نفسك ترجع النظام القديم ؟! اتبع الخطوات التالية

نفسك ترجع النظام القديم ؟!
اتبع الخطوات التالية



نفسك يفضل الدرج يتفتحلك فى كل مصلحة حكومية عشان تحط فيه الرشوة للموظف عشان يمشى مصلحتك؟!
... نفسك ترجع الإهانة و الضرب و التعذيب فى أقسام الشرطة ؟!
نفسك خيرك و خير بلدك يبقى مش ليك و ترجع بلدك تتنهب تانى ؟!
نفسك تانى أكلك و محاصيل بلدك تبقى مسرطنة و ماء شربك يجيب فشل كلوى وكبدى؟!
نفسك تانى الناس تموت فى طابور عيش أو فى عبارة غرقانة أو فى قطر محروق ؟!
نفسك تفضل جامعات مصر و تعليمها فى آخر قائمة الجامعات المحترمة فى العالم ؟!
نفسك تانى يضيق عليك فى رزقك و يحبط ولادك و ينكسر الأمل فى قلوبهم و يبقى كل همهم يهربوا برة بلدهم اللى مش عارفين يعيشوا فيها ؟!
نفسك ولادك يتفرجوا على اعلانات بورتو مارينا والرحاب ومدينتي ويشوفوا ولاد الناس بيلعبوا وبيتفسحوا فيطلبوا منك توديهم هناك فتقول لهم الحاجات دي مش لينا يا حبايبى .
نفسك تشوف بنتك قاعدة جنبك لحد ما قربت تعنس ومضطر تأجل جوازها بالزوج الصالح عشان مش معاك تجهزها ولو بأقل شيء ي إما تضطر تقبل أى حد و السلام عشان تسترها !
نفسك تانى تفارق ابنك ويتغرب بره سنين طويلة و يبقى كل أملك تشوفه و لو مرة قبل قضاء الله ما ييجى لأنه ببساطة مش هيعرف يعيش مستور لو رجع بلده؟!
نفسك تشوف اخوك الصغير او ابنك على القهوة يدخن في سجاير وشيشة ومخدرات عشان ينسى ان عمره 35 سنة ومش عارف يشتغل او يتجوز او يلاقي شقة؟!
نفسك تروح محكمة و متعرفش تجيب حقك غير بعد عشرين سنة ؟؟
نفسك نفضل من اقل الدول فى معدلات الشفافية و من اعلى الدول فى معدلات البطالة؟؟
نفسك ؟؟؟؟!!!!!
نفسك تانى كل حاجة فى بلدك تبقى بالواسطة و لا تعرف تشتغل أو تتعين إلا بالكوسة و المحسوبية ؟!
نفسك تانى صوتك ما يبقاش ليه قيمة و إرادتك تتزور و تبقى عايش فى بلدك كأنك غريب بل كأنك ما فيش ؟!
نفسك تشوف بلدك بتكسب كاس الام الافريقية ثلاث أربع مرات وبتخسر جنودها على الحدود ببلاش وبتركع لأعدائها وتبيع لهم خيراتها و خير أرضها بأبخس الأثمان ؟؟!
نفسك تانى تبقى إرادة بلدك دايما تابعة لأمريكا و إسرائيل و بعد ما كانت دولة علمت الدنيا الحضارة تفضل دولة فى ذيل الأمم ؟!
نفسك كل اللى ماتوا و اتصابوا عشان تعيش أنت وولادك و أحفادك بكرامة دمهم يروح هدر و تجيب نفس الناس اللى ثاروا على فسادهم؟!
نفسك ترجع تعيش بمذلة و تكون جوة بلدك مواطن درجة تانية ؟!
نفسك فى كل اللى فات ده ؟

اشتقت له أوى ؟؟

الحـــــــــــــــــل سهــــــــــــــل جــــــــــــدا
وهو
انك تختار للرئاسة واحد بشرط :
انه يكون من الفلـــــــــــــــــــول



راق لى فنقلته بتصرف

كلمات في الصميم

أسال الله أن يرزق مصر وشعبها من يقدم لهم كل عون

ويسهل لكل معسر

لا أعتقد اخي محمد ان الشعب سيرضي بالعبودية والذل من جديد؟؟ فمن كسر حاجز الخوف وقال للطاغية في عنفوان جبروته لا لن يخاف ويرضي بالذل مرة اخري من غيره

اللهم وفق مصر لما فيه الخير يا أرحم الراحمين .