من المغرب

left]صباح الشوق والاشواق على شرفات وقت إفطـار
صباح الحبّ واشواقه على الترنيـم قلـب و روح
صباح الفلسفه منّي الـى حضْرتْـك .. بالقنطـار
اذا وقت الريال اقفى ؟؟ نِعـدّ الدرهـم المطـروح
صباح الشوق من قلبي الـى قلبـك يجـي إكبـار
صباح العزّ بشموخـه اذا صبّـح يجـي مملـوح
صباح معادلة نقْسم على الأثنيـن ثلـج .. ونـار
اذا الرمّان برّدهَا .. شفـاه التـوت جـا مشفـوح
عشان معادلـة سِكّـر \ طبيعـي تنتشـر أخبـار
تشوف العلقـم بكبـره يسيـل لعابـه المفضـوح
لأن اقلام ارواجـك ... تعانـق بالشفـاه إسْفـار
مجالـه يغـري العابـث اذا ماينقهـر ويـنـوح
لذلـك غصـب اشواقـي تسيـل معادلـة إنـذار
اذا الأجراس ماتُقـرع .. تفـزّ طبـول للمسمـوح
لأن الوقـت مـن اوّل سمـح بموازنـة تكـرار
لأن الضـوء تبليلـه يكسّـر زاويـة مـشـروح
لأن الشرح من " هيثم " كشفهـا للعلـن اسـرار
احسّ ان " الحسن " فعلاً حسبها صحّ قبل يروح(1)
و" بطليمـوس " مايـدري توقّـع تنبعـث إجبـار
وقلبها الذيب من يعرب .. فديت العلـم يازحـزوح
واذا هالضوء يتكسّـر حـرام لخاطـري إكسـار
انا مانيب من ناس(ن) تكَسَّـر ترتجـي مصلـوح
انا لامن غطستك إنكسـر كلّـي علـى المحـاااار
فديـت معادلـة هيثـم احـسّ مطابقـه للبـوح
ابكتب شعر واتفلسف علـى عيـن العـدو إبهـار
اذا يحسـد اقـول ان الحسـد ماينفـع الممنـوح
واذا هالحب فيزيائـي مَعَامِـل حبّنـا " سنجـار "
تجاربنا نثبّتها .. عشان اسماء تحب ممـدوح(2)
وانا ايضاً احبك مووووت دليلي يعتـرف إصـرار
يبوح بخاطر(ن) عاشق يحسب الموقف المربـوح
ابدفع عمـري الباقـي .. و اوازي حبّـك الجبّـار
لأنك غييير هالعالـم .. حكايـة حـبّ للمذبـوح
اقول لبعضك الرائع : انـا مؤمـن علـى كفـار
واقول لبعضك الآخر : انا كافـر علـى المكبـوح
كبحت جماح شوقي لـك .. لأن النظـره بمنظـار
لأن الحـبّ فالأنثـى رهيّـف والشّعـور يفـوح
لذلك دلّتـي لازم علـى جمـر الغضـى بوجـار
هدوء النـار يقلبهـا .. وهيلـي ينتظـر مبيـوح
اذاً لابـد مـن ختمـه عشـان الفلسفـه تحتـار
وتبغى الجدّ انا المحتار انت القلب وإلا الـروح ؟؟


.
.
.
*1 ـ هو أبو علي الحسن بن الهيثم، اشتهر بعلمي البصريات والهندسة ..
وهو اوّل من اكتشف إنكسار الضوء في الماء ..
وهو كذلك من قلب نظرية ( بطليموس ) رأساً على عَقِب فقد زعم بطليموس أن الرؤية
تتم بواسطة أشعة تنبعث من العين إلى الجسم المرئي، وقد تبنى العلماء اللاحقون
هذه النظرية , ولما جاء ابن الهيثم نسف هذه النظرية في كتاب المناظر، فبين أن
الرؤية تتم بواسطة الأشعة التي تنبعث من الجسم المرئي باتجاه عين المبصر أي
عكس نظرية بطليموس .
*2 ـ " سنجار " جبل و مدينة من مدن الحضارات القديمة في العراق .
وتقع على مسافة 130كم في الشمال الغربي لمدينة الموصل .

منقووول
.
.
.[/left]

شكرا ل (شنبو)العزيز مروره الكريم واعرف ان اساتذتى بالمنتدى يعلمون
الكثير عن (بن الهيثم) ولكن الجديد ان الشعراء تغنوا بهذا العالم العظيم
الذى اتى لنا بالجديد فكان حقا علينا ان نكرمه بلغة الشعراء

وشكرا لك على الصورة ذات الوجهين