(أنا عندى أتجنن ولا أحبش )....زجل

أنا عندى أتجنن ولا أحبش دنا طيره وزنت لخرابها
والدمعه لعينى بقربها
قال أيه حدوته بجربها
جانى خيبه دى كوره ماتتصدش
أنا عندى أتجنن ولا أحبش

لا دانت فعلا كده حبيت
وصلك الحب لحد البيت
عامل هيصة وكمان ظيته
طب قوم اعملك تظبيطة
اوصل وبسرعه هناك عنديه
قوله ياحبيبى وبستنى
اجى لهواك هنا اتأنى
يمكن هيحن تشوف ف عنيه
كام سرحه كده وتدوب حواليه
ولا وتاخدلك خبطايا
من قعر القله وكوبايه
تروح فيها ياحلو وما تقبش
وساعتها تتجن ولا تحبش

ههههههههههههههه

الاخ الشاعر الجميل /جاسر

كلماتك الساخرة اكثر من رائعه وزجليه بجد روعه

تقبل اخى مرورى وارتجالى المتواضع

احترامى لقلمك الراقى

الأخ العزيز جاسر يسعدنى أن أقرأ لك لاحرمنا تواجدك وعطائك

الشاعره / بسمه...من قرائتى لنصك الشعرى الموازى لنصى بلغة تتباهى فيها الفردات بخصوصيتها وبراعتك فى قيادتها بحكمه أقر بإنك..شاعره بحق .. الله يسامحك عايوانى أنضرب بقله وكوبايه كمان ..هه ههههههه ..روحك المرحه المتمكنه فى رصدها للحاله ..صنعت كون من البهجه داخل الصفحه ..سعيد بمرورك وبردك الرائع ..دمت أخت مشجعه لى
جاسر

الصديق رائع الكلمات / أسامه مصطفى دمت لى يا أخى مشجعا وأشكر تواجدك المبهج وترحيبك المخلص للأبدع والمبدعين أرحب بك دائما .....تحياتى


جاسر

أجى أروح أسوان ألقانى جيزه
وأنا شايى تقيل أطلبه ميزه
وبقيت ما أسواش حتى بريزه
وأنده لحبيبى ولا يردش
أنا عندى أتجنن ولا أحبش
سهران الليل مش بأيديه
والدمع مصاحب لعنيه
أنا لو محبوس جوه قضيه
هافضل مسجون كده متكلبش
أنا عندى أتجنن ولا أحبش

تحليلك كله دفا واحساس

وازاى نشوفوه وما نتهزش

طب دانت شاعر كده حساس

ياجاسر شعرك يامخربش

ههههههههههههههه

اظن كده تمام اهو يعنى لا فيه المرة دى كوبايه ولا قولياه

تقبل مداعبتى البسيطة اخى بجد نصك راقى وساخر ولازم قرايتة مرات ومرات

تقبل مرورى واحترامى وكلامى

الشاعره المتميزه / بسمه ...أرحب بتواجدك المبهج وبأشعاعك المتوهج بالشاعريه وبالأحاسيس الفياضه ..كيف لا أرحب بأخت تشجعنى وتتابع أعمالى بأهتمام المبدع وبأحساس الشاعر وبوعى المحلل المبصر ببواطن الكلمه وبعقل ذكى متمرس للفن ولجماليات الشعر وبقلب رقيق مرهف الحس أخشى عليه من هذا الزمن الزائف المخادع خوف الأخ بأخلاص جاد على أخته المدلله والرقيقه ..سعيد بموهبتك المتفجره والتى تفرض نفسها بقوة جماليات المفرده والصوره ..وأقوى من عزمك وأحفزك لتبدعى أكثر وأنا متيقن تمام اليقين بأن أبداعك سيقرأه الجميع وستكونين من شاعرات مصر القلائل ..وأراهن على هذا الكلام ..إلى الأمام أيتها الشاعره المهمومه بالأبداع الحقيقى والكل معكى ويساند موهبتك
جاسر

مرسى لذوقك جدا وكلماتك التى اعجز عن الرد عليها ,, تشجيعكم اخى وسام على صدرى اعتز به كثيرا

وانا ارى نفسى تلميذة بسيطة فى مجال الشعر فهى هواية لا اكثر

ويارب دايما اكون عن حسن الظن بى

احترامى لتشجيعكم

انا هنا مش عارفة أشكر مين ابداع الاستاذ جاسر ولا جمال ردود بسمة حقيقى ربنا يباركم فيكم وفى اقلامكم
فى انتظار الجديد

أيتها الفارسه الملثمه قد يخفى اللثام الوجه لكن نبل الأخلاق ورقيها لا يمكن أخفائها أشكر تواجدك ومتابعتك لكتابتى وقرائتها بوعى وفهم ناضج أرحب دائما بتواجدك وأسف لتأخرى فى الرد لظروف ما ..

جاسر