صواريخ الكابتن ظريف – فلول . فل . فلة

صواريخ الكابتن ظريف – فلول . فل . فلة



حد يسألني ويقول لي يعني إيه " فلول – فل – فلة " يا كابتن ظريف ؟

هرد عليه وأقول له : دي نفس الخطة المعروفة باسم " 4 – 2 – 4 " ودي معروفة لكل مدربين كرة القدم .
أولاً خط الظهر : ويتكون من أربعة لاعبين اللى بـ يمولوا خط النص هم :
1 - دول أجنبية
2 - دول خليجية
3 - النظام القديم
4 – رجال أعمال فاسدين " حرامية "
ثانياً خط النص : وهذا الخط هو همزة الوصل بين خط الظهر وخط الهجوم
وبيتكون من 2 لاعبين ولازم يكونوا أصحاب خبرة وتدريب عالي وهم :
1 – جهاز أمني له خبرة كبيرة في الملعب
2 – جمعيات أهلية أو منظمات مشبوهة على مستوى عالي من التدريب في الخارج .
ثالثاً خط الهجوم : ومهمته أنه يحرز الأهداف وهم :
1 – المسجلين الجنائيين
2 – أولاد الشوارع الناقمين على المجتمع
3 – الشباب الطهقان الذي تخرج ولم يجد فرصة عمل
4 – البهائم الذين يخرجون في أي زفة من قبيل المجاملة لأي حد وخلاص
وقانون الإتحاد الدولى سمح فى الموسم الماضي أنه ممكن للفرق أن تستعين بـ 2 لاعبين محترفين من قبيل الإعارة والفريق ده تعاقد مع لاعب من نادي الموساد ولاعب من نادي C.I.A .
وفى الآخر الحكومة تضحك علينا ويطلقوا عليهم اسم فرقة نادى " اللهو الخفي " ... وزغردي يا اللى أنتي مش غرمانة ... وبس يا سيدي .

آآآآآآآآآآآآآآآآآآآآآآه يا بلد

أنا سعيد بيك وبمواضيعك يا كابتن ظريف

صح كلامك

يسلم لي مرورك الجميل ياكابتن أحمد .. وبس يا سيدى