مبارك: أنا أدمن كلنا خالد سعيد

مبارك: أنا أدمن كلنا خالد سعيد

الوفد الالكترونية - كتب- عمر محمد:

مع انتهاء الرئيس المخلوع حسني مبارك من كلمته التي بثتها فضائية العربية أمس، تفجرت شلالات النكتة المصرية، هذا بعض منها:
- عاجل بعد كلمة مبارك.. النائب العام يجهش بالبكاء ويأمر بالتحفظ على أموال خالد سعيد.
- مبارك: أنا أدمن كلنا خالد سعيد.
- الإخوة المواطنون. أبناء مصر الشرفاء.. هرجع من أجلكم أنتم… نياهاهاهاها. "ضحكات شريرة متقطعة".
- المجلس العسكرى ينفى خطاب مبارك ويؤكد لا توجد قناة اسمها العربية اصلا، ودى إشاعة من فلول النظام.
- من مبارك الي المجلس: شكرا على حسن تباطؤكم معنا، الفلوس في أمان والسنجة في الرنجة وفتشنى فتش.
- المجلس: خلاويص؟ مبارك: لسه. المجلس: خلاويص؟ مبارك: لسه. المجلس: خلاويص؟ مبارك: خلاص.
- شرم يا مه يا بهية.. يا أمو بسين وشمسية.. فيكي مبارك والحرامية.
- من إسعاد يونس لمبارك: شلت المرارة.. عاوز تفقع لي ايه تاني.
- الفنان محمد حسني مبارك.. أوسكار فقع مرارة الشعب.
- يحز في نفسي ما ألاقيه من بني وطني من حقد على القصر اللي مأنتخ فيه.
- متصدقوش إذاعات هذول الكلاب أنا مسرقتش 70 مليار هما 67 بس.
- القذافي طلع على توك توك.. انا طلعت على عربية.
- جمال ايه اللى تحققوا معاه.. من انتم؟.. من انتم؟!!.
- رداً علي جمعة الزحف لشرم، مبارك: لو جايين بجد.. هاتوا معاكم دراع بلاي ستاشن زيادة.
- مبارك: مستر إكس.. مش ممكن يموت.
- مبارك: اعزائي المواطنين، بصوا العصفورة! سلاموا عليكوا.
- مبارك: يعلن ده أول سنجل لي.. وناوي أعمل ألبوم تسجيلات كامل وبنتفاوض مع روتانا.
- انه لا يموت.. انه يذكرنى بابراهيم الابيض!!.
- مبارك: أظـنّ إتسلّيتو بما فيه الكفاية وأنا خدت أجازة كويسة.. نكمّل بقي مدة رئاستي السادسة؟.
- مبارك: لم أكن أنتوي... إني أشم النسيم لوحدي في شرم يلا تعالوا بقى.
- مبارك للشعب: يانعيش مع بعض حبيبي يانموت احنا الاتنين !.
- مبارك:‏ إنتو فاكرين الثورة أثرت عليا؟ أبسلوتلي..‏ أنا اللي أثرت ع الثورة..‏ الثورة عملتلي دماغ ودماغ جامدة كمان.
- مصر دلوقتي عاملة زي أوضة واحد عازب، كل حاجة مش في مكانها، القميص في التحرير والشبشب في مصطفى محمود.. والجزمة في شرم.
- حطلع خطاب تاني فيديو مع يسري فودة.. بشرط عدم حضور الأسواني.
- انا طاهر وحفضل طول عمري طاهر.. طاهر "موسيقى يا ام المطاهر".
- أنا مش حرامى: انا مش خرونج.. انا كينج كونج.
- الواد جمال ده مش ابني.. لقيته وهو صغير قدام باب المطار .
- مبارك: بلاه جمال.. خدوا علاء.
- لو كنتم اجتهدتم زى جمال.. كنتم حوشتوا من مصروفكم زيه.
- إن كان على سوزان أطلقها.. أنا ماليش غير الإخوة والأخوات.
- لن ينعم المصريون بالأمن.. حتى نعيشه واقعاً في شرم.
-هزه أرضية بمقدار 13 ريختر تضرب السودان.. جيولوجي يرجع السبب لـ "صوت إسكندراني جماعي" من المصريين بعد مبارك.
- ثوار يناير يخشون موقعة "المايوه" من جمعة الزحف في شرم الشيخ.

» اليوم الجلسة التاسعة لقضية خالد سعيد
» 6 أشهر حبس لتوفيق عكاشة لسب والدة خالد سعيد
» «خالد سعيد» يطالب بمحاكمة «ساويرس» بتهمة «التحريض»
» عمرو خالد - مع التابعين - 2011 - الحلقة 4 - سعيد ابن المسيب
» حيثيات الحكم على رجلى الشرطة قاتلى خالد سعيد