سلى صيامك بشوية نكت مضروبين

سلى صيامك بشوية نكت مضروبين
بس اليفطر أنا مش مسؤل عنه



واحد نايم جنب مراته فسمعت صوت فبتقوله:قوووم ياراجل في صوت في الصاله,قالها نامي ياشيخه جنبك سبع
قالتله:ياراجل في حرامي في اوضه النوم قالها: ياشيخه نامي جنبك سبع,قالتله:ياراجل حرامي شالني وماشي
قالها:طب يلا روحي ماتخفيش سايبه في البيت سبع
***************
مرة واحد غبي راح يخطب فوالد العروسه بيقوله عاوزين مهر عشرين الف جنيه
قام الغبي قايله:ليه دة انا قدامي واحدة علي خمس الاف جنيه وحامل
*****************
مرة واحد دخلت عليه مراته لقيته بيقرا كتااااااب (الرجل سيد المنزل)
قالتله:انت بقي مش حتبطل قرايه الكتب الخياليه دى
*******************
نساااااااء العالم اتحدن وقررن ان لايقوموا باي اعمال في المنزل ,
وبعد اسبوع تجمعوا ليعرفوا نتائج الاضرااب
فقالت الزوجه الفرنسيه:"انا قولت لميشيل زوجي انا مش حعمل حاجه في البيت الاسبوع دة وقالت:"اول يوم ماشوفتش حاجه وتاني يوم ماشوفتش حاجه وتالت يوم بدا يغسل ويمسح"
وقالي"انتي بتتعبي اوى ياحبيبتي"
وقالت الانجليزيه:"لجوزها انا مش حعمل حاجه خالص الاسبوع ده وقالت:"اول يوم ماشوفتش حاجه تاني يوم بدا يعمل الاكل
وتالت يوم غداني وعشاني برة"
جات المصريه وقالت:"انا قولت لابو العيال انا مش حعمل حاجه في البيت الاسبوع دة وقالت:اول يوم مشوفتش حاجه وتاني يوم مشوفتش حاجه تالت يوم ابتديت اشوف شويه بعيني الشمال"
الفرق بين الولد والبنت فى الميكروباص
الفرق بين الولد و البنت فى الميكروباص :
اول حاجة :
(وانتا بتوقف الميكروباص وياسلام لو مافيش مكان )
...
لو انت بنت يادوب تبصي بس بصة استعطاف لأي بأف قاعد هايقوم ينط يعد في ضهر السواق عشان تعدي

انما بقا لو انتا ولد شوفلك اي حتة اترزع فيها او انشالله تتشعلق مانتا اساسا مالكش أهل يخافو عليك
ثانى حاجة
(وانتا طالع كتير مننا ممكن يخبط راسه في الباب)
طبعا لو كنتي بنت هاتلاقي اللي بيقولك خير حصلك حاجة ؟؟؟ من كل الركاب وممكن طبعا
تلاقي اللي ممكن يقوم يضرب السواق
انما بقا لو كنت ولد... اسمع بقا اللي يضحك عليك واللي يقولك ايه اتعميت ؟؟ .. يا لطخ تستاهل شوف كنت بتبص فين والكلام دا طبعا
تالت حاجة :
(وانتا بقا بتقفل الباب وطبعا السواق بيقولك اقفله بالراحه كأنه هايتكسر في اديك)
طبعا لو كنتي بنت وبتقفلي بالراحه خالص وممكن الباب مايتقفلش يقولو شوفو الرقة حتى الباب مش هاين عليها تخبطه بالجامد
وياعيني عليك لو كنت ولد والباب ماتقفلش .. ايه ياعم النايتي مش قادر تقفل الباب اتفو على دا جيل
ولو قفلت الباب بالجامد بقا
لو كنتي بنت طبعا هايقولو معلش اكيد متعصبة شوية ربنا يعينها على اللي هيا فيه
انما لو كنت ولد : ايه الطور دا خلاص ياعم عرفنا انك فاندام بس بالراحه ع الباب
رابع حاجة :
(طبعا ممكن يجيلك تليفون وانتا قاعد في الميكروباص )
لو انتي بنت وانتي بتقولي الو ياسلااااام الله يا جماعه على صوتها شوفو الرقة يابخته المحظوظ اللي بيكلمك ولو معاها موبايل معفن ياسلام ع التواضع
انما بقا لو كنت ولد اللهي يجيلك ضربة انتا واللي بيرنلك دلوقتي وطي ياعم صووت ام صوتك صرعتنا والله عرفنا انك معاك زفت موبايل
ولو الموبايل معفن .. وكمان بتتعايق بموبايل معفن امال لو كان موبايل عدل شوية كنت عملت ايه
خامس حاجة :
(لو انتا بقا طالع والسواق مشغل اغنية بيئة ومعلي الصوت بقا وانتا عايز تتكلم في الموبايل)
طبعا لو انتي بنت القانون بيديكي الحق الكامل انك تقوليله وطي الكاسيت او اطفيه ( قانون ساكسونيا طبعا)
انما لو ولد هاتلاقي السواق من غير ما يرد عليك يادوب يبصلك بصة بقرف ويلف وشه تاني ويعلي الصوت كمان ويفضل يبرطم بقا انتا هاتشترينا بأم النص جنيه اللي هاتدفعه
سادس حاجة :
(طبعا بقا انتا وصلت الحمد لله بعد القهر والتفرقه العنصرية اللي اتعرضت ليه طول الطريق عايز تنزل بتقول للسواق على جنب وطبعا لايمكن هايسمعك ماهو مشغل الاغاني ومعلي الصوت على اخره)
طبعا لو انتا ولد هاتقول مرة واتنين وعشرة وينزلك بعد الحتة اللي انتا عايز تنزل عندها بشارعين تلاته وطبعا هايقولك ماسمعتكش مانتا اللي صوتك واطي زي البنات
انما بقا البنت يادوب كل اللي هاتعمله انها توشوش على جنب وكأنها بتكلم نفسها
هاتلاقي بقيت الاربعتاشر نفر اللي قاعدين في الميكروباص بصوت واحد بيقولو للسواق على جنب ..... انتا اطرش

بسم الله نبدأ
____________

المقارنة الاولى

- بالنسبة للفتاة لو مر من قدامها ولد وكانت معجبة به فانها تلقي عليه نصف نظرة من تحت لتحت حتى لا يفضح امرها

- أما بالنسبة للولد يا لطيف : يدور رقبته360 درجة كالصقر وتجد نصف سكان الحي قد كشفوا امره من خلال تلك النظرة البلهاء

____________

المقارنة الثانية

* حين نجد قط غير مرغوب به داخل البيت

- بالنسبة للفتاة فانها تقترب من القط بهدوء وتمسكه برفق ثم تطعمه وبعد أن ينتهي تتوجه الى الباب على مهل وتحطو برة بكل ادب ثم تغني له أغنية آسفة لأصالة نصري والسبب أن والدها لايحب سماع المواء اثناء نومه لذلك تعد القط أنها ستدخله غدا والمسكين ينتظر الغد بفارغ الصبر ثم تغلق الباب وتذهب للنوم

- اما الولد فلا يصدق نفسه حين يرى قطا داخل البيت . في تلك اللحظة يتخيل نفسه زين الدين زيدان يسدد ضربة حرة فتجد القط المسكين مسدد به في الزاوية اليسرى للنافذة وهو طائر تسمعه يقول للولد (روح ربنا ينتقم منك ) قبل أن يسقط في أقرب زبالة

__________________

المقارنة الثالثة

* حين نجد بطل أفلام الرعب لدى الفتيات ( صرصور )

- حين تجد فتاة صرصورا بالليل تصرخ كأنها بتعمل السمفونية الأخيرة لبتهوفن

ثم تستجمع شجاعتها وتحضر المبيد وترشه وهي تقول حتموت يعني حتموت والله لأموتك والصرصار بيضحك على خفة دمها لحد مينزل عليه أبوها بالقبقاب

- أما بالنسبة لأخينا فانه حين يجد صرصار ينتابه جنون العظمة فيعتقد انه هتلر ويضحك ضحكة حتى تبرز جميع أضراسه المخفية ثم يمسك الصرصور ويبدأ بعملية التعذيب فينزع له الرجل الاولى ويسأله : بابا فين

الرجل الثانية : ماما فين

الثالثة : اخواتك فين

الرابعة : ساكن فين

الى ان تنتهي أرجل الصرصور ويتركه حيا حتى يكون عبرة لكل صرصور حاول أن يتجرأ ويظهر له وهو موجود

___________________

المقارنة الاخيرة

* خناقة بين اثنين من بني جنسهم

- بالنسبة لفتاتين بيتخانقوا أنت لا تسمع سوى :

انت حمارة

لأ انت للي ستين حمارة

الزمي حدودك انت للي ستمية وستين حمارة

والله انت جريئة أوي ده انت للي ستة ألاف وستمية وستين حمارة

الى ان يصلوا للعدد 66666666666666666666 من الحمير

- اما بالنسبة للصراع بين الجبابرة ( الرجالة يعني )

فكل الكلام .. تحت الحزام

وبعد الخصام .. يحلى السلام

ههههههههههههههههههههههههههههههههههههههههههههههههههههههههههههههههههه

بجد هاييل جدا جدا يا احمد

مش عارفة اشكرك ازاى انا كنت مخنوقة جدا بس انت ضحكتنى اوى

شكرا جزيلا احمد

خلي بالك نكت مضروبه
هو انت مش عارف إن الضرب في النكت حرام
ههههههههههههههههههههههههههههههههههههههه
هههههههههه