الحب الثانى
حبك هو الحب التانى = أنا حبيت قبلك أوطانى
حفضل أعيش فى غرامى الأول = واحفظ عهدى لحبى الثانى
الحبين مالين وجدانى = ولاتنين ما فهمش أنانى
حبى كبير للوطن الأكبر = وانت غلاوتك عندى بتكبر
ساكنين دايما جوه فى قلبى = فرحتى بيكم ما بتتقدر
صحيت قلبى وهو رعانى = لك وجدانى وله إيمانى
حبك كحل عينى بحبه = لما عرفت إنك بتحبه
مش حتغير أبدا يا حبيبى = لما تشوفنى سعيدة بحبه
بتمنى ليكم أحلى أمانى =هو الأول وانت التانى
لولاه كان فين حبى وحبك = فى حماه عايشة سعيدة فى قربك
هو حبيبى وانت حبيبى = كلى سعادة بحبى وحبك
خيره طعمنى وشهده روانى = وانت عنيك رسمت أشجانى
موضوع: الحب الثانى 
12/4/2011, 12:27
