بس الله الرحمن الرحيم
اولا الموضوع دة موضوع بيصادف كل واحد مننا
لو سالنا نفسنا امته كنا مخنوقين هنرد على نفسنا ونقول ياااااااااااااااه دحنا اتخنقنا كتير وزهقنا اكتر
طب حد عارف لو زعلان ممكن يعمل ايه علشان يرتاح ويهدى
انا سالت ناس عن لو انا مخنوق اعمل ايه ردو عليا بردود هقولهلكم
اول واحده :ـ
لو انت مخنوق من الحياة ياتري بتعمل اية ؟؟
هتعمل انت ايه
ولا حاجة
المفروض انك تمشي تتخانق مع دبان وشك ولا ايه النظام
مانت كدة كدة لازم تتعايش معاها حتى ول مخنوق منها بردو
وارجع انا اسالك سؤال
انت عشت الحياة ولا الحياة اللى عاشتك ..؟
رديت عليا قولتلها :ـ
لي فكرة السؤال بتاعك دا (انت عشت الحياة ولا الحياة اللى عاشتك ..؟ )
كان في اغنية( رضا) اللي اسمها (عدي العمر)
صح ولا انا غلطان!!!!!!!!!!!!!!!!!!!!!!
فردت:ـ
صح ولا انا غلطان!!!!!!!!!!!!!!!!!!!!!!
صح مش غلطان ولا حاجة
هي اغنية رضا-عدى العمر
لو انت مخنوق من الحياة ياتري بتعمل اية ؟؟
هأعمل ايه يعني هأصلي واقرأ قرءان شوية وبعدين هاقعد مع نفسي مخنوقة وزهقانة وشوية عياط وخلاص هأعمل ايه يعني هاروح انتحر واغضب ربنا
وسالتنى بتقولى
ماردتش ليقة ع السؤال دة ؟
فانا رديت قولت
انا هارد عليك علي السؤال بتاعك (انت عشت الحياة ولا الحياة اللى عاشتك ..؟ ) .
اللي انا اقدر اقوله ليك بالنسبة ليا انا؛ انا عشت الحياة بس دا مينعش ان الحياة عايشة فينا كلنا ؟
وفى واحد تانى دخل فى الموضوع وبيقولى :ـ
انا عن نفسى لما بكون زهقان او حاجه مزعلانى احب اقعد لوحدى جدا جدا
وحد تانى برضو قالى :ـ
هحبس نفسى لحد ما اموووووووت
او ربنا يفرج عليه
واخرى ردت عليا بتقولى :ـ
لما اتخنق من الدنيا اوى هقفل على نفسى واقول يارب
ووحدة ردت عليا ردت حلو بتقولى:ـ
انا بصراحه لما ببقا مخنوقه من الحياه بدخل اعمل نفسى نايمه واديها عياط لغايط معينى تورم
وبعد كده اعد افكر ان الحياه دى الواحد مايستهلش يزعل علشانها لانها بتاخد مننا كل حاجه حلوه فى حياتنا
ومابتدناش الا غضب ربنا
وواحدة تانيه ردت عليا بتقول :ـ
بوصوا ... انا لما ببأ مخنوقه بنزل اتمشي لوحدي ولما ارجع اروح اعود لوحدي
في اوضتي واافل علي نفسيو اافل النور وبسمع موسيقي هاديه و اطلع كول اللي
جوايا ... بس يا وال للي يدخول عليا وانا كدا .. او يخبط علشان مش بحب حد
يشفني كده ... بس ولما ارتاح .. اطلع عادي واعود معاهوم وكان مفيش حاجه
بدخل كولوا جويا ... انا كده طول عمري كده..
وواحدة بتقول :ـ
انا بقى لما ابقى مخنوق احب اسيب المكان اللى انا فيه ده وامشى لوحدى من غير هدف حسب رجلى متودينى
وبعد كده اروح اشغل اغانى تعبر عن اللى انا حاسه وامسك ورقه وقلم واقعد اكتب
بس بكتب ايه مش عارف
اى كلام بيجى على بالى بااكتبه وبعد كده بقطع الورقه ده
واخر رد بيقول :ـ
اصلي ركعتين واقرا قران
واقفل على نفسي وما احبش اكلم حد وانا مضايقه عشان ما اضايقش حد فاضايق تاني بعدها لحد ما ربنا يفرجها
ده لو كنت مخنووووووووووووووقه اووووي
لكن لو مش اوي يعني بحاول اخرج من ده اني اخرج مع اصحابي اتكلم مع اي حد اشغل نفسي باي حاجه احاول اغير جو كده يعني
موضوع: لو انت مخنوق تعمل اية 
28/10/2010, 17:59
