسألك نفس اسئلة مصطفي وانا متشوق اعرف الاجابه

يتجدد اللقاء مع من يكون ياترى ؟ - صفحة 3 ?img=af474ecb8593b15

اقتباس :: ايه رايك في كل اللي في الصورة دي

انت جبتها منين دي يا صاصي
عموما الكابتن اكرم اتكلمت عليه كتير وصافي باشا حبيبي وصديقي والوتر اللي مطنش المنتدي ربنا يتم شفاه عليه والستاذ احمد راجي عفو ربه انا زعلان منه عشان هو طناش
والأستاذ يسري واحشني

اقتباس :: لاعب تحب تلعب معاه

فيه كام واحد من الفريق بحب العب معاهم

اقتباس :: لاعب نفسك كنت تلاعبه

الكابتن أيمن لني بسمع عنه كلام كبير

اقتباس :: أحلي ماتش ليك

كان فيه لعيب واخد تاني كاس عالم وكل مايدخل ماتش يضرب اللي قدامه قاضه قابلته في قبل النهائي ضربته انا قاضية

اقتباس :: اجمل بطولة ليك

اول بطولة لي بعد اعتزالي الأولاني لأني كنت فاقد الثقة في نفسي بشكل مجنون لكن الكابتن قالي انت هتجيب يا حماده في البطولة دي مدالية الغريبه أوي اني رحت وانا ركبي سايبه وجبت زي مالكابتن قالي

اقتباس :: طريقة لعبة بتفضلها

الكونتر أتاك

اقتباس :: تحب الهجوم ولا الدفاع

اقتباس :

الكونتر أتاك

اقتباس :: لاعب اتعلمت نه

ننه ههههههههاي
كل الجيل القديم بتاع الكابتن اكرم كان كل واحد حريف اوي في حاجة

اقتباس :: اصعب بطولة عليك

اول بطوله ليا واللي جبت فيها فضية جمهورية لأن الكابتن مكنش معايا وكنت طفل صغير

اقتباس :: كابتن غير الكابتن أكرم بتحترم تدريبه

من غير مجامله للكابتن ملقتش حد بيفهم في اللعبة ونفسيات اللاعب زي الكابتن بس هو بيقولي غن الكابتن ايمن هو اللي علمه دا

اقتباس :: ميدالية بتحبها جدا

كل ميدالية وليها حدوته مختلفه

اقتباس :: قيم الكابتن أكرم كمدرب

خسارته في البلد دي فعلا

اقتباس :: لاعبي الفريق بالنسبة لك ايه

اخواتي من اصغر واحد لكبر واحد

ا

اقتباس :: يه رأيك فيا كلاعب

حريف وي بس مش مركز في اللعبة بعد ما انت جبت ىخر ميدالية لك

اقتباس :: راجعلك تاني ياكابتنه

اتهد بقي
هههههههههههههههههاي

حورس كتب:: مرحب بالكابتن الفولازي حماده
كنت هسألك نفس اسئلة مصطفي وانا متشوق اعرف الاجابه

ايوا كده
يسلام لو كان كله زيك
هههههههههههههههههههههههههههههههاي

السلام عليكم ورحمة الله وبركاته
الاستاذ المبجل والصديق العزيز / حماده بك قرنى
حمد الله على سلامتك اولا واخيرا واهلا وسهلا بك .
لن اطيل عليك . لان سوف اكتب الاسئلة واخرج لظروف العمل .
قرات انك من مواليد 86 يعنى 26 سنه تقريبا . العمر الطويل لك .
ما رأيك فى عواجيز المنتدى . ممن قاربوا سن المعاش . بصراحه
هل انت فى حياتك العمليه دائم الضحك والهزار والتهريج . ام انك بالمنتدى فقط .
ماهى الاوقات التى تكون فيها جادا ولا تضحك وترتسم على ملامحك الجديه .
ماهى هواياتك غير الكراتيه والكونغ فو . كم عدد الاصدقاء الحقيقين لك وما هى الصداقة فى نظرك . هل استفدت من الاستاذ اكرم عبد القوى من خلال النظر فى طريقة تعاملة مع الاخرين خصوصا انك قريب منه ؟ وهل اثر بك ؟ ام ان لك شخصيه مختلفة ؟
اسئلة كثيرة تدور بذهنى ولكنى ساكتفى بما سلف لانشغالى . ولى عوده باذن الله . تحياتى
يكفى ان تعلم مقدار حبى لك كأخ وصديق وأبن فى نفس الوقت محبة لوجه الله تعالى .

اقتباس :: السلام عليكم ورحمة الله وبركاته

وعليكم السلام ورحمة الله وبركاته

اقتباس :: الاستاذ المبجل والصديق العزيز / حماده بك قرنى

مش معقوله المفاجاة الكبيره دي حبيبي واستاذي ابو العلاء هنا زيارك دي تتاقل بالدهب

اقتباس :: حمد الله على سلامتك اولا واخيرا واهلا وسهلا بك .

وحمد لله علي سلامة حضرتك

اقتباس :: لن اطيل عليك . لان سوف اكتب الاسئلة واخرج لظروف العمل .

اقتباس :

لا حضرتك بالذات طيل وبراحتك مش كفايه انك خدت علي خاطرك مني وانا مكنش قصدي أزعلك ابدا والله

اقتباس :: قرات انك من مواليد 86 يعنى 26 سنه تقريبا . العمر الطويل لك .

اقتباس :

الله يبارك فيك وغن شاء الله تفرح بأحفاد احفادك

اقتباس :: ما رأيك فى عواجيز المنتدى . ممن قاربوا سن المعاش . بصراحه

بصراحة ويمكن حد يظن إني بجامل لما تعاملهم تحس انك بتعامل وزرا أو امرا دا كلام بجد وخسارة إن البلد مش بتستغل واحد زي الكابتن أيمن ولا الأستاذ رافت أو الأستاذ زين أو الحاج صوفي أو الستاذ احمد صوفي
لا يا استاذ انا شفت أكابر مصر واتعاملت معاهم مباشر ملقيتش زي الناس دي
وقار وهدوء وعلم رهيب بمعني رهيب واخلاق عاليه وعباقره فعلا

اقتباس :: هل انت فى حياتك العمليه دائم الضحك والهزار والتهريج . ام انك بالمنتدى فقط .

لا خالص
صحيح انا شاب وعايش حياتي كشاب لكن مفيش في حياتي مكان للتهريج إلا هنا وبس لأني ديما إما بشتغل او بتدرب
وخصوصا وانا كمان بيبقي عندي شغل آخر النهار يعني تلاقيني في نكد علي طول

quote]ماهى الاوقات التى تكون فيها جادا ولا تضحك وترتسم على ملامحك الجديه .[/quote]

حياتي كلها ماعدا المنتدي والفيس ودا مش نفاق مني ابدا يا استاذ ابو العلاء لكن انا احب يكون تمريني جد وشغلي جدا عشان محدش يوبخني او يعدل عليا

اقتباس :: ماهى
هواياتك غير الكراتيه والكونغ فو . كم عدد الاصدقاء الحقيقين لك وما هى
الصداقة فى نظرك . هل استفدت من الاستاذ اكرم عبد القوى من خلال النظر فى
طريقة تعاملة مع الاخرين خصوصا انك قريب منه ؟ وهل اثر بك ؟ ام ان لك شخصيه
مختلفة ؟

هوياتي المصارعة الملاكمة والنت ولعلمك انا كشاب محروم من حاجات كتيره المفروض يمر بيها اي شاب بس انا من صغري وانا بتدرب واشتغل
وبالنسبة للكابتن اكرم أكيد استفدت منه لنه عشرة عمر بالنسبة لي وكنت عنده من وانا طفل لكن هو هاااااااااااااااااااااااااااااادي ودمه خفيف بفس الوقت
وانا بعيد عن المنتدي بحاول أكون زيه لكن في المنتدي زي مانت شايف كل شويه نكته وقافيه وههههههههههههههههههههههههههههاي وهييييييييييييييييييييي وحاجات كده
والله مباحولش اخرج عن الذوق والاحترام مع أي حد مفيش غيرك انت والستاذ يسري والستاذ مصطفي عبد العاطي والأستاذه صفاء والستاذه رانيا
انتم بس اللي بزودها معاكم لأني حسيت انكم من أسرتي أو من باب العشم
عكس ناس تانية ببقي ميري معاهم زي الأستاذه ورده البيضاء ببقي خايف لتزعل

اقتباس :: اسئلة كثيرة تدور بذهنى ولكنى ساكتفى بما سلف لانشغالى . ولى عوده باذن الله . تحياتى

ياريت تكون لحضرتك عوده
وعد الحر دين

اقتباس :: يكفى ان تعلم مقدار حبى لك كأخ وصديق وأبن فى نفس الوقت محبة لوجه الله تعالى .

والله انا بحبك لدرجة حضرتك متتخيلهاش ومش ناسي وقفتك معايا ساعة اعتقالي

للعلم والتنويه

سيتم غلق الموضوع بعد 48 ساعة

بحول الله وقوته من لديه إستفسار لأخونا حمادة

ليطرحه ودمتم جميعاً بكل خير

اخى الكريم حمادة لماذاا لم تتزوج الى الان

وما سر حبك للرسم

» متى اللقاء ؟
» متى اللقاء ؟
» اللقاء العجيب .
» طريقة صنع تاج اللقاء للأطفال
» متعة اللقاء بسيادة اللواء