لا آدمية شركة أتوبيس شمال الصعيد في التعامل معنا

بسم الله الرحمن الرحيم وبه نستعين واللصلاة والسلام علي أشرف المرسلين


شركة أتوبيس شمال الصعيد تتعامل معنا بلا آدمية ويمكن من أسباب شرائي للسيارة هذه الشركة
اتوبيسات القاهرة الفيوم أو الجيزة الفيوم تتوقف في وسط الصحراء من أجل مفتش يريد أن يتمم علي التذاكر طيب ما الأتوبيس يمشي والمفتش يتمم براحته
لا ودي تيجي نظل ربع ساعة رهن سيادة المفتش وهزاره مع السواق وحكاويه مع الكمساري
والمصيبة الأكبر إني لم أركب أتوبيس إلا وعطل بينا في نصف الطريق وفي وسط الصحراء أيضا وننتظر في الصحراء حتي يأتي أتوبيس الساعة التالية لنركب فيه واقفين مهانين

لكن المسألة أصبحت لا يسكت عنها أبدا
وهي قيام الشركة بتسيير أتوبيس أشبه بالكرفان أو بغرفة النوم فلا يوجد فيه مقاعد إلا في ربعه الأمامي وثلاث أرباع الأتوبيس خالي مثل الصحراء التي يمشي فيها

وعندما نسألهم بقي ده منظر أتوبيس آدمي يقولون أصل ده اتوبيس نويبع وثلاث ارباع الأتوبيس من غير كراسي عشان شنط المسافرين
نقول لهم طيب احنا مش رايحين نويبع فين بقي الأتوبيس اللي فيه كراسي فيأتي الرد السمج بأن ده هو الموجود

انظروا لصور الأتوبيس وقولوا رأيكم في لا آدمية التعامل وخصوصا بيبقي فيه ناس كتير واقفه في الفاضي وإن كان عاجبهم