الو ياحكومة

موضوع: الو ياحكومة 25/2/2010, 18:24

آلو مكتب المحافظ

أيوه يا أفندم تحت أمرك مين حضرتك

أنا فلان مواطن عادى وعندى شكوى

أهلا أهلا أهلا تحت أمرك

عندى مشكلة ورحت لجهات كتير محدش عمل حاجه فقلت مفيش إلا أنتوا طبعا

إتفضل إحنا معاك والمشكلة تتحل حالا

والله ياباشا أنا ساكن فى عمارة رقم (5 ) بمنطقة كذا التابعة لكذا

وبدفع القسط الشهرى لمجلس المدينة بإنتظام

يبقى المجلس مزعل حضرتك

لأ

المشكلة إن العمارة هتقع فى أى وقت وعن قريب جدا

ومالت وبها شروخ فى كل مكان

ياساتر يارب ليه ؟ وإيه السبب ؟ وإزاى ده حصل ؟

إللى حصل إن فيه واحده ست ساكنه فى أول دور ومواسير

الميه والصرف عندها بايظين من أربع سنين ويمكن خمسة كمان والست سايبة

المواسير والصرف بتاع حوض الحمام بتتصرف فى الأرض تحت البلاط مباشرة

ومش واصلة لحجرة التفتيش بتاعة المجارى والعمارة مبنية فى الجبل يعنى تحتها رمله

وسيادتك عارف لما الميه تمشى فى الرمله أربع خمس سنين يحصل هبوط أسفل

الخرسانة وتتبدأ تميل والعمدان ممكن تتكسر

وعلى فكرة العمارة دلوقتى كلها بقت مليانة شروخ من الدور الأرضى لحد الخامس

وكبيرة كمان ولو بصيت للعمارة من بره وانت بعيد عنها تلاحظ بسهولة

إنها مالت وناوية تقع على دماغنا تموتنا

لاقدر الله لا قدر الله ياسيدى كمل إتفضل

إحنا رحنا للست علشان تصلح مواسيرها قامت شتمتنا

وإحنا مش قادرين نعمل محضر ضدها لأن جوزها شرانى

وهى شاطرة فى عمل تقارير طبية وممكن تحبسنا

علشان كده قلنا نشتكى لكم من تحت لتحت وانتوا جهة إختصاص

مسؤولة عنا وانا مستعد أحضر بنفسى

لسيادتك وتقابلنى على السيد المحافظ

طبعا طبعا عموما سيادتك السر فى بير والمشكلة أنا حليتها خلاص

شكرا شكرا أنا كنت واثق فى إنكم تحلوها وإزاى سيادتك حليتها بسرعة كده

بسيطة ياسيدى أنتوا تجمعوا بعض وتروحوا للست بتاعة اول دور وتطلبوا منها

تصلح المواسير وتلموا من بعض قرشين تساعدوها وتساهموا فى حل المشكلة

وأنا واثق إنها لما تلاقيكم عملتوا كده هتصلح المواسير

هو ده الحل إللى عندكم أمال أنا طالبكم ليه ؟

ي أستاذنا هى الحكومة هتعمل إيه واللا إيه بس ما إنت عارف الظروف فيه حاجات

عندنا كتيرة أهم من مشكلة بسيطة زى دى أهلا وسهلا بيك تطلبنى فى أى وقت تلاقينا

شكرا يا أفندم والله إنت حليت المشكلة أنا مش عارف الحل ده كان تايه عنا فين

مع السلامة

مع السلامة

موضوع: رد: الو ياحكومة 25/2/2010, 20:34

الله يكثر خيره لأنه استمع لك للآخر

و هي فعلا الحكومة " تعمل ايه والا ايه "

كان الله في عونها المسكينة

أخي و استاذي القدير

أنت تنتظر من الحكومة أن تتنقل هكذا و تحل المشكل ؟

لاا و ألف لاا لن يكون ذلك إلا في حالة انهيار

المبنى و يجب أن يكون هناك موتى

( نسأل الله السلامة و العافية و أن يحفظ كل أشقائنا و شقيقاتنا في مصر و غيرها )

و يجب أن يكون هناك قنوات تلفزية تصور

و يجب أن يكون هذا المسؤول قد حصل على توبيخ

و شتم و سب من طرف المسؤول الأعلى رتبة منه و هذا

ايضا حصل على حصته من الأعلى الى أن يصل لقمة الهرم الإداري

في هذه الحالة فقط

سيأتي هرولة شاحب اللون و سيعمل على إيجاد

الحلول الترقيعية لمن قدر الله لهم طول العمر

و هكذا دواليك ...

الدرك و الشرطة أيضا لا يستجيبون لطلبات النجدة من المواطنين إلا إذا

كان هناك دم و قتلى ، و إلا فهم ملتصقون بمكاتبهم

هذه هي السياسة البيروقراطية لحكوماتنا العربية

و يبقى الحال على ما هو عليه و على المتضررين اللجوء الى المحاكم

اقتباس :

وتبدأ تميل والعمدان

اتركوها لتميل ربما يريدون أن تصبح معلما أثريا كبرج بيزا بإيطاليا

أخي و استاذي القدير/أ. يسري محمد

نسأل الله تعالى أن يصلح حكوماتنا لتصلح عماراتنا المائلة و حالنا الأكثر ميلان

تقبل خالص التقدير و الاحترام

موضوع: رد: الو ياحكومة 26/2/2010, 00:59

أستاذي القدير

أ/ يسري

لمست وبكل يسر يا استاذ يسري واقعا أمر من الصبر

طرح أكثر من رائع

سلمت يداك وسلم لنا عقلك الكبير الرائع

با المناسبه تقديرا لموضوعك الرائع تم التوصيه با الغاء كل خطوط التليفونات التي تستخدمها

سواء كانت أرضيه أم محموله

الو ياحكومة 823964

موضوع: رد: الو ياحكومة 2/3/2010, 09:01

أنا خايفه عليك يابابا

ومع ذلك شكرا لك فالموضوع عرفت منه

أن حكومتنا فعلا تهتم بشكوى المواطنين حالا

موضوع: رد: الو ياحكومة 5/3/2010, 23:25

أضحكتنى

ألم أقل لك سابقا أن أسلوبك فى الكتابة يعجبنى ؟

ها انت تثبت ذلك علنا

( لماذا الزعل والغضب )

ومشكلتك تم حلها

شكرا لك على الموضوع النارى

موضوع: رد: الو ياحكومة 7/3/2010, 19:17

مشكور أخى الفاضل على الموضوع القيم

موضوع: رد: الو ياحكومة 13/12/2010, 05:04

أتقدم بالشكر والعرفان لحضرات السادة

الأخت الفاضلة الكريمة

الأستاذة / . صفاء الروح

بارك الله في سيادتها وحفظها من كل سوء

*************

سيادة الأخ الكريم الفاضل

أستاذى

الوتر السعيد

بارك الله في سيادته

*************

الإبنة العزيزة

الأستاذة

نورهان

بارك الله فى سيادتها

***********

سيادة اللواء

محمد بك عبد المولى

رك الله فى سيادته

************

وأرجو من سيادتهم جميعا قول أسفى الشديد

للتأخر فى الرد على حضراتهم طوال هذه المدة

وتقبوا منى تحياتى

موضوع: رد: الو ياحكومة 31/12/2010, 02:51

يا أخي أنا مش عارف أنت محبكها ليه

هو ده بقي جزاء المعروف

يعني الحكومة عايزة تكتب لكم الشهرة اللي طول عمركم حفاينين عليها ومش طايلينها

أهي بقي عايزة تشهركم وتخلي مصر كلها تعرفكم وتقرأ أخباركم وتشوف صوركم

وفي كل النشرات والصحف تحت عنوان

( إنهيار عمارة من خمسة أدوار ومصرع جميع سكانها )

يا راجل حد طايل الشهرة دي

.

موضوع: رد: الو ياحكومة 31/12/2010, 20:54

انت عاوز تعرفنا انت تلفونك فية حرارة

وكمان بيردو عليك على طول

واسعة اوى حبتين ضحك

موضوع: رد: الو ياحكومة 1/1/2011, 01:29

أكرم عبد القوي كتب:

يا أخي أنا مش عارف أنت محبكها ليه

هو ده بقي جزاء المعروف

يعني الحكومة عايزة تكتب لكم الشهرة اللي طول عمركم حفاينين عليها ومش طايلينها

أهي بقي عايزة تشهركم وتخلي مصر كلها تعرفكم وتقرأ أخباركم وتشوف صوركم

وفي كل النشرات والصحف تحت عنوان

( إنهيار عمارة من خمسة أدوار ومصرع جميع سكانها )

يا راجل حد طايل الشهرة دي

.

أكرم بك حبيب قلبنا

أنا معاك فى كل كلامك

لكن

العمارة لو انهارت كانت التى ستشتهر هى

حماتى

لا أراكم الله مكروها فى عزيز لديكم

أشكرك على الرد وعلى الدعاء لحماتى

( إبقى عدى من قدام بيتنا لو جدع )

الو ياحكومة 337cv