سؤال عن البلاد وحظها

كل ما اسئل حد
عن احوال بلادى
يقولى حظها كده
وده شئ عادى

انه تبقى بالشكل ده
ازاى حظها وحظى
اننا مبنتعلمشى
من الحاضر او الماضى

وزى ما مركبها يرسى
الواحد بيبقى راضى
مفكرش يغير الواقع
وقال عايش عادى

ازاى تبيع وترضى
وتعيش ع الفاضى
عايش ع ذكريات
يدوب من الماضى

فوق بجد وشوف حالك
وشوف نفسك لو كنت راضى
انك تبيع وتطيع
وتعيش ف بلادى

وف الشوارع تصيع
ومسجل خطر ع القهاوى
والنظام ال انت شلته
عليك وع اجلك ناوى

كل ده لو مفقتش
حيفتح عليك مطاوى
ياخى انت مبتحسش
وع حب بلادك غاوى

ده بلدك محتجاك
وعليك بتنادى
قوم وال انت مش سامع
صوتها وال صوتى

ده بلادك بتنادى
قوم وال انت لعيشتك راضى
بلادك لسه فيها الروح
متسبهاش ف الحالادى

عالجها من الجروح
وهات حقوق الماضى
وال سيبها واتهرب
وقول اى كلام فاضى
الشاعر
محمد على

أخي الشاعر محمد علي
حال بلادي هيبقي في العالي
ونخاف عليها ونبطل وأنا مالي


تقبلني هنا

اقبلك بس بدون كلام
جيه وقت العمل مش ننام
حقعد معاك بدون سلام
مش حسيبك غير الى الامام
تحياتى لك

شكرا لك دكتور
تحياتى لك

رائعة ياأستاذ محمد
أطربنا بالمزيد من فيض قلمك

شكرا لك اخى احمد نجيب
تحياتى لك وانا ليه الشرف انك
تشوف حاجه ليه

الشاعر محمد على مبدع كعادتك
لا حرمنا الله منك

شكرا اخى
الاستاذى
خالد بعض ما عندكم
______________
عجايب يا زمــــــــن
فيك بيع وشرا وتمن
الامين فيك اتخـــــان
والخاين ائتمـــــــــن