........ ( أجهل شعوب الارض ) احمد فؤاد نجم

يا اجهل شعوب الارض ....... اخترت ليه طرطور
ارجوز فى ايد مرشده ............ شايل لقب دكتور
من يوم مامسك الحكم .......... مقطوعه ميه ونور
قالوا فى ايده الخير .............. ولو منه برده يغور
ارجوز بلدنا اتكشف .............. وعرفنا ايه مخبيه
ممنوع عليه الكلام ............. اصل الكلام مش ليه
والكلمة كلمة جماعه ................ ومرشده ممليه
ومهما قال الغلط ............... وراه جماعه تحميه
يا اغرب شعوب الارض ......... منكم خلاص مليت
بعتو التاريخ والارض ........... عشان أزازة زيت
يا بيعين العرض ................. بكره تبيعو البيت
بكره الغريب يتحكم ............... وهتبقو خدم البيت
كنت كبير يا وطن ............. لكن خلاص وطيت
دخلت نعشك يا وطن ............. وبكفنك اتغطيت !.

شكرا يا أستاذ ابو العلاء وإن كنت أري من رأيي أن نجم قاسي جدا في هذه القصيده

نقل موفق جدا لشاعر كبير وشهير ونقد لاذع ومستحق لحال البلد
شكرا اخي ابو العلاء

أستاذي وأستاذ كل الشعراء الأستاذ المحترم جداوأحبه جدا أبو العلاء
طبعا حضرتك عارف الفاجومي كويس وعارف لسانه
أنا طبعا فاهم إنالحكم هنا للشعر مش للشخصية لكن بصراحة عيب عليه يشتم شعب كامل ويقول يا أجهل شعوب الأرض
دا راجل كل يوم في قصر رئيس أو ملك
حافظ الأسد استقبله والقذافي استقبله وعبد الله استقبله
دا غير القنوات الفضائية من كل الدول بتسجل معاه وطبعا بالدولارات وفنادق بتستضيفه
وهلما جرا
يعني الراجل في وادي والشعب الحقيقي في وادي
ومش معني إنه بيتحدث بنفس لسانهم يبقي عايش عيشتهم ولا حاسس باللي هما فيه
يبقي ميجيش يتكلم عن إزازة زيت ولا جاز أصله مش عارف يعني ايه الأب مش عارف يعشي عياله ومش عارف يعني ايه الأب بيشوف ابنه بيموت أدامه ومش معاه تمن الكشف ولا تمن الدوا ولا تمن مصاريف الدراسة ولا تمن موصلاته
دا راجل بيرسم علينا انه عايش عيشتنا لكن والله ماهو حاسس باللي احنا فيه
الناس مش لاقيه تاكل يأستاذي أبو العلاء يبقي تنتخب الإخوان اللي علي الأقل مش هيسرقوا زي ما حصل وبعدين الشعب المصري اللي بيشتمه الفاجومي ده أكتر شعب مثقف شعب بيمارس السياسة والثورات من آلاف السنين
يعني شعب عارف هو بيعمل ايه
وميصحش يقول علي رئيس دولة أراجوز
مش النبي عليه الصلاة والسلام قال ليس منا من لم يوقر كبيرنا ويرحم صغيرنا
ومرسي كبيرنا دلوقت فيه حد عاقل ولا مجنون يقول علي كبير البلد أراجوز حتي ولو كان كده فعلا
يبقي لازم نطبق كلام النبي ونحترمه مش نشتمه
وبيقول أنا مل من شعب مصر خلاص يروح يشوف لنفسه شعب تاني ايه اللي قعده مع الشعب الممل دا

بعدين فيه سب وقذف في منتهي ------------- فيه حد يقول علي الشعب والناس بياعين عرض -- احنا يتقال علينا اننا بعنا العرض
والله العظيم احنا اللي حافظين أعراض الأمة العربية بأكملها كمجمل طبعا

معلش انا أسف اتحاورت مع حضرتك في مضمون القصيدة واختلف معك فيها لأول مرة

حماده قرني صلاح كتب:

أزيك يا أستاذي عامل ايه وازي البرد عندك
احنا هنا يا اسنانا بتكتك

علي فكرة فؤاد نجم ده انا مبحبوش ولا بطيقه عشان لسانه زفر
لكن الصراحة شعره رهيب بس بيجرح فيه كده زي بنته

لكن طالما أستاذي اللي نقلها يبقي خلاص نسامحه المرة دي لكن المرة الجاية لا يمكن نسامحه ابدا

.................................

الاستاذ الفاضل / حماده باشا
والله انا عارف ان لسانه زالف وقليل الحياء
ولكن قد نسختها لعرض الفكرة مش اكثر
فلا يهم اسم من كتب . المهم الاستمتاع بالفكرة .
تحياتى ياصديقى العزيز

أوفسايد كتب:

شكرا يا أستاذ ابو العلاء وإن كنت أري من رأيي أن نجم قاسي جدا في هذه القصيده

....................................

الاستاذا الفاضل / أوفسايد

وأنا من رأيك ولكن نجم هكذا . الابيض أبيض والاسود عنده اسود
لا تجد عنده لون رمادى . شاعر مجنون يكتب دون ان يحسب حساب القارئ
اشكرك اخى على قرائتك ومرورك

كابتن أحمد منصور كتب:

أستاذي وأستاذ كل الشعراء الأستاذ المحترم جداوأحبه جدا أبو العلاء
طبعا حضرتك عارف الفاجومي كويس وعارف لسانه
أنا طبعا فاهم إنالحكم هنا للشعر مش للشخصية لكن بصراحة عيب عليه يشتم شعب كامل ويقول يا أجهل شعوب الأرض
دا راجل كل يوم في قصر رئيس أو ملك
حافظ الأسد استقبله والقذافي استقبله وعبد الله استقبله
دا غير القنوات الفضائية من كل الدول بتسجل معاه وطبعا بالدولارات وفنادق بتستضيفه
وهلما جرا
يعني الراجل في وادي والشعب الحقيقي في وادي
ومش معني إنه بيتحدث بنفس لسانهم يبقي عايش عيشتهم ولا حاسس باللي هما فيه
يبقي ميجيش يتكلم عن إزازة زيت ولا جاز أصله مش عارف يعني ايه الأب مش عارف يعشي عياله ومش عارف يعني ايه الأب بيشوف ابنه بيموت أدامه ومش معاه تمن الكشف ولا تمن الدوا ولا تمن مصاريف الدراسة ولا تمن موصلاته
دا راجل بيرسم علينا انه عايش عيشتنا لكن والله ماهو حاسس باللي احنا فيه
الناس مش لاقيه تاكل يأستاذي أبو العلاء يبقي تنتخب الإخوان اللي علي الأقل مش هيسرقوا زي ما حصل وبعدين الشعب المصري اللي بيشتمه الفاجومي ده أكتر شعب مثقف شعب بيمارس السياسة والثورات من آلاف السنين
يعني شعب عارف هو بيعمل ايه
وميصحش يقول علي رئيس دولة أراجوز
مش النبي عليه الصلاة والسلام قال ليس منا من لم يوقر كبيرنا ويرحم صغيرنا
ومرسي كبيرنا دلوقت فيه حد عاقل ولا مجنون يقول علي كبير البلد أراجوز حتي ولو كان كده فعلا
يبقي لازم نطبق كلام النبي ونحترمه مش نشتمه
وبيقول أنا مل من شعب مصر خلاص يروح يشوف لنفسه شعب تاني ايه اللي قعده مع الشعب الممل دا

بعدين فيه سب وقذف في منتهي ------------- فيه حد يقول علي الشعب والناس بياعين عرض -- احنا يتقال علينا اننا بعنا العرض
والله العظيم احنا اللي حافظين أعراض الأمة العربية بأكملها كمجمل طبعا

معلش انا أسف اتحاورت مع حضرتك في مضمون القصيدة واختلف معك فيها لأول مرة

..............................................................

أخى الفاضل الكريم وصديقى الحبيب / "كابتن أحمد منصور

بالطبع أنا معك فى الرأى وفى كل كلمه قلتها . ولكن الاصل فى الموضوع هو العرض لاستبيان وجهات النظر .
كما انه يجب علينا ان نقراء ونستمع للجميع . من نحبهم او نبغضهم .
هذا بيت القصيد . انا احضرت القصيده للقرائه وهاهى قد جعلتك تدخل فى نقاش مفيد وعرض وجهة نظرك .
اذا لكل شئ اضرار ومنفعه فى نفس الوقت . وليس شرط ان اكون مؤيد أو معارض للشاعر المهم ما يقول ومعناه .
تقبل خالص تقديرى واعتزازى بمرورك ورأيك الكريم .

سعادة السفير كتب:

نقل موفق جدا لشاعر كبير وشهير ونقد لاذع ومستحق لحال البلد
شكرا اخي ابو العلاء

...................................

أستاذنا الفاضل / سعادة السفير

كلما اكتب لك رد وارجع اليه أراه غير موجود . ربما لانك الوحيد الذى تعاطف مع احمد نجم .
المهم المغزى من الكلمات والموضوع المطروح فى هذا الوقت بغض النظر عن قلة أدب نجم
عموما اراك معى وتشاركنى الرأى فى الطرح .
تقبل خالص تقديرى واعتزازى بمرورك الكريم

شعر ولا أروع رغم اختلافي مع الاخوة ونقل مفيد