السلام عليكم ورحمة الله وبركاته
ـــــــــــــــــــــــــــــــــــــــــــــــــــــــــــــــــــــــــ
يا جماعه بجد وكل واحد يقول اللي في قلبه لما كان متجوز مثلا
مواقفك مع خطيبتك قبل الزواج وبعد الزواج بس بجد
( كل اللي كان بيعمل زيي يقول بصراحه )
الشاب مع خطيبته قبل الزواج كن ياخدها يوديها السندباد الملاهي الحديقة الدولية (عندنا في الفيوم) وحديقة الازهر وكده
الشاب بعد الزواج مش بيودي زوجته الا حته وحده وهيا المقابر المقابر ثم المقابر ثم المقابر
الشاب لما كان يروح لخطيبته يلاقي امها اللي فتحت الباب يقول في نفسه (الملاك البرئ فتي يا ولاد)
الشاب لما يروح هوا وزوجته لحماته بعد الزواج وتفتح الباب يقول في نفسه (الهلاك الكبير فتي يا اولاد حسبي الله ونعم الوكيل انتي اللي دبستيني في بنتك يا بنت ال............
قبل الزواج الشاب عند خطيبته خطيبته تقوله يا حبيبي ماما طول اليوم بتشكر فيك وتقول ما عندناش الا هشام ربنا يخليه
الشاب بعد الزواج بيكلم مع مراته مراته تقوله دي ماما ليل نهار بتقول حسبي الله ونعم الوكيل فيك يا هشام وفي اللي خلاني اجوزك بنتي
الشاب هوا راكب عربيته قبل الزواج مع خطيبته يشغلها تامر حسني حماقي عمرو دياب
الشاب بعد الزواج مع زوجته في العربية مش بيشغل الا حاجة وحدة بس وهيا اغنيه غلطة لهاني شاكر
واخير وليس اخرا الشاب قبل الزواج مع خطيبته وهما خارجين مجرد تقف ادام المحل بتاع الملابس وتعجبها حاجة يلاحظها هوا في ثانية تطلع الفلوس ويقولها اتفضلي يا حبيبيتي اللي نفسك فيه
ا
الشاب مع زوجتة بعد الزواج وهما خارجين تقف قدام المحل وعمالة تبص في محل الملابس وعينها هتخرم اللبس وهما تقول احم احم احم وصاحبنا قاعد بيتوه وفي الاخر لما تلاقيه بيستهبل ومش عايز يبص تقوله يا حبيبي انا عايزة الفستان ده قالها الفستان ده تقوله اه يقولها عاجبك للدرجادي يا حبيبتي تقولها اه يا حبيبي يقولها خلاص يا حبيبتي وعد مني اجيبك كل يوم تتفرجي علي الفستان طالما عاجبك
( ارجو ان تكونوا استمتعتو معايا)
السلام عليكم ورحمه الله وبركاته
ــــــــــــــــــــــــــــــــــــــــــــــــــــــــــــــــــــــــــــــ
موضوع: اتحداك متضحكش 
13/7/2012, 17:05
