ويلي (الغربة)
الله يلعن بي الغربة شو سويت بحالي
والله و مرمرتي قلبي و سرقت مني الغالي
قلنا منسافر سنتين و منرجع عالضيعة
ضاع العمر و بعدو حسين ما خلص هالبيعة
ويلي ويلي ويلي الله يعني اللي عندو عيلة
عايش عالشمعة مهموم عم يتحمم بالكيلة
دلّي دلّي دلّي يا تعتيري و يا دلّي
شو صاير بهالناس كلو عايش بالقلة
شو مشتاق لامي و بيي و اختي تكوي تيابي
اسمع شي كلمة حنية تنسيني عذابي
بسافر شب و برجع شايب تأرتاح شوية
برجع ما بلاقي الحبايب شو صعبة يا خيي
هيه هيه هيه هالدنية هيه هيه
بيجي ناس بتمشي ناس و بتضلا هي هي
يامي يامي يامي مش قادر انسى همي
متل خيال بعمري صار و صاير عم يمشي بدمي
ما بدي هالغربة راجع عالضيعة لاقوني
بدي اركع بوس ترابها هالارض الحنونة
عيش بهالدنية و تهنى و ضلك عايش راضي
راحت رجعت طلعت نزلت رح تزعل عالفاضي
جنة جنة جنة هالدنية والله جنة
سماع مني و ريح هالبال ضلك عايش متهني
عني عني عني يا غربة حلي عني
فرقتي كل الاحباب و اخدتي الغالي مني
موضوع: ويلي (الغربة) 
13/10/2011, 12:16
