العمر : 57عدد الرسائل : 23180بلد الإقامة : مصراحترام القوانين : العمل : الحالة : نقاط : 37123ترشيحات : 136الأوســــــــــمة :
موضوع: فتيش عربيتك له قواعد وأصول إ وعي الشنطة! 27/12/2011, 16:41
السلام عليكم
س: أعمل إيه لو كنت ماشي بعربيتي والشرطة وقفتني وطلبت أفتح شنطة عربيتي؟ ج: مش من حق الشرطة تفتش شنطة عربيتك بدون إذن تفتيش وأرفض تفتح شنطة عربيتك لأي حد مفيش معاه إذن تفتيش ليك أو لسيارتك. س: من حق الشرطة تفتيش صالون سيارتي الخاصة؟ ج: مش من حق الشرطة تفتيش السيارات الخاصة بغير إذن من النيابة العامة أو من المحكمة أو في غير أحوال التلبس بجريمة أو بدون رضا أصحابها، أو حتي فتح أبواب السيارة. س: لو كنت راكب داخل عربيتي من حقهم يفتشوها؟ ج: مش من حقهم س: لـو كنـت راكـب قطر أو أتوبيس من حق حد يفتشني أو يفتش شنطتي؟ ج: من حق الشرطة يفتشوا القطر أو الأتوبيس بس مش من حق حد يفتشك أو يفتش شنطتك إلا بإذن من النيابة طالما كانت شنطتك معاك، لكن لو الشنطة جانبك وسألك دي شنطتك وقلت له إنها مش شنطتك يبقي من حق الظابط أو الأمين يفتشها علي أساس أنها ملهاش صاحب. س: ليـه الشرطـة بينزلوا الناس من الأتوبيسات ويفتشوهم ويفتشوا شنطهم وهم مسافرين الغردقة أو شرم الشيخ مثلا؟ ج: ده إجراء مش قانوني وفيه تجاوز شديد واعتداء علي حرية الناس وحرماتهم، ولازم ترفض التفتيش إلا بإذن من النيابة أو إذا كان فيه حالة تلبس أو كنت موافق علي التفتيش بمزاجك. س: لو عربيتي مقفولة وراكنها تحت البيت هل من حق حد يفتشها؟ ج: مش من حق حد يفتشها إلا بإذن من القاضي أو من النيابة. س: ولو عربيتي كانت في جراج جوه بيتي؟ ج: في الحالة دي لازم تفرق بين جراج تحت عمارة ممكن أي حد يدخله يبقي من حقهم يفتشوها، لكن لو كانت في جراج جوه بيتك يبقي لازم أمر تفتيش للبيت لأن الجراج الملحق للبيت يعتبر له نفس حرمة وشروط تفتيش البيوت. ملحوظة هامة : كل ماسبق فى حالة عدم تطبيق قانون الطواريء على حضرتك
موضوع: فتيش عربيتك له قواعد وأصول إ وعي الشنطة! 
27/12/2011, 16:41
