أختنا رانيا علي كرسي الإعتراف

أولا مرحب ومنورة كرسى الأعلامى



ثانيا أتفضلى عصير فرش وياريت يعجبك



ها بالهنا والشفا
والآن نبدأ بالحديث عن أستاذتنا رانيا نور >>>> شوية نميمة عليها ههههههههه
1 - أى الأعمال اليومية تسعدك جدا ؟
2 - ماهى أمنياتك :
على المستوى الشخصى
على المستوى الأسرى
على المستوى الاجتماعى
3 - كم فى الـ % تحققت أمنياتك فى الحياه
4 - ما الحدث الذى يجعل رانيا تقف أمامه عاجزة عن التصرف
5 - ماهو أجمل خبر سمعتيه فى حياتك
6 - ماهو أسوأ خبر كنتى تفضلى عدم سماعه أبدا
7 - أى أنواع الزهور تفضلينها
8 - أى نوع من العطور تفضلينها
9 - لون لا تحبينه ويسبب لك إزعاج
10 - إذا أحسستى بالضيق تلجأين إلى :
صديقة
أحمد من الأسرة
الكمبيوتر
المطبخ
العزلة عن الناس

هذه الدفعة الأولى ولى عودة لاستكمال جلسة النميمة هههههههههههههههه

اختي رانيا لي الشرف اني التقي بيك تاني بعد لقائي معاكي في موضوع في منتدي المرأة
تفتكري الراجل الشرقي افضل ولا الغربي
مصر محتاجة دلوقت جمال ولا السادات
ايه الآيه اللي بتسمعيها وتخوفك جدا
وايه السورة اللي بتحبيها جدا
حافظه أد ايه من القرآن
حديث نبوي بتحبي تعملي بيه علي طول
اجمل شيء في رمضان وعشانه بتحبي تكون السنة كلها رمضان
صحابي نفسك كنت تقعدي معاه وتتكلمي معاه وليه
لو شفتي النبي في المنام نفسك تقوليله ايه
حجيتي قبل كده وكام مره او عملتي عمره
ليكي أذكار يومية وإيه هيا
دعاء ديما بتقوليه من وانت بنوته صغيوره
اسفه طولت عليكي بس بجد فرحانه بيكي أوي

ياسلااااااااااااام أخيرا وصلت المنتدى التجارى
محدش شاف الحاج يسرى محمد أصله أتفق معايا أن بعد مالحاج رانيا ينام هياجى هو ويقعد على الكرسى وقال لى : ياد يادكتور يافنان يالواء ياعمو حولان أرجوك إشترى لى كرسى يكون متين علشان القعدة هتطول وطبعا زى ما أنتم عارفين أنا بحب الحاج يسرى أد إيه علشان كده أنا كلفت الواد فرغلى بتاع الكاوتش يشترى تشكيلة كراسى معتبرة علشان حبيبى ونور عينى الحاج يسرى .
طيب ياجماعة أنا عندى مشوار إمبارح بالليل ومستعجل وهسيب الكراسى هنا وأول ماياجى قولو ليه : أن عمك الدكتور اللواء الفنان حولان سايب لك الطلب ده بأمارة لما كنتم قاعدين فى الغرزة اللى فى التخشيبة وبتسمعو أغنية "البلطجية اشتكوا من شكل مناخيرى" فى برنامج مايطلبه الحرامية ، وقولوا ليه أنه لو اشترى كرسى واحد هياخد الباقى هدية وسعر الشحن ثابت أينما كنت .











أما الكرسى ده فهو جاهز بالعفريت بتاعه






أى خدمه ياعم يسرى ده أنا بحبك حب
-------------------
معلش ياحاج رانيا
أصل أنا والحاج يسرى بنحب بعض جامد
وعلى رأى المثل الفلبينى .. رب أخ لك لم تلده أم أوباما ..
وممكن أسألك عن الأحوال الجوية إمبارح أصل أنا مسافر بكرة الساعة 2 المغرب قبل الفجر
السؤال الرابع : بكام ؟؟؟؟؟؟؟
السؤال السابع : إزاى ؟؟؟؟؟؟؟؟
السؤال الأول : كيف ؟؟؟؟؟؟؟
السؤال العاشر : من أين ؟؟؟؟؟؟؟؟؟؟
السؤال الثالث : مين ؟؟؟؟؟؟؟؟
السؤال الواحد وعشرين : فين ؟؟؟؟؟؟؟
أرجو أنى مكنش تقلت عليك ياحاج رانية بسؤالى ده لأن الإجابة عليه مهمة لأن لو عدى على الحاج يسرى 55 ساعة ونصف وتلات ثوانى والحالة غير مستقرة ممكن الواد نتنياهو ابن أم جملات بتاعة الطرشى البيه الضابط يلبسه قضية بانجو أو فرد خرطوش علشان الثورة تنجح والمجلس يفضل قاعد يشرب شاى صينى

تايتنك كتب:

مساء الخير علي حضرتك ويارب تكون ساعاتك كلها بخير يارب

صباح الفل يا تايتنك
والخير يعم على كل الاحباء
انا ليا سؤال واحد
اتفضلي
ممكن وضع الفتاة في مصر يتغير وميبقاش الكل يتحكم فيها في كل حته بشراسة حتي اخواتها بيتحكموا فيها
انا مش ببص للحرية المطلقة لكن انا ببص ان لازم باب الثقة يفضل مفتوح ولارأي حضرتك ايه

انتي عارفة يا تايتنك
ان الست هي الست حتى لو في امريكا
بس احنا عندنا السيدة او المرأة العربية لها كيان
ووزن واحترام
اكتر من اي امرأة في العالم ودي حقيقة
بس مسألة الثقة راجعة لعادات مجتمع تربينا علينا
وللاسف عشان تتغير لازم تحصل ثورة كاملة على كل العاداات البالية
ولكن في اسر كتير تمنح اولادها وبناتها قدر من الثقة مايكفي للخوض في بحر الحياة
ولكن بحدود
يعني انا تربيت في اسرة كانت تعطيني الثقة
وفي نفس الوقت تبني لي سقف من الحدود لا اتعداه
ومفاهيم اجتماعية يجب ان احافظ عليها
فالمرأة مسئولة عن نظرة المجتمع الشرقي لها



سعدت بك حبيبتي

وسعدت بسؤالك المتفتح الواعي

أحمد سيد بعيزق كتب:

الاستاذ رانيا
فرصة سعيده اننا نتعرف اكتر على حضرتك ونشكر الكابتن اكرم انه استضاف شخصيه كل الناس بتحترمها وتقدرها
اكيد انا الاسعد يا اخي احمد
وجزاك الله خيرا على كلامك الطيب
شهادة اعتز بها
ماذا تعنى لك هذه الكلمات ؟
ارجو الاجابة بكلمة واحدة على كل واحده :
الليل
الخوف والغربة
النهار
الدوشة والضجة
الشتاء
الدفا واللمة
الصيف
الحرية
الخريف
مالوش طعم
الربيع

الالوان الجميلة
الفراق
الالم
الخداع
اخر الدنيا
الأمل
هبة الله
النور
النجاة
الأولاد
منتهى الحب
الزوج
حياتي كلها
العائلة
الوطن
القرية
مكان خلاب
المدينة
الغابة
السفر
المتعة
الوطن
الآمان
الحياه
قصيرة
الصداقة

عملة نادرة
الطفولة
اراها في اولادي
الأمان
مفقود مفقود مفقود
الجنة
اطمع ان يرزقني بها ربي
النار
ربنا يكفينا شرها
الكمبيوتر
هوايتي المفضلة
الثورة
اتمسحت
الفلول
لفظ اخترعناه لو على الفلول يبقى كل مصري عاش في عصر مبارك يبقى واحد منهم
الوطنية
ان نبني بلدنا في صمت بدل ما نضيع وقت في الجعجعة
الخيانة
مرفوضة
الرياضة
صحة وجمال

شكرا لاسئلتك الخفيفة
واهلا بك اخي

[quote=

"نهى 1"]اختي رانيا لي الشرف اني التقي بيك تاني بعد لقائي معاكي في موضوع في منتدي المرأة
الشرف ليا انا يا نهى وسعيدة بلقائي معاكي جدا

تفتكري الراجل الشرقي افضل ولا الغربي
الرجل الشرقي رجل حر عنده نخوة ورجولة وشهامة مش ممكن تلاقيها الا نادرا عند الرجل الغربي
مصر محتاجة دلوقت جمال ولا السادات
مصر محتاجة لرااااااااجل دم جديد يده من حديد
محتاجة واحد مالوش مصلحة ولا بيدلل على نفسه
وده لسة مجاش
ايه الآيه اللي بتسمعيها وتخوفك جدا

بِسْمِ اللَّهِ الرَّحْمَنِ الرَّحِيمِ

سَأَلَ
سَائِلٌ بِعَذَابٍ وَاقِعٍ (1) لِلْكَافِرِينَ لَيْسَ لَهُ دَافِعٌ (2)
مِنَ اللَّهِ ذِي الْمَعَارِجِ (3) تَعْرُجُ الْمَلَائِكَةُ وَالرُّوحُ
إِلَيْهِ فِي يَوْمٍ كَانَ مِقْدَارُهُ خَمْسِينَ أَلْفَ سَنَةٍ (4)
فَاصْبِرْ صَبْرًا جَمِيلًا (5) إِنَّهُمْ يَرَوْنَهُ بَعِيدًا (6)
وَنَرَاهُ قَرِيبًا (7) يَوْمَ تَكُونُ السَّمَاءُ كَالْمُهْلِ (
وَتَكُونُ الْجِبَالُ كَالْعِهْنِ (9) وَلَا يَسْأَلُ حَمِيمٌ حَمِيمًا
(10) يُبَصَّرُونَهُمْ يَوَدُّ الْمُجْرِمُ لَوْ يَفْتَدِي مِنْ عَذَابِ
يَوْمِئِذٍ بِبَنِيهِ (11) وَصَاحِبَتِهِ وَأَخِيهِ (12) وَفَصِيلَتِهِ
الَّتِي تُؤْوِيهِ (13) وَمَنْ فِي الْأَرْضِ جَمِيعًا ثُمَّ يُنْجِيهِ
(14) كَلَّا إِنَّهَا لَظَى (15) نَزَّاعَةً لِلشَّوَى (16) تَدْعُو مَنْ
أَدْبَرَ وَتَوَلَّى (17)
من سورة المعارج
وايه السورة اللي بتحبيها جدا
انا استمتع بقراءة جزء تبارك

حافظه أد ايه من القرآن
كنت بحفظ بنتي وبحفظ معاه لحد الجزء 24والحمدلله
بس محتاج مراجعة
حديث نبوي بتحبي تعملي بيه علي طول

عن أبي هريرة -رضي الله عنه- قال: قال رسول الله -صلى الله عليه وسلم-: من
كان يؤمن بالله واليوم الآخر فليقل خيرا أو ليصمت، ومن كان يؤمن بالله
واليوم الآخر فليكرم جاره، ومن كان يؤمن بالله واليوم الآخر فليكرم ضيفه
رواه البخاري ومسلم.

اجمل شيء في رمضان وعشانه بتحبي تكون السنة كلها رمضان
اجمل شيء في رمضان هو تقربنا الى الله اوي
واللمة والصحبة الجميلة
صحابي نفسك كنت تقعدي معاه وتتكلمي معاه وليه
نفسي اشوف السيدة خديجة رضي الله عنها
واتعلم منها حاجات كتير
لو شفتي النبي في المنام نفسك تقوليله ايه
ياريت..اطلب من حضرته صلى الله عليه وسلم
ان اكون من الذين يشفع لهم يوم القيامة
حجيتي قبل كده وكام مره او عملتي عمره

الحقيقة لا واتمناها من الله

ليكي أذكار يومية وإيه هيا
اذكار الصباح والمساء
وعندي دعاء الزمه بعد الصلاة
اللهم اغفر لي ذنبي وبارك لي في رزقي ووسع لي في داري
دعاء ديما بتقوليه من وانت بنوته صغيوره

قبل الزواج طول عمري كنت ادعو اللهم ارزقني الزوج الصالح
وده مهم لكل بنت
وكنت اردد الى الان
ربنا آتنا في الدنيا حسنة وفي الاخرة حسنة وقنا عذاب النار
اسفه طولت عليكي بس بجد فرحانه بيكي أوي
[/quote]
لا يا حبيبتي متقوليش كدة
اسئلتك جميلة وانا حسيت فيك الجانب
الديني ماشاء الله عليك

الأخت والأستاذة الفاضلة : رانيا نور الدين
لا أجد من الكلمات ما أستطيع التعبير به عن سعادتي وأنا أقرأ هذا الحوار الجميل بين أعضاء هذا المنتدى المحترمين وبين السيدة الفاضلة اللبقة المثقفة المرحة الجميلة الأخلاق الطيبة المشاعر المحبة لزوجها وأبنائها والمفيدة لمن حولها .. الأستاذة : رانيا نور الدين
بالفعل نعم الإختيار .. فهي تستحق الكثير والكثير من الثناء على مجهوداتها في إفادة أعضاء المنتدى بثقاتها وبمواضيعها الرائعة .
فشكرا لإدارة هذا المنتدى الكبير على هذا الإختيار .. وشكرا لكي سيدتي على تشريفنا على هذا الكرسي الرائع والذي عرفنا حتى الآن على الكثير من جوانب شخصيتك الكريمة والتي تتسم بالصدق والطيبة والبساطة وخفة الظل وسعة الأفق .........
ونظرا لأن إدارة المنتدى وأعضائة الأفاضل .. قد طرحوا على حضرتك الكثير من الأسئلة التي كنت أود أن أسألها إياكي .. فليس أمامي سوى إعادة مروري مرة أخرى غير هذه .. حتى أستطيع إيجاد بعض الأسئلة التي يمكنني طرحها عليكي .
وقبل أن أغادر أود أن أشكرك جزيل الشكر على الثناء علي بأنني عضو مثقف .. فأنا لا أستحق هذا اللقب فما أنا سوى عضو مجتهد بعض الشيء في محاولة تثقيف نفسي ومن يرغب من أعضاء المنتدى في بعض المواضيع التي نحتاجها هذه الأيام .. وهذا ليس تواضعا بل بالفعل فأنا إنسان بسيط ثقافتي ولله الحمد محدوده وأجتهد في محاولة زيادتها .. وأتمنى أن أكون مثلك مفيدا لمن حولي .. مع خالص شكري وتقديري لكي ولجميع أعضاء المنتدى .. وإلى اللقاء بمشيئة الله تعالى مع الأسئلة .. والسلام عليكم ورحمة الله وبركاته .
محاسب / محمد رمضان

ماشاء الله عليك يا استاذ اكرم
اختيار جميل وفي مكانه وعرفتنا بقمرمن قمرات المنتدي
انسانة هادئة وواثقة من نفسها وملئت المنتدي حيوية باحترامها وخفة دمها وادبها
ومش غريب عليك يارانيا لو قلت لك انك دخلتي قلبي من اول ما قريت مشاركاتك ووكملت المثلث اللي جوايا وكان ناقص ضلع فيه
لأن صفاء الروح ضلع في المثلث والوردة البيضاء ضلع وانت كملت المثلث ربنا ما يحرمني منكم ويطمنا كلنا علي الغايبين

كان نفسي أسألك أسئلة كتير بس اتبخرت مش عارفه ليه لكن أحاول افتكر شوية منهم
إيه أهم حاجة هنا وجدتيها هنا ومش وجدتيها في محيط علي المستوي الانساني وعلي المستوي الأدبي أو الحرفي
مواصفات عريس بنتك ايه وهل ممكن تتدخلي في اختيارها
الأفضل في التربية أو الأسهل الولد ولا البنت ( الواد مغلبني ) هههه
أكله حتي ولو كنتي شبعانة جدا ماتقدريش تمنعني نفسك عنها
فاكهة ممكن تعيشي عليها ايام من غير ماتملي
اعمال يدوية ماهرة فيها
وبس نسيت الباقي