في حب الأهلي

زى ماترسى

أزمة ياأهلى ومش ح تطول

اشحن تانى التنك وفول

انت ح تطلع منها بسرعة

انت ح ترجع زى الأول


اتعودنا معاك ع الفوز

كاس أو دورى يااما الجوز

كاس افريقيا ان رحت تجيبه

هو ان راح يرجع بالموز


مش ح نعاتبك مش ح نلومك

لما يكون اليوم مش يومك

احنا شبعنا ومالوش معنى

تركن كدا ع الرف خصومك


ليك جمهور فى الشدة طبيبك

ماانت حبيبه وهو حبيبك

زى ماترسى معاك ح يساندك

تخسر تكسب مش ح يسيبك


فاق جمهورك فى التعداد

سكان قارة وست بلاد

وبتقديرهم فاق جمهورهم

سكان قرية وملو ستاد


ست سنين ورا بعض كاسبها

مش ح نموت لو مرة تسيبها

خليه بقى من نفسه ياخدها

وارجع تانى ياأهلى وجيبها