ريسنا السابق يا قنوع

ريسنا السابق يا قنوع

أساتذتي الأفاضل : بفضل الله تعالى قمت بتأليف هذه الخاطرة البسيطة
وأتمنى أن تنال استتحسانكم .. مع خالص شكري وتقديري .


ريسنا السابق يا قنوع ... ليه تموت شعبك من الجوع

كنت شغال في البيوع ... بيعك بلدك مش ممنوع

أخدك مالها كان مشروع ... قتل رجالها قرار مسموع

ثلاثين سنة من أعمارنا ... ضاعت واحنا مش حاسين

قراراتك كانت لدمارنا ... وحكومتك فسدت في سنين

أموالنا خرجت من دارنا ... خرجت فين مش عارفين

كنت حاكمنا ومحجمنا ... واحنا لحكمك مش راضيين

حاكم الدولة بأمن الدولة ... واحنا نروح من ظلمك فين

سيبت اولادك ينهبوا مالنا ... ما سابوش حاجة للمساكين

وسوزان هانم من جبروتها ... حكمت مصر ومش عارفين

أيوه عرفنا في آخر عهدك ... بس عرفنا بعد سنين

ثورة شعبك أنهت حكمك ... وانت تروح من ربك فين

ربك عادل لما يحاسبك ... وحده أعلم ها تروح فين

واما شعبك حب يحاكمك ... حاكمك مدني ومش ظالمين

وجماعة آسفين يا ريس ... بعد ده كله مش راضيين

طبعا لازم يكونوا معاك ... علشان كانوا منتفعين

بالنسبة لهم أيام حكمك ... كانت أغلى وأحلى سنين

الله معانا ومش ها يسيبنا ... دي نهايتك عبرة للعالمين

اقتباس :

أيوه عرفنا في آخر عهدك ... بس عرفنا بعد سنين

ثورة شعبك أنهت حكمك ... وانت تروح من ربك فين

ربك عادل لما يحاسبك ... وحده أعلم ها تروح فين

ياسلام يا سلام ياسلااااااااااام

ايوة كدة كلام في الجون بجد

معلش بقى سيبوني اعبر براحتي من غير لغة عربية

كان فين المخزون ده
يا استاذ محمد

سلمت يمينك

الله الله يا أستاذ محمد
جميلللللللللللللللللللللللللللللللللللللللللللللللللللللللللللللللللللللللللللللللللللللللللة جدااااااااااااااااااااااااااااااااا
وننتظر المزيد ان شاء الله[i]

أختنا وأستاذتنا الفاضلة : رانيا نور الدين
دائما سباقة بالخير
أشكر لك هذا التشجيع الرهيب
بتشجيعك ده ممكن أكون أفضل راس حربة في منتخب مصر
مع خالص شكري وتقديري .

الأخ والأستاذ الفاضل : تامر
إنه لمن دواعي سروري وابتهاجي أن يكون أول تعليق لك في هذا المنتدى الكبير من نصيبي
فبارك الله فيك وجزاك الله خيرا
وفي إنتظار المزيد من مواضيعك القيمة .
وأشكرك جزيل الشكر على تعليقك الجميل ، وجزاك الله خيرا .

اقتباس :

وجماعة آسفين يا ريس ... بعد ده كله مش راضيين

كان المفوروض يسموها سوري برزدنت

كلام ملوش حل فناااااااااااااااااااان

الأخ والأستاذ الفاضل : كابتن أحمد منصور

شكرا لمرورك الكريم وبارك الله فيك

فعلا تستحق الأستاذية عن جداره