أوجه التشابه والإختلاف بين المجلس العسكرى وفرق الدورى المصرى

أوجة التشابة والإختلاف بين المجلس العسكرى وفرق الدورى المصرى

أوجة التشابه بين المجلس العسكرى والنادى الأهلى

ـ الاتنين "الإعلام" بيهلل لهم .. !!

ـ الاتنين "وكالة الأهرام" فى جيبهم .. !!

ـ بيقولوا على الاتنين "أبطال" .. !!

ـ الأهلى بيتعب الفرق التانية .. والمجلس بيتعب الناس .. !!

ـ الأهلى خرج من بطولة افريقيا .. والمجلس خرج من بطولة مصر .. !!

ـ الأهلى مبارياته بتتأجل .. والمجلس بيأجل مطالب الشعب .. !!

ـ الأهلى لا يذيع مشاكله الداخلية على الجماهير .. والمجلس لا يذيع المحاكمات على الشعب .. !!

ـ الأهلى بيسرق كل لاعيبة الأندية فى الفترة الإنتقالية .. والمجلس بيسرق الفترة الإنتقالية .. !!


أوجه الإختلاف بين المجلس العسكرى والنادى الأهلى

ـ الأهلى نادى الجماهير .. والمجلس نادى عليه مش هيسمعك .. !!

ـ الأهلى فريق كبير فريق عظيم .. والمجلس فريق عسكرى .. !!

أوجه التشابه بين المجلس العسكرى ونادى الزمالك

ـ الزمالك بيأجل المستحقات المالية للاعبين .. والمجلس بيأجل الحد الأدنى للمرتبات .. !!

ـ الاتنين بيخسروا البطولة على آخر كام ماتش .. !!

ـ الاتنين مشجعيهم عددهم قليل .. !!

ـ الزمالك بيستخدم سياسة المسكنات مع الجماهير .. والمجلس بيستخدم سياسة المسكنات مع الشعب .. !!

ـ الزمالك مش بيحب ماتش 6-1 .. والمجلس مش بيحب 6 ابريل .. !!

ـ الزمالك يخشى من زعزعة إستقرار النادى بسبب تغيير المديرين الفنيين والنظام الإدارى .. والمجلس يخشى من زعزة إستقرار البلاد بسبب تغيير النظام .. !!

ـ الزمالك بيوقع عقوبات مالية على اللاعبين .. والمجلس بيوقع محاكمات عسكرية على الثوار .. !!

أوجه الإختلاف بين المجلس العسكرى ونادى الزمالك

ـ الزمالك دائما يطلب تحكيم دولى فى المباريات الهامة .. المجلس مؤمن بوجود مؤامرة دولية ويرفض الرقابة الدولية على الانتخابات الهامة والتدخل الأجنبى فى شؤون البلاد .. !!

ـ الزمالك بيلبس جلابية ويجرى فى الملعب .. والمجلس بيلبس بدلة مدنية ويجرى فى وسط البلد .. !!

ـ الزمالك نادى الصفوة .. والمجلس نادى عليه تانى مش هيسمعك بردو .. !!

ـ الزمالك ميت عقبة .. والمجلس موت يا حمار .. !!

وجه التشابه بين المجلس العسكرى وإنبى

ـ إنبى بيطلع عين الأهلى .. والمجلس بيطلع عين أهلى .. !!


وجه التشابه بين المجلس العسكرى والإسماعيلى

ـ الإسماعيلى بيفرط فى اللاعيبة .. والمجلس بيفرط فى فلوسنا المنهوبة .. !!




وجه التشابه بين المجلس العسكرى والترسانة

الترسانة عندها "مجلس" إدارة .. والمجلس عنده "ترسانة" عسكرية .. !!


أوجه التشابه بين المجلس العسكرى وبترول أسيوط

ـ بترول أسيوط نزل درجة تانية .. والمجلس نزل على السلطة .. !!

ـ بترول أسيوط اتحول درجة تانية .. والمجلس اتحول عن مهامه .. !!

ـ بترول أسيوط هبط درجة تانية .. والمجلس هبط بالثورة درجة تانية .. !!

.
.
* بقلمى
* مصطفى الأعصر

رهيب يارهيب

ايه يادرش الكلام الكبير ده شكلك كده بعد المقال ده هنجري ورك ونقول

اسماء محفوظ وإسراء عبد الفتاح ومصطفي الأعصر . راحو فين راحو فين راحو فين

هههههههههههههههههههههههاي

بس بانت لبتك يازملكاوي

اقتباس :

ـ الزمالك نادى الصفوة

صفوة مين يابو صفوة

بيقولو علي الزمالك نادي الصفوة وهو عايز دروس في معهد الصفوة ههههههههههههههههههههههههاي

مقارنة مذهلة

من أروع ما قرأت لك



خفيفة وعميقة

اخي الكريم ..

صافي شان ..


أشكرك على موضوعك الماتع ...

بوركت وبورك اليراع ..

شكرا ليكم جميعا وأكرر أسفي لعدم ردي الفوري لظروفي فشكرا لكم مره أخري