وحوى

موضوع: وحوى 17/8/2008, 09:07

وحوى

لصلاح جاهين

من قبل رمضان بجمعه الهرش دار فى الدار

شالوا الموبيليا و حطوا العفش بالمندار

بالمكنسه دور و بالفرشه سبع تدوار

صبح البلاط زى خد المزمزيل ناعم

و الشقه بصّت لهيلتون نفسه باستحقار

جابو قمر دين و تين و زبيب و صنيبر

و مكسرات فى شكارات مقفولة بالميبر

فاضل فى شعبان تلات ايام يا شحيبر

راح تعملم ايه فى رمضان ابقوا تعالوا لنا

و الكل بات فى حسابات تلخم يهود خيبر

رمضان دخل .. كل عام و انتم بخير قالوا

مشاوير كتير مشو ضروا و اتحطوا و اتشالوا

علشان كنافة ( ميدان الست ) و احتالوا

حتى الولد لما راح و اتهربد القفطان

اضطر ينزل معاه البيه يجيبهاله

و من حوارى ( الحسين ) راحو اشتروا الطرشى

خيار و لفت و بصل و لمون قديم محشى

فوق البوفيه رصّوا برطماناته و لا ساعشى

أَحمر و بنى و بمبه و عنبرى و اصفر

و يومين يا دوبك دخ كله يروح ما يرجعشى

السمن نازل يرفّ ... و كانوا جايبين كوم

و البيت معبأَ بريحه قلى طول اليوم

فيشاوى بالليل و من بدء النهار النوم

و لا شغله و لا مشغلة غير بس ( يا وحوى )

و الكل فاطرين يا عينى و لم لهم فى الصوم

موضوع: رد: وحوى 18/8/2008, 00:45

موضوع: رد: وحوى 20/8/2008, 13:32

موضوع: رد: وحوى 24/8/2008, 02:02

ههههههههههههههههههههههه

رحمه الله

مات ولكن كلماته اللطيفة ما زالت بيننا

بارك الله فيك أستاذتنا المكرمة

موضوع: رد: وحوى 28/8/2008, 12:03

كان الفنان والأديب صلاح جاهين يمتاز بخفة الدم رغم ثقل وزنه

رحمه الله ورحم أموات المسلمبن

شكرا لك أختنا الكريمة المكرمة هويدا

وحوى كل-عام-وانتم-بخير

موضوع: رد: وحوى 28/8/2008, 12:17

الغالية هوايدا

ما اجمل اختيارك

سلمت لنا

وكل عام وانت واهل بكل الخير

دمتى متألقة

موضوع: رد: وحوى 31/8/2008, 21:24

كل عام والجميع بخير

موضوع: رد: وحوى 2/9/2008, 23:47

أيام فيها مثالب لبعض البشر أحسن المرحوم في وصفها
وفيها روحانيات أحسنت في جذبها باختيارك
أخوك
عبد الكريم ربيع