حدوته مصريه

يـوم فجـر الثـورة صحيت
ذكـرت ربـى وصــــليـت
حضنتـى أمى وبكيت
سلمت عليها وجريت
أخذونى صحابى من البيت
وحملنا رايات الحرية
حنـا ومحمـد وبهيـة
ووصلنا نحو الميدان
وقابلنا كل الخلان
وهتفـنا بصيحة قوية
يسقط أعـــــداء الحـــرية
كــل ده وإحنـا مســالميــن
والعســكر لنـــــا محيطيـن
ماســــكين هـروات حديدية
حـامـليـن يانـاس بنـدقيــــــة
وطارت رصاصات مطاطية
أعقـبها قنـابل غازية
وفجـأة بدون مقدمات
إتخنق محمد ومات
وضـربوا طلقـات نـاريـة
وسـقط حنــا وبهيــــة
قلنــــا يا إخوانـا سلميــــة
مدنـى وشرطى هما أخوان
جن جنـونهم ورأونــى
وطار رصـاصهم وصابـونى
وحلفـوا يميـن ما يخلـونى
وفـى وسط عينى ضربونى
قتـلونى وسـط أخواتى
وبأقـدامهم دهـسونى
طاشت عرباتهم سحلـونى
ما رحمـونى ما رحمـونى
........
كان نفســى أعيـش يابلــدى
وأبنى ليـك قصــــــر وردى
سامحينــى يا أمـى وأبــويا
سامحينــى يا أختى وأخويا
سامحينــى خطيبتى الغالية
كان نفســى أعيـش وسطـكم
لأنــى شـايـل همكم
أم محمـد ما تبكيـش أم حنـا ما تـزعليش
راح يمـوت فـرد وألـف يعـيش
إفتـكرونى فى يوم النصر
خلـو وصيتكم مصر
أرفعوا دوماً رايتها ضحوا بأرواحكم لسلامتها
قـولـوا معايـا يا إخوانى
تحيا ..تحيا ..تحيا مصر

تقبلو تحياتى

رائعة حواديتك أستاذ أغلى وخاصة إذا كانت مصرية ومكتوبة بدماء الشهداء الزكية

الاستاذ اغلى من حياتى

سلمت يداك يا أستاذنا

أستاذى الشاعر الكريم

حدوتة مصرية رائعة من راوعك المتميزه

لا زالت الحدودة المصرية مستمرة

ولازلنا فى انتظار المزيد

سلمت يمناك

وصح لسانك

اشكر مروركم الكريم اصدقائى الاعزاء

ديما بكم ومنكم استفيد ومن مروركم الكريم التشجيع

دمت لى جميعا بكل خير

واتمنى لكم التوفيق