السيره الهلاليه مسموعه ومكتوبه

بسم الله الرحمن الرحيم

أعزائي الكرام
السلام عليكم ورحمة الله وبركاته

يسعدني ويشرفني أن أقدم لكم شيئا سيعيدكم إلى ذكريات الماضي الجميل..
أضع بين أيديكم ملحمة السيرة الهلاليةالسيرة الهلالية كاملة بجزئيها:
تغريبة بني هلال في بلاد المشرق العربي
تغريبة بني هلال في بلاد المغرب العربي

وعلى أنغام الربابة بصوت عبد الرحمن الأبنودي وجابر أبو حسين
حجم 430 ميجا
عدد الحلقات 104 حلقة

بالإضافة إلى كتاب''تغريبة بني هلال''بصيغة PDF
كل ذلك في ملف واحد

للتحميل برابط مباشر - تخير أحد الروابط التالية:

http://dvd4arab.maktoob.com/redirectLink.php?link=http%3A%2F%2Fwww.megaupload.com%2F%3Fd%3DG2EGGVMY
أو
http://www.zshare.net/download/509832466482329d
أو
2Shared
أو
Adrive
أو
Badongo
أو
SharedZilla
أو
Shareator
أو
Upit.to
أو
UploadMachine

كما أتوجه بخالص الشكر والتقدير لكل من:

الأستاذ عادل عبد العظيم المالك الأصلي لهذه النوادر وحفظا للحقوق,هو أول من تكرم برفعها على الشبكة العنكبوتية - الإنترنت - فله منا كل الشكر والعرفان.

الأستاذ عادل الشريف أبو مريم - الحارس الأمين على كنوز السيرة الهلاليةالسيرة الهلالية على إثرائه للموضوع بما يملكه من درر نفيسة وتسجيلات نادرة للسيرة الهلالية نال بها هذا اللقب عن جدارة وإستحقاق,فجزاه الله خيرا.

الأستاذ عمر احمد محمد بما يملكه من معلومات غزيرة عن السيرة الهلاليةأثرت الموضوع وزادته رونقا وجمالا.

الأستاذ عمدة السمطا الذي أثرى الموضوع بتسجيلاته القيمة والنادرة للسيرة الهلالية بأصوات شعراء آخرين فله كل الشكر والإحترام

مقتطفات من السيره الهلاليه

الاراضى الحجازيه من 850 سنه صحراء مترامية الاطراف بحر من الرمال لا يستطيع السير فيها الا من يعرفها والا حكم على نفسه بالموت المؤكد .

وقف ا لفارس ينظر الى املاكه الممتده امامه . كان حزينا فقد الهته الحروب والمنازلات حتىتقدم به العمر ووصل الى الاربعينات دون ان يتزوج وتتغلب عليه الان الرغبه فى توريث ما حققه الى ابن من صلبه . حتى اطفال الاخرين من عائلته لايرى فيهم من هو جدير بأن يرث سيفه . دمعت عيناه وامتطى فرسه وانطلق الى الصحراء المفتوحه واخذ يبثها حزنه

لم يخلق الله مثل محمد
نبى الهدى قد جاء بالقرأن
صلى عليك الله يا علم الهدى
يا نور العيون يا صفوة الرحمن
اصلى على من قال يارب امتى
طه الذى شرف بنى عدنان
قد خاب عبد لايصلى على النبى
طه الذى قد جاء بالبرهان
من بعد تمجيدى فى جمال محمد
اقرأ لشعرى مربع الاوزان
يقول الفتى رزق الشجيع ابن نايل
جور الليالى حير الانسان
امنت لك يا دهر ورجعت خنتنى
ولا كان حسابى ان الزمن خوان
بتخونى ليه يا دهر تكسرنى فى العضا
خليت دموعى مزقوا الاجفان
الا يا عباد الله يا ميلة الزمن
تاريها الغروره طبعها خوان
ابكى على الفرقه وحيف ما جرى
دمعى سرى بل الاراضى طيفان
على ما جرى يا ويح قلبى لما جرى
يا هلترا اقعد مع الاخوان ؟
ابكى على الايام بعين وجيعة
عدم الخليفه هدنى بمكان
انا الذى قد هدنى البين والنيا
اشكو لربى محتكم منان

كنا برفعه قد خفضنا زماننا
صبحنا اذله والعزيز اتهان
ياما ضحكنا وكان البكا عند غيرنا
واليوم بنبكى وخصمنا فرحان
امنت لك يا دهر ورجعت خنتنى
تاريك يا دهرى المشوم خوان
دنيا اذا اعطت سريع انقلابها
بعد الحلاوه تسقى كاس بمرار
تميل على الامرا و تهدم فراشهم
وتعلى اسافل لم لها برهان
تزهو لمن يزهو وترجع تنطفى
فلا قصور تفضل ولا عمران
دنيا اذا عدلت عروسه مزهزهه
تيجى صبيه جميله راخيه دلال
تميل عالغندور وتهدم منازله
بيت الهفيه عالى البنيان
تميل على الاخين تاخد عزيزهم
وتروح وتترك الخايب الندمان
ان عادت الايام بالفرح والهنا
لاركب على المهره واطوح زان
واخلى بنات البدو ترخى شعورها
واخلى دما اعدائنا طيفان
وادق طبل الفرح قدام بابنا
واقول عطانى مقتدر حنان
استغفر الله العظيم من الخطأ
الهى تعالى خالق الانسان

ظل ساهما الى ان نزلت استار الظلام كانت الرمال ممتده فى كافة الاتجاهات لميكن خائفا وهو الفارس الذى لا يشق له غبار الى ان اتاه صوت ارعبه . تلفت فى كافةالاتجاهات . سقطت عمامته . حاول لفها وفشل .

جائه الهاتف مرة اخرى يأمره بأن يتجه الى مكه وسوف يتزوج عذراءشريفه . كان الامر شديد الوضوح ولم يكن فيه مجال للشك حيث الصحراء مفتوحه ولا يوجدمجال لاى تردد او صدى صوتى

انطلق بفرسه كالسهم الى ديوان ملك القبيله وهو ابن عمه . كان الملك سرحان ملكا عادلا وراجح العقل . حكى له ما حدث معه . استقبله الملك مبتسما بشوشا وبادره قائلا . كونها عذراء فهذا معروفاما شريفه فهى من نسل المصطفى الهادى سمعونا الصلاة على النبى وقد خاب من لم يصلىعليه

بلغنى الكبر يا ضهرى وحنيت
من الله تقضى المصالح
بكيت عالبلاوى وحنيت
فى بيتى مفيش طفل فالح

بالوج بعينى يمين وشمال
على طفل عندى يلاغينى
جاتنى الليالى سوده وشومال
قادر يا رب تراضينى

سمع ندا من قبل الله
ياخى كل منا وسعيده
يا رزق اصغى على الله
تزوج فى مكه السعيده

امرك لربى المتعال
فى جبال امشى وشريفه
ان كان مرادك تخلف عيال
تزوج بعذرا شريفه

سمع دوله قلب الفتى انسر
بعد ما كان له دمع نازل
عدل مهرته عالبلد سر
رجع البطل للمنازل

كان باكى والدمع سرحان
عالارض دمعه روايه
اقبل الى ديوان سرحان
وشرح عليه الروايه

قاله انا وحدى كنت فى الجبل مريت

ولا معاى احدا حجازى

سمعت صوت والشخص ما ريت

قاللى تزوج من ارض الحجازى

ما الرأى يا ابن عمى

لونى تغير بصاره

منى اتخبلت لف عمى

يا سرحان شوفلى بصاره

قاله انت لا عايز ولا حاجه

اسمع كلامى وصيغه

تستنى لموسم الحج

كلام حلو منى وصيغه

وتقصد باب الرحمن

والصبر تاخده نابينا

والزعل والغلب روحمان

وتسافر تشاهد نبينا

تروح للزياره وترتاح

ماتطلبش ولا اى حاجه

وان كان الدور فيه نجاح

اهى تبقى حجه بحاجه

سمع له الامير صلوا على الزين

اخد الكلام جد فى مكانه

خاليين من الكدب والزين

كلام العرب له مكانه

استنى لموسم الحج

راجل بطل عالى نسابه

عرض على كل من حج

ياخده البطل على حسابه

تمانين فارس الل اطاعوه

قالوا نزور قبر التهامى

المال ليهم دفعه

راجل زين عنده تهامى

وتمم على الامر كله

التوبعى ولد نايل

وعمل عمل فى محله

وكسا رجال الهلايل

خدهم معاه عالخيول

قريب ونزل الحجازى

سلطان على السرج معدول

راجل فتوه حجازى

عندما نزل البلاد

ووصل لمكه السعيده

قال يا عرب بلغنا المراد

وكل منا وسعيده

زار البيت الحرام

وزار الكعبه الشريفه

واقبل لدار السلام

راجل عروضه نضيفه

من زمزم شرب وتروى

هو وجمعة رجاله

سلطان له حيل وقوه

راجل جد عنده رجاله

عندما طلع على عرفات

وطلب من الله التجالى

الناس بمقامه عرفت

وقالوا الزعيم الهلالى

كان ينتظر ان يحدث اى شىء مما قاله الهاتف له . انتهت مناسك الحج واستعدت القافله للرحيل
وبدء حزنه يتصاعد . بدأت طبول القافله في الهدير لتظهر لباقى القوافل قوة قبائل بنى هلال
وكانت القافله تنتظر اشارة الاميررزق ابن نايل حتى تبدأ المسير الى المدينه . ركب
الكحيله (فرسه) ودار بها حول القافله ثم اعطى اشارة البدء للمسير .
سارت بعض القوافل الاخرى بالقرب من قافله رزق ابن نايل قد تكون صدفه او علها تتلمس
الحمايه 0 ومن يلوم القوافل اذا تلمست الحمايه من قافله بهاثمانون فارس ويأتمرون بأمر قائدهم
المغوار رزق بن نايل. كانت القافله الاقرب اليهم هى قافلة شريف مكه الامير قرضه0 بعد مسيرة
يوم حطوا الرحال للراحه والنوم 0 ظل رزق طوال الليل يدور بالكحيله يحرس القافلتين وتكرر
الوضع فى اليوم التالى 0 لاحظته بنت الامير قرضه وقررت ان تطلب من ابوها ان يكافئه على
مجهوده وحميته فى حراسة القافله وفعلا طلبت من ابوها ان يدعوه هو ورجاله لشرب القهوة فى
مخيمهم ولم يرفض قرضه طلب ابنته وتوجه الى مخيم رزق واستحلفه ان يأتى هو ورجاله ضيوفا
عليه وافق رزق علي الدعوه

صلوا على الزين
ورايحين يزوروا نبينا

الى المدينه والطبل بيزن
والصبر واخده نبينا (نايب له)

شريف مكه مع ظروف الفتى
راحل معاة

رايحين يزوروا التهامى

انما المصلحه لرزق هماه
فى نفسه يحاورتهامى

وجت ظروفه فى جنبيه
نصبوا الخيام الحبايب

والعز والفرح جنابيه
كان رزق شيخ العرايب

كان رزق فارس وغندور
والتمانين جملة رجاله

طايعينه اذ يقعد ولا يزور
عالميمنه و شماله

يقول مدح النبى خدته تجره
احمد حبيب الحبايب

عند جرده بنت تسمى خضره
دايما تتلو في الكتايب

جالسه و بتقرا في كتاب
بتفسر حروف الهجايه

بكمال وفقه واداب
رباها نعم الربايه

بصت الاميره بالعين
ام العيون الكحيله

ليها لون موزون بالعين
لقيت رزق عالكحيله

نادت الاصيله اه يا باه

حره وصاحبةامانه
الراجل ده وعربه اللى وياه

تدعيه يشرب قهوة حدانا

شيفاه طول الليل غندور
راكب ظهر الركوبه

وعلى النجع كله بيدور
وعلى جسمه ماحملش ثوبه

راجل فتوه عربان
غندور فيه الكفايه

ولا يوم فيه العار بان
غندور نعم الربايه

قال جرده حقه وجب عليه
ده راجل اتاناالمنازل

اجودله بروحى وعنيه
ده شرف جميع المنازل

طلع جرده ماشى عاالقدمين
راحله لحد الخيامى

سلم عليه ملا منه العين
لقاه يغيظ اللئام

قاله اتفضل انت وعربك
يابطل يا قرة عيونى

امير ياللى وافى حسبك
فى منزلى شرفونى

اشرب قهوة العروبه
ياشريف معنى وجاره

راجل مابه عجوبه
انا فى النبى مستجارك

قام رزق لبى الطلب وراح
فرشلهم فرشه ملوكى

صفيوا الحبايب وهبهب الراح
اماره يفوق الملوكى

بعد العزومه وبعد الواجبات
قاله الشريف مرحبا يا هلالى

وقلوب الاحبه ودت وجابت
وربي اراد انفتح السؤالى

ربى اراد انفتح السؤال
بقت التقيله خفيفه
قاله يا رزق عندكش عيال
ليه ما جبتش معاك الخليفه ؟

يابو العميمه النظيفه
بيقوله قرضه
عندكش عيال يا شيخ العرب

ماعندكش خليفه ؟

رد ابن نايل وقاله
عند ربنا كل حاجه

كتر الكلام زى قله
انا لزمانى زواجه

عشان الخليفه والاولاد
علشان اعمر ديارى

يا شريف تعبان الفؤاد
والبحر ما يطفى نارى

قاله الشريف ده انت نفدوك يا بطل بالعين دى
ياللى بيكم نارت الاراضى
الطلب ده موجود عندى
لو الله يكون عليك راضى

عندى بنيه صبيه
الريق يبرى السماتى (يبرىء من السم)

تحاكى النجمه البدريه
تفوق القمر فى السماتى

على الله ترضى يا امير
قبلك كتيرخطبوها

وانا صابر على الغلب وامير
وانا الفتوه ابوها

اسأل امها مرضياش
ما قبلتش ابدا راجل

والامر لله مبدناش
خلت قلوبنا مراجل

طلب رزق من الامير قرضه ان يوسط امها فى الطلب ولكن الامير قرضهاخبره بأستحالة ذلك بسبب كثرة رفضها حتى اعتقدت امها بأنها مريضه 0 تشبث رزق بطلبهفنزل الامير قرضه عند رغبته وذهب الى زوجته فى الخيام وقال لها ماحدث من رزق 0سألته عنه كثيرا وجاوبها تمنت ان توافق ابنتها عليه ولم لا وهو فارس بنى هلال ولكنهل توافق ام ترفضه كما رفضت الاخرين 0 ذهبت الام وهى / طيبه بنت منصور من نسل هاشمالى ابنتها وهى لاتأمل الكثير قالت لها يا ابنتى جائك فارس العرب يخطبك يريد الزواجمنك فهل تفعلى بى كما فعلتى بى من قبل حتى اصبحت مكلمة القبائل 0 فوجئت طيبهبموافقة ابنتها 0 حقا لقد وافقت اخيرا 0 لم تصدق الام نفسها وخرجت مسرعه لتزف خبرالموافقه للامير قرضه 0 وصلوا على الزين قاله رزق اسأل امها تبلغها عنى
يا بطل يمكن هى اللى جت منالى

وهى اللى قرة عينى
وهى اللى ام عيالى

دخل الشريف صلوا على الزين
الى الوالده في الحجايب

ده راجل خالى من الكدب والزين
للست وفضل يجاوب

امها طيبه بنت منصور
اصيله ومن نسل هاشم

مع ان رزق فى الغيط منثور
شيفاه خضره كماالورد هاشم

سألتها الوالده عنه
يا ست ونخبروكى

شوفى الراجل ده وبصى لعينه
قال ليه جاى يخطبوكى

جاى يخطبك اسد هلال
يا عايقه في صباكى

ما ردك فى الاقوال
يا خضره الاله عطاكى

كان الجواب قالت
بالقول ده راق دمى

انا اعرف اللى يصيبى
ان الاوان يا امى اهو ده اللى نصيبى

قالت طيبه . بس ده مسن
يا خضره وانتى غضه
قالت حا يكون احن من
امى اللى ربت و قرضه

هذا نصيبى اللى رضيت بيه
هو اللى ابو عيالى

وعياله(شيفاه) حلويرد الجواب ونبيه
وحتى عيون الامير رعيالى (مرقبانى)

قامت امها طلعت تقول
يا قرضه زاين ديوانك

يا فتوه يا امير يا معقول
العز والفرح جالك

بصت عليه وراعتله
القسمه عرفت تجيبك

فرحت امها زغرتتله
ياقرضه بشر نسيبك

فرحوا العرايب ما شالتهم الارض
وارتاح قلب الهلالى

شىء كان بعيد اصبح خلاص وعد
اراد بيه مولى الموالى

اخيرا تحقق ما قاله الهاتف لرزق كانت فرحته كبيره بموافقه خضره علي طلبه للزواج منها وفرحت كذلك كل قوافل القبائل المرافقه لهم 0 كتبوا الكتاب وارتبطوا واكملوا طريقهم لزيارة قبر الرسول فى المدينه 0 بعد ذلك عادوا الى مكه بلد الشريف قرضه وبعد عدة ايام من وجودهم بمكه خرج موكب الزفاف الكبير 0 كانت خضره تركب فى هودج شديد الفخامه مصنوع من الابانوس ومرصع بالمرجان والياقوت موضوع على جمل وكأنه غزال فى سرعته ونباهته0 زاد على ذلك جمال الاميره خضره 0 كان جمالها فى جمال الحور وكان موكبها مهيبا 0 عندما وصلوا لنجوع الهلايل دقت طبول قبائل جعفر ونايل لتعلن وصولها بعروس رزق والتى انتظروها كثيرا خرجت جموع القبائل لتقابل وتهنىءوانتهت احزانهم بزواج زعيمهم رزق بن نايل 0

كتبوا كتاب الصبيه
وعم السرور فى المدينه
واجتمعوا هو وهيه
زاروا المكمل نبينا

زاروا المدينه مع البيت
وتطهر القلب خالص
وتم الصفا مع البت
اراد ربنا بقلب خالص

ادوا جميع النسوكات
وقصدوا بلادهم فراحى
فرحت جميع الولادات
هم .. وعن الكل راحا

اخدوا الاصيله على جملها
فى هودج يسوى ملايين وزياده
سابله لتام الادب فوق جمالها
تحاكى حور الجنان او زياده

جروا الجمل وهيه كالغزلان
وصلوا نجوع الهلايل
الكل قلبه فرحان
اولاد جعفر ونايل

ضرب طبلهم يوم ما وصل
لبعض زفوا التهانى
بالفرح والعز اوصال
و زاد الصفا والمعانى

دخل بيها الفتى على راح
صلاة النبى تاج لينا
والغلب ويا الزعل راح
وفرحت جميع المدينه

شهرين وحملت الشريفه 0 مرت الشهور سريعا وولدت بنت اسماها رزق - شيحه - تيمنا بوشاح امها التى كانت تضعه دائما 0 رضى رزق بما قسمه الله له بالرغم انه كان يتمنى ان تلد له خضره ولد زكر يرث سيفه وقال في نفسه يأتى الزكور بعد الاناث فصبرا جميلا وانتظر الحمل الثانى لخضره ولكنه لم يحدث . مرت ثلاث سنوات ثم خمس سنوات ثم عشر سنوات ولم تحمل خضره 0 وصل ابن نايل لسن الخمسين ونفذ صبره من الانتظار

» شبهات حول السيره النبويه(11)
» تمزق الغضاريف الهلاليه للركبة
» قبائل بنى عامر الهلاليه العربيه فى الجزائر
» اطفال..السيره النبويه للفتيان..طفوله النبي وشباب