حولان في المحكمة

أنا ... السلام عليكم يا عمو حولان


حولان ... ليه هو المغرب أذن


أنا ... بقول السلام عليكم


حولان ... ياااااه معلش . صباح النور


أنا ... مالك يا حولان مشغول وسط الكتب دي ليه .. كل دي كتب ... بتدور فيها علي إيه ؟


حولان ... ببحث علي مسألة مهمة وضرورية


أنا ... ومن أمتي وانت وانت بتحب الكتب ولا بتحب القراءة


حولان ... لازم أحبها علي الأقل دلوقت


أنا .... ليه يا حولان


حولان ... لأن رقبتي ممكن تروح فيها


أنا ... وقد انتبهت لكلماته الغريبة .. خير فيه إيه يا حولان


حولان .... فيه مصيبة ... أنا إمبارح كنت بأترافع في قضية كبيرة جدا


أنا .... بس أنت مش محامي يا حولان


حولان ... مش مهم أكون محامي


أنا بتهكم ... وقضية إيه اللي كنت بتترافع فيها إن شاء الله


حولان ... هيا قضية واحدة . دي قضايا ... قضايا لغوية


أنا ... نعم يا اخويا ... قضايا لغوية . دي خاصة بدراسات اللغة العربية . وبتترافع فين إن شاء الله


حولان ... في مجمع اللغة العربية


أنا ... يا سلااااااااااااام ... وقلت إيه بقي إن شاء الله


حولان ... ولا حاجة . أنا وقفت قدامهم زي السبع وقلت ... حضرات الدكاترة المستشارين . كما

هو معروف لديكم أن كان وأخواتها تجار مخدرات .



أنا وقد أخذني الذهول المفرط ... نعم يا اخويا . كان وأخواتها تجار مخدرات ... وسكتوا لك


حولان ... لا طلعو مابيفهموش في السياسة وحكموا علي أنا


أنا ... حكموا عليك بإيه


حولان ... قالوا لي لو معرفتش تحل السؤال ده ها نحول أوراقك للمفتي . يعني إعدام


أنا باهتمام ... عشان كده أنت غرقان في الكتب دي كلها ... وإيه هو السؤال يا حولان


حولان ... السؤال بيقول .. إيه الفرق ما بين ألفية ابن مالك والألفية الثالثة