حزب الكنبة

حزب الكنبة

أساتذتي الأفاضل : إسمحوا لي أن ازج بخاطرتي هذه في منتدى شعر العامية .. وأتمنى من إخواني وأساتذتي الشعراء الإفادة : هل هذه الخاطرة يمكن أن تدخل من ضمن شعر العامية ؟؟ .. وإن لم يكن كذلك فما السبب .. وكيف يمكنني ذلك فأنا مبتديء في هذا المجال .. وأتمنى أن تنال إستحسانكم وإعجاب باقي أعضاء المنتدى الأفاضل .. مع خالص شكري وتقديري للجميع .


قلتوا علينا حزب الكنبة ... واحنا كنا في حسبة برما

إنتم منا واحنا منكم ... ولولا إحنا ما كنتم إنتم

قبل الثورة كنتم فين ... كنتوا معانا في حزب الكنبة

يوم ما وقفتم وقامت الثورة ... مين كان يعرف إن دي ثورة ؟؟

ربنا قدر وكانت النصرة ... يومها فرحنا دي راحت العسرة

قالوا عليكوا بتاخدوا الأجرة ... قلنا لا يمكن دي شباب حرة

قالوا ده فيه تمويل من بره ... قلنا دي قلة اندسوا في مرة

احنا عليكوا حافظنا ما جورنا ... قلتوا حزب الكنبة مصيرنا

ليه ما تقولوا زي ما قلنا ... إن احنا كمان كان لينا دورنا

كنا معاكم متضامنين ... وانتوا دوركم في الميادين

إنتم كنتم متظاهرين ... واحنا لبيوتكم حاميين

كنتم عايزينا يا غاليين ... نبقى معاكم معتصمين

ونسيب الناس التانيين ... ينهبوا يسرقوا مش ساكتين

فكروا فيها من غير تخوين ... كان ينفع كلنا سايبين

لبيوتنا .. طب ونروح فين ... ده احنا عددنا بالملايين !!

قلتوا علينا دول صامتين ... وناس منكم قالوا جاهلين

كان ردنا رد مبين ... أيوه كنا إيجابيين

إستفتاء دستور حاضرين ... وانتخابات كان دورنا مكين

إستقرار لبلدنا عملنا ... ونكمل ولا يشغل بالنا

إخوان سلفيين إخترنا ... إحنا ما لينا غير إسلامنا

نبني نعمر جوه ديارنا ... والله يعينا ويحررنا

واحنا لا يمكن ننكر دوركم ... بس اوعى الكبر يدمركم

وافتكروا اننا وانتم واحد ... واللي نصرنا هو الواحد

الله واحد ووطن واحد ... ليه ما يكونش هدفنا واحد

احنا وانتم متحدين ... نبني بلدنا نعلي الدين

مسلمين مع مسيحيين ... بلد واحد مش فارقين

شرع الله يحمي الاثنين ... عدل وأمن مجتمعين

خير ورخاء محتاجين ... وده مش ممكن من غير دين

ننسى الكنبة خلاص ناسيين ... ده احنا كلنا مصريين

انتوا معايا يا مستمعين ... والا انا كنت بكلم مين !!

فعلا كلام حضرتك مضبوط ونطلب النصرة من الله
بارك الله فيك

مرور سريع ابدى فيه اعجابى بصراحتك وعزيمتك وفكرة خواطرك
وان شاء الله سيكون لى مرور نتكلم فيه معا عن اهم الخطوات ليتحول النص الى شعر خالص
مودتى

شكرا علي اتاحة منتياتالأعلامي لي أن انال مثل هذه الأقلام في ذاكرتي
سواء كان شعر أو خواطر اعجبني جدا

الأخت والأستاذة الفاضلة : أم البنات

جزاكي الله خيرا

وشكرا على مرورك الكريم

وأدعوا الله معك بأن يحقق لنا النصر من عنده

وبارك الله فيكي

الأخ والأستاذ والشاعر الكبير : ناصر صلاح

كم أسعدني مرورك الكريم ، وفي أنتظار مرورك القادم بمشيئة الله .

وكم هو جميل منك أن تفيد الآخرين بما وهبك الله

وبارك الله فيك .. وجزاك الله خيرا .

حزب الكنبة حزب المصطبة مش مهم اللي يقول يقول ده من غيظهم يا أديب يا كبير

قبل الثورة كنتم فين ... كنتوا معانا في حزب الكنبة

يوم ما وقفتم وقامت الثورة ... مين كان يعرف إن دي ثورة ؟؟

ربنا قدر وكانت النصرة ... يومها فرحنا دي راحت العسرة

قالوا عليكوا بتاخدوا الأجرة ... قلنا لا يمكن دي شباب حرة

قالوا ده فيه تمويل من بره ... قلنا دي قلة اندسوا في مرة

اعجبنى هذا المقطع
خاطرة جميله ..
تقبل مرورى
واعذرنى ان عجزت عن التعبير

nasertoba كتب:

شكرا علي اتاحة منتياتالأعلامي لي أن انال مثل هذه الأقلام في ذاكرتي
سواء كان شعر أو خواطر اعجبني جدا

جزاك الله خيرا أستاذ ناصر .. وبارك الله فيك .. وأسعدتني مشاركتك .