حزب الحرية والعدالة بالفيوم يكرم أعضاء المنتدي

قام حزب الحرية والعدالة بتكريم حفظة القرآن الكريم والمتفوقين في الشهادت الدراسية
وكانت مفاجاة كبيرة جدا بالنسبالي إني اشوف الكم الكبير ده من الأعضاء هناك والمفاجاة الأكبر هي وجود الكابتن اكرم وجزء من اسرته عشان بيكرمو ابنته
وتم تسجيل اللقاء علشان هيتبث علي فضائية 25 يناير علي النايل سات
وعلي فكرة كان فيه اعضاء كتير في المنتدي بيتكرموا لكن ملحلقتش أصورهم كانوا ياخدو الجايزة ويمشوا علي طول

ودي صورة لبعض الجماهير اللي كانت موجودة أثناء التكريم

[img][/img]

ودا جانب آخر للمدعوين وعضو المنتدي الستاذ عاصم عبد الستار هو اللي لابس تي شيرت أحمر ومدي ظهره لنا معلش يا أستاذ عاصم انت اللي كنت تعطيني ظهرك طول الحفله ومعرفتش أصورك كويس

[img][/img]

وده الجانب النسائي من الحاضرات للإحتفال الكبير



ودول بعض اعضاء مجلس الشعب والشوري وقيادت الحزب عشان يكرموا الطلبة

[img][/img]

المفاجأة برضه غن كان مقدم الحفل عضو معانا بالمنتدي وهو الأستاذ عبد الرحمن زين العابدين عبد الرؤف وغطي علي مذيعين القناة ثقة وصوت وتمكن

[img][/img]

ودي صورة الأستاذ عبد الرحمن زين العابدين عن قرب وهو بيقدم الحفل

[img][/img]

ودي صورة جانبية للكابتن أكرم مع السيدة أم البنات والأخت آيه

[img][/img]

الغريب جدا إني لقيت حماده هناك وطبعا أول ما شاف الكابتن راح حماده واقف بعيد رن علي الكابتن أكرم وقاله تعالي ياكوتش معندناش حد بيقعد مع أهله اللي عايز يقعد هنا يقعد معايا أنا بس وقام الكابتن أكرم وخدت أنا وحماده الصورة دي معاه وبرضه الأستاذ عاصم يعطينا ظهره هو شكله كان واخد الحفله كلها بظهره ههههههههههههه

[img][/img]

ودي صوة الأخت آيه وهي بتستلم الجايزة

[img][/img]

ودي صور الجوائز اللي حصلت عليها مصحف ودرع وشهادة

[img][/img]

ودا الدرع والشهادة اللي حصلت عليهم آيه

[img][/img]

وصورة أخيرة والكابتن كان ماشي وزهقان منا قوي وقال يعني هو مفيش مكان أروحه وما أشفكومش فيه

[img][/img]

وفي حديث صحفي كده من بتوعي علي السريع قال الكابتن اكرم --- الاحتفال ده لفته ذكية جدا من حزب الحرية والعدالة وإن الحزب بالتكريم ده قدر يحفر في وجدان الأولاد دول ذكريات تربطهم بيه ودا في حد ذاته ذكاء سياسي كبير

والأستاذه أم البنات قالت --- الحمد لله علي تكريم الأولاد اللي بذلو مجهود في دراستهم وفي حفظ القرآن

والأخت آيه قالت --- الحمد لله علي التكريم وده يرجع لربنا أولا ثم ماما والأستاذ رأفت والأبله هويدا --- وزي ما أنتم شايفين مذكرتش بابا بكلمة ههههههههههههههه انتم حرين بقي مع بعض في البيت يا كابتن وخلي بقي الأبله هويدا تنفعها في العلقة السخنة هههههههههههههههههه

---------

كان معكم
مصطفي الأعصر
من نادي التطبيقيين بأبراج التطبيقيين بالفيوم

ربنا يديم عليكم التفوق ياكابتن وشكرا يادرش علي التغطيه

اقتباس :

وزي ما أنتم شايفين مذكرتش بابا بكلمة ههههههههههههههه

محقة آية في كلامها فالأستاذ رأفت هو الراعي العلمي لآية وأخواتها

لكن ده ما يمنعش إني قلت لها محرومة من المصروف وابقي خلي الأستاذ رأفت والدكتورة هويدا ينفعوك



شكرا يا درش للتغطية الغير مرتبة مسبقا