من وحي الندوة

موضوع: رد: من وحي الندوة 29/12/2010, 12:56

محمود بك خيري

مرور عطر

لا حرمنا

موضوع: رد: من وحي الندوة 30/12/2010, 09:18

متابع

موضوع: رد: من وحي الندوة 12/1/2011, 09:25

عاشق بركات

وأنا معك متابع

بس يا تري مين الي هايكتب

موضوع: رد: من وحي الندوة 12/1/2011, 09:34

محمد عبد الناصر

كان القاء الأول ما بين محمد عبد الناصر مشرف المنتدي الكشفي وبين راجي عفو ربه

كنت أنا شاهد عليه

راجي عفو ربه .. أهلا وسهلا .. أنا شفتك قبل كده

محمد عبد الناصر .. بس أنا عمري ما شفتمدك قبل كده

أنا بإحراج .. يا راجل ازاي الأستاذ أحمد عبد الباقي صورته منوره المنتدي باسم راجي عفو ربه

محمد ... معلش أصل ظروف السفر والدراسة مخلياني مش بدخل المنتدي

أنا ... يا راااااجل ماهو مشرف معاك من قبل السفر

محمد ..... ياااااااااااااااااااااه مشرف معانا في الدراسة

أحمد رياض .. هههههههههههههههههههههههههههه أنا في المنتدي اسمي راجي عفو ربه

محمد ...... يعني بتسافر معايا في الدراسة

أنا . يظهر الدراسة عمالالك مشاكل يا محمد بك

محمد ... أصل أنا بسافر

راجي ..... عموما أخوك أحمد رياض مشرف معاك في النتدي

محمد .. وفي نفس المحاضرة ولا في نفس السكشن ولا في نفس الأتوبيس

أنا . روح يا محمد بك فيه واحد بينادي عليك

محمد . ياااااه يبقي أكيد اتأخرت علي المحاضرة عن أذنكم

.

موضوع: رد: من وحي الندوة 12/1/2011, 09:50

الأم

أم أمهات المنتدي . ليس لموقعها من إدارة المنتدي .. إطلاقا .. بل لموقعها في قلوب أعضاء المنتدي

كانت كعادتها لم تنطق ( بابن شفه ) علي أساس أن تعبير ( ببنت شفه قديم ولازم نجدد )

الأم .. تحمل نفس صفات الشاعر الراحل عبد القوي الأعلامي . فعلي الرغم من أنها محور الأحداث

والركيزة الأولي والجندي ( المعلوم ) لهذه الندوة وما قبلهامن ندوات وإن شاء الله وما بعدها من تاليات

إلا أنها لم تأخذ الصدارة بل جلست وسط الجمع وكأنها مدعوة مع المدعوين مقدمة علي نفسها الجميع

وكذلك عبير ابنتها ( التوأم ) ... " تيجي ازاي ابنتها التوأم معرفش " بس هي كده

.

موضوع: رد: من وحي الندوة 12/1/2011, 09:57

بحور الصمت

أظل ( أنا ) كما يصفوني رجل طويل عريض مهاب . حتي أقف بجوار بحور الصمت .

فتضيع الهيبة ويضيع الطول . ويضيع العرض . ولا يبقي لي سوي قزمية شديدة

فقد أعطاه الله بسطة في الجسم والعقل والخلق . شخص عندما تراه تتذكر البطل الأوليمبي محمد رشوان

يحمل بحور الصمت هيئة رياضية ومهابة كبيرة

كلما رأيته تذكرت ما قرأته عن وصف الأبطال الصناديد في كتب البطولات .. مشهده يوحي بذلك

ورغم ذلك يحمل نفس متواضعة ولسان مهذب إلي اقصي درجة

لا عجب فهو خير خلف لخير سلف

رحم الله والده البطل المقدام

يا جماعة أنا لازم أتكلم بأدب عن الراجل ده لأني بشوفه كتير

ومحدش منكم ها ينفعني معاه
.

موضوع: رد: من وحي الندوة 12/1/2011, 10:08

ستو أطاطا

تحية لمن يحمل هذا المعرف . فقد استطاع أو استطاعت .. أن تفرض حضورها علي الجميع رغم غيابها ( اللي كده وكده ) فقد كانت ستو أطاطا هي الشخص الوحيد الغائب ( كده وكده ) الذي ينافس ذكره ذكر صفاء الروح ما بين الغائبين

وأنا أقول كده وكده حيث تأكد لي من خلال تعليقها علي بعض المواضيع أنها كانت من الحاضرين

ستو أطاطا رغم أنها حديثة العهد بالمنتدي ولكنها استطاعت أن تكون لها بصمة مميزة

وإن كانت تعود في نهاية المطاف لنفس اكاديمية حولان لميكانيكا المنتديات

موضوع: رد: من وحي الندوة 12/1/2011, 16:19

والنبي ياسي الاستاذ اكرم انت سكر

بس انا عاوزه اعرف (كده وكده )يعني ايه

انا كنت موجوده ياخويا معاكم

واقولك اماره لما كنت بتكلم الوتر وتقوله تعالي اصورك انت والاستاذ بحور الصمت

ورد وقالك علشان تنزلها المنتدي وابقي عامل الصفر اللي في رقم عشره

مابلاش فضائح هو انا كل مره يبقي لي معاك حكايه

الا قولي يا سي الاستاذ انت متجوز زي اللى اسمة يسري وبتشرب سجائر ولا شيشه

هو الافندى مخفتي ليه ضرتي عملت له حظر دخول علشاني

الا قولي صح ياخويا هو الافندى يسري هو اللي ولع في حجز الوراق ولا تشابه اسماء ياضنايا

معاك سيجاره ياخويا

موضوع: رد: من وحي الندوة 21/1/2011, 23:55

مرحبا بالمعرف الفريد

الان تأكد لي صدق حدسي في تواجد بالندوة

مركبا بك علي متصفحي

والذي ابتهج بقدومك

موضوع: رد: من وحي الندوة 22/1/2011, 00:02

ا . أشرف محمد

ألتقيته أول مرة بعد
الندوة أثناء إلتقاط الصور التذكارية وقد عرفته علي الفور . من خلال صورته الرمزية
التي وضعها بالمنتدي . أنيق . ذو وجه ( فوتوجنيك ) معرفش يعني إيه فوتوجنيك دي .
المهم أنه ذو وجه سينمائي يتحدث مع من حوله بود . سبب تعرفي عليه عندما أخبروني
بأن جائزة فوازير رمضان لم يتسلمها أثناء الإحتفال فحملت إليه الجائزة وذهبت إليه
ويسبقني أسفي للخطأ الذي حدث فما كان من الرجل إلا أنه تقبل ذلك بصدر رحب ورزانة
شديدة . وقد مكثت بجوارة فترة من الزمن لعله يقاسمني هذه الجائزة وهو ( مطنش )
عموما أنا مش مسامح . لأن المسامح كريم . وأنا ( أكرم )

» من طرائف الندوة
» قناة الأعلامي . الندوة الأولي ج 2
» تأجيل موعد الندوة ليوم 18 /8 /2008
» الندوة السنوية الرابعة لمنتديات الأعلامي
» الندوة الدولية حول التعددية اللغوية بمكتبة الإسكندريه