عدد الرسائل : 9451بلد الإقامة : مصراحترام القوانين : العمل : الحالة : نقاط : 17866ترشيحات : 33الأوســــــــــمة :
موضوع: ديوان ثوار 25 يناير بقلم شعراء المنتدى 7/2/2011, 03:17
الأخوة والأخوات الأعزاء
بما أن الشعر ديوان العرب حق علينا أن نفرد ديوانا
لما انشده الشعراء من قصائد
فى ثورة الخامس والعشرون من يناير 2011
ليسطر التاريخ ما سطروه وليحكى لأجيال ما فعلوه هؤلاء الأدباء
من ثاروا بكلماتهم ونزف اقلامهم ليتعلم منهم كل الأجيال
تحية معطرة بعطر الجنان للثوار والأدباء
عدل سابقا من قبل عبير عبد القوى في 23/4/2011, 22:35 عدل 2 مرات
عبير عبد القوى الأعلامى نائب المدير الفني
عدد الرسائل : 9451بلد الإقامة : مصراحترام القوانين : العمل : الحالة : نقاط : 17866ترشيحات : 33الأوســــــــــمة :
موضوع: رد: ديوان ثوار 25 يناير بقلم شعراء المنتدى 7/2/2011, 03:27
الشاعر والأديب القصصى
الجواد البرى
(( أبو مازن ))
جمهورية مصر العربية
لا يا مصر
ما تكونيش ريشة تحركها الأيادي
د أنتِ صرح رغم اقوال الأعادي
واللي حاصل لك ده شيء خايب وعادي
اللي خانوكي مش إحنا
وإن سكتنا الله يسامحنا
لكن إنتِ رمز غالي
نجمة طايرة في العلالي
وشبابك هم خيرك
هم نبضك وضميرك
واللي برة بيشمتوا ...ده كاس وداير
ياما كانوا ف حضننا
كانوا همنا ، وبلاش نعاير
إحنا يكفينا أمنا نرجع ناخدها تضمنا
ولا يوم نزايد
ما هو اللي جاري عندنا ده حقد زايد
يا شبابنا فوقوا لنفسكم وبلاش نعاند
وبلاش نلوم في بعضنا وبلاش نكايد
صهيون عاوزنا لوحدنا من غير مساند
لو بس نجمع نفسنا على أرضنا والروح نعاهد
نفدي وطنا وأمنا ونبقى ساعد
كل الامور حتكون بخير والحلم واعد
أبومازن 2:25 م بتوقيت القاهرة
عبير عبد القوى الأعلامى نائب المدير الفني
عدد الرسائل : 9451بلد الإقامة : مصراحترام القوانين : العمل : الحالة : نقاط : 17866ترشيحات : 33الأوســــــــــمة :
موضوع: رد: ديوان ثوار 25 يناير بقلم شعراء المنتدى 7/2/2011, 03:36
الشاعرة عبير الزهور
جمهورية مصر العربية
وقالتها فى محاورة لها شعريه مع الشاعر أبو مازن
ردا على قصيدته (لا يمصر ما تزعلبش) فى منتدى الأعلامى
طول عمرك يا بلادى يا مصر حرة
شايلة هم جوة وبرة
يا رمز الوحدة العربية
يا بلادى يا حرة يا ابية
لا يا مصر متزعليش
غمة وهتعدى متقلقيش
ولادك.... شاربين من نيلك
باديهم.... النصر حليفك
عبير عبد القوى الأعلامى نائب المدير الفني
عدد الرسائل : 9451بلد الإقامة : مصراحترام القوانين : العمل : الحالة : نقاط : 17866ترشيحات : 33الأوســــــــــمة :
موضوع: رد: ديوان ثوار 25 يناير بقلم شعراء المنتدى 7/2/2011, 03:55
قصيدة ضاع الأمان
الشاعرة عبير الزهور /مصر
تضليل فى تضليل
وبقينا مش عارفين
مين مع مين
او مين ضد مين
وطريقنا مودينا لفين
اللى صرخوا وطالبوا بالتغيير
رجعوا تانى ...قالوا كنا غلطانين
اتفرقوا وبقوا حزبين
اخ بيضرب اخوه
من غير اخلاق ولا دين
بلد الامان
ضاع منها الامان ف غمضة عين
يا بلدنا يا بلد الاهرامات والنيل
بلد الازهر وحضارة الاف السنين
ولادك ...بيكى على فين رايحين
عليهم ليه هونتى
ولشعار التخريب رافعين
دمروكى ...حرقوكى
ولا هما فاهمين
انك مستهدفة ومطمع للطامعين
باديهم ادوا الفرصة لكل الحاقدين
بين الشعب يضربوا إسفين
ويرووا الارض بدم المصريين
حكومة وشعب لبعض متربصين
الحكومة لحق الشعب رافضين
والشعب لحريته بيحارب
ولو قلعوا عنيه لاتنين
يارب احفظ بلدنا انت خير الحافظين
وانصرنا على اعدائنا
اللهم يا ناصر المظلومين
عبير عبد القوى الأعلامى نائب المدير الفني
عدد الرسائل : 9451بلد الإقامة : مصراحترام القوانين : العمل : الحالة : نقاط : 17866ترشيحات : 33الأوســــــــــمة :
موضوع: رد: ديوان ثوار 25 يناير بقلم شعراء المنتدى 11/2/2011, 00:03
فجر جديد
سجل يا تاريخ ...اشهد يازمان
على مصرى اصيل راح الميدان
قام بثورة ضد الطغيان
يهتف بالحرية...ويسقط السجان
لحد هنا... قال كفاية
خلصت خلاص الحكاية
حكاية شعب نسج من خوفه رواية
عاش فيها ذليل...والنهاردة
بيكتب باديه النهاية
وبداية عهد جديد
فيه الايد ف الايد
والقلب من حديد
عينه على بكرة اللى جاى اكيد
على شمس جديدة... صافى نورها
تسعد بيها بلدنا...واللى يزورها
يتمنى يعيش فيها...وابدا ما يغادرها
تعيش بلادى ...مصر تعيش
اللى يخربها ...فيها ما يعيش
يلا يا شعب وانت يا جيش
احموا بلدنا من السرقة والتهبيش
دى ام الدنيا...مثيلها مافيش
عبير عبد القوى الأعلامى نائب المدير الفني
عدد الرسائل : 9451بلد الإقامة : مصراحترام القوانين : العمل : الحالة : نقاط : 17866ترشيحات : 33الأوســــــــــمة :
موضوع: رد: ديوان ثوار 25 يناير بقلم شعراء المنتدى 13/2/2011, 17:09
الشاعر المصرى / محمد ربيع
" غية حمام "
مين اللى أيد
واللى مين كان المعارض
مين اللى خلى البومه تنعى
جوه أسراب البلابل
و اللى فات الدمعة تنزل
صرخة طلعة م الحناجر
الحمام غضبان ف سربه
قول لى مين بالغدر هشه
لما ضاق الحال ف وشه
لم طرفه وراح مهاجر
العقول ف الضلمة تاهت
لما حلق الحلم جف
البطون الخاوية صرخت
لما صبح الخوف بكرش
ع الرصيف وقفت تنادى
فاتحة عينها ع الميدان
وردة صابحة ف غصن نادى
بردقوش على فيض ريحان
كلنا ف الأصل واحد
مخلوقين من ماء مهين
ليه نكون ابيض واسود
كلنا ف الأصل طين
عبير عبد القوى الأعلامى نائب المدير الفني
عدد الرسائل : 9451بلد الإقامة : مصراحترام القوانين : العمل : الحالة : نقاط : 17866ترشيحات : 33الأوســــــــــمة :
موضوع: رد: ديوان ثوار 25 يناير بقلم شعراء المنتدى 17/2/2011, 14:42
الشاعر الطبيب ابن سينا
من الكويت
أبيات أنشدها الشاعر فرحا وطربا لثورة مصر المباركة
ومصر فعلا صحت من غفوة
وهزوا شبابها عهد الصحوة
وراحت تهتف بكل قوة
ثورة ثورة ومصر حرة
مصر طول عمرها للثوار
أرض العزة وأرض الفخار
منصورة دوم بدم ولادها
اللي شايلينها وبيحاربوا عشانها
ابن سينا.
عبير عبد القوى الأعلامى نائب المدير الفني
عدد الرسائل : 9451بلد الإقامة : مصراحترام القوانين : العمل : الحالة : نقاط : 17866ترشيحات : 33الأوســــــــــمة :
موضوع: رد: ديوان ثوار 25 يناير بقلم شعراء المنتدى 26/3/2011, 03:55
الشاعر المصرى / الأستاذ (اغلى من حياتى )
جمهورية مصر العربية حدوته مصرية يـوم فجـر الثـورة صحيت ذكـرت ربـى وصــــليـت حضنتـى أمى وبكيت سلمت عليها وجريت أخذونى صحابى من البيت وحملنا رايات الحرية حنـا ومحمـد وبهيـة ووصلنا نحو الميدان وقابلنا كل الخلان وهتفـنا بصيحة قوية يسقط أعـــــداء الحـــرية كــل ده وإحنـا مســالميــن والعســكر لنـــــا محيطيـن ماســــكين هـروات حديدية حـامـليـن يانـاس بنـدقيــــــة وطارت رصاصات مطاطية أعقـبها قنـابل غازية وفجـأة بدون مقدمات إتخنق محمد ومات وضـربوا طلقـات نـاريـة وسـقط حنــا وبهيــــة قلنــــا يا إخوانـا سلميــــة مدنـى وشرطى هما أخوان جن جنـونهم ورأونــى وطار رصـاصهم وصابـونى وحلفـوا يميـن ما يخلـونى وفـى وسط عينى ضربونى قتـلونى وسـط أخواتى وبأقـدامهم دهـسونى طاشت عرباتهم سحلـونى ما رحمـونى ما رحمـونى ........ كان نفســى أعيـش يابلــدى وأبنى ليـك قصــــــر وردى سامحينــى يا أمـى وأبــويا سامحينــى يا أختى وأخويا سامحينــى خطيبتى الغالية كان نفســى أعيـش وسطـكم لأنــى شـايـل همكم أم محمـد ما تبكيـش أم حنـا ما تـزعليش راح يمـوت فـرد وألـف يعـيش إفتـكرونى فى يوم النصر خلـو وصيتكم مصر أرفعوا دوماً رايتها ضحوا بأرواحكم لسلامتها قـولـوا معايـا يا إخوانى تحيا ..تحيا ..تحيا مصر
عدل سابقا من قبل عبير عبد القوى في 27/4/2011, 11:11 عدل 1 مرات
عبير عبد القوى الأعلامى نائب المدير الفني
عدد الرسائل : 9451بلد الإقامة : مصراحترام القوانين : العمل : الحالة : نقاط : 17866ترشيحات : 33الأوســــــــــمة :
موضوع: رد: ديوان ثوار 25 يناير بقلم شعراء المنتدى 8/4/2011, 15:06
الشاعر: محمد عبد القوى حسن
جمهورية مصر العربية
اغنيات من يناير التحرير
وادى مصر طالعه فى يوم عيدها
وفى مواعيدها
بتغنى ويغنى وليدها
غنوة شجعان
&&&
مسلم مسيحى يقول مصرى
ثورة نصرى
مسجد كنيسه على الناصيه
وجرس واذان
&&&
وجه يناير بالثوره
سلم محاوره
وشورى مشاورة
ثورة شبان
&&&
القوه فيهم والوحده
الشعب والجيش ايد واحده
والسلم فيها يعليها
فوق البلدان
&&&
قلناها ثورة سلميه
مش همجيه
يرحل زعيم الحراميه
ومالهش مكان
&&&
قلناها كلمه وحميناها
خضناها ثوره وعشناها
من غير مناوره رسمناها
من قلب ميدان
&&&
تلاتين سنه يخرب بيته
الشعب كان دايما زيته
عضمه ولحمه وحريته
تحت القضبان
&&&
تلاتين سنه يدمر فيها
ويزل ناسها يوطيها
ياكل فى قوتها ويرميها
ف نار الغليان
&&&
تلاتين سنه كاتم صوتنا
واكل قوتنا
والعار كاسينا مخلينا
جثة همدان
&&&
عمل له شلة حراميه
وحزب فاسد شلليه
م المليارات الدولاريه
عبى المصران
&&&
ف بنوك سويسرا وبلجيكا
وف اميركا
سافرت فلوسنا وماتجيكا
يامصرى ياغلبان
&&&
تلاتين سنه اهم سماتها
تزوير وبلطجه فى حاراتها
ولا حد يسمع لصواتها
والكل مهان
&&&
تلاتين سنه الشرطه تدمر
تخرب وتضرب ماتعمر
لضلوعنا ع النار بتقمر
جوه الزنزان
&&&
وكان حاميها حراميها
وواخدها بايدها موديها
بين فتنه وهلاك يرميها
بين اعتى نيران
&&&
وخطت الثوره خطاها
سبحانه ربك علاها
والمولى سبحانه حماها
ويحيا الانسان
&&&
ترجع لمصرنا كرامتها
وامنها مع وحدتها
وتعود اليها عروبتها
بالمجد تتعدل اوزان
&&&
العدل هايكون نبراسها
والوحده هاتكون فوق راسها
حب الوطن هوه اساسها
اما الفساد مالهش مكان
عدل سابقا من قبل عبير عبد القوى في 27/4/2011, 11:12 عدل 1 مرات
عبير عبد القوى الأعلامى نائب المدير الفني
عدد الرسائل : 9451بلد الإقامة : مصراحترام القوانين : العمل : الحالة : نقاط : 17866ترشيحات : 33الأوســــــــــمة :
موضوع: رد: ديوان ثوار 25 يناير بقلم شعراء المنتدى 23/4/2011, 22:32
الشاعر ابن سينا
الكويت
مصر25يناير
قوم أقعد خليك صاحي دنته خرجت اليوم فدائي وفي ميدان التحرير غنيت بأعلي صوتك للحرية ومجد بلادي أوعا ترجع عن قراراتك أوعا تغير أتجاهاتك أنت قررت التغيير للأحسن وده لابد يصير ونيلك يرجع صافي زلال وميته نظيفة وده كان محال وحققوه شبان الثورة وفدائيين صاحوا من ميدان التحرير أحنا عايزين التغيير مصر ده طول عمرها ولاده لأبطال وعظما وأرواح تأبا الفسادا ودومها حصن للمسلمين وياما كسرت مغول وصليبين وعند بوابها ذلتهم وقتلتهم ورجعوا بخيبتهم مهزومييييييييييين وعمر ماحد فرض شروطه الزاي وعندها شعوب بيضحوا ويموتوا وبترضع أولادها دوم صوت الحق والحرية وتضحي عشان الحق صوته يبان وصوته يعلا مصر دي أمة عظيمة خليك صاحي لحد يخونها ويحاول يعكر نيلها لو غفلت يوم وماحميتها أو يوم بقلبك ماخبيتها يبقا إيه فايدة صمودك ويبقا إيه فايدة خروجك خليك دوم الأبن البار ولاتفكر في يوم وتحتار مصر دي هي أم الدنيا يبقا ولادها لازم تصونها وترعاها وتداريها ومتخليش الفتنة تأكلها والكل لازم يبقا يد واحدة ممدودة لكل طوايفها عشان بنيانها يكبر ويكبر ونعيش فيها نهنا ونكبر وولادنا دوم يبقوا معانا أحرار دوم ويصونوها معانا هي الدنيا أيه غير أوطانا نحن عليها ونفديها بأرواحنا وأولادنا وعمرنا مانخونها ونبيعها ويفخر لما يلقا ولاده بتهتف لمصر وتنادي مصر أمي مصر بلادي ياكرامتنا اللي أمتزجت بسمرتنا ولونا الشرقي ومبادئنا وعمرنا مايوم أنسلمها لأعدائنا واللي بيخونوا بلدنا مصر حرة مصر أبيه بتجري بدمنا في أحلي كلمة ولها طعم جميل ماشفتش زيه في الدنيا ولا عمري حأقابله ومهما العيشة ضاقت فيها تبقا حنونة وبتظلل علينا ونفديها بأرواحنا وعنينا عندي هي أمي الحبيبة لو سافرت أو هاجرت بتبكي علي وتفضل هي دوم في الخاطر حاملها معايا ماطرح ماأسافر وفي قلبي صورتها وهي روحي اللي بتنفس هواها مع همومي يامحلا العيشة فيها مصر المحروسة الكل بيحبها وشاريها وثورة يناير كحلت لمصر عينيها وزفتها أحلي عروسة في عرس وطني وديمقراطية معازيمه عمال وفلاحة وطبقة وسطي وطبقة مرتاحة وطبقة ثرية بس أبية وعمرها ماكانت من الحرامية وكلها متوحدة وقوية شايلة في قلوبها وحدة وطنية لابتحيد ولابتتنازل عن الحق وعن الحرية وتعيش مصر طول عمريها عربية وحرة وأبية
ابن سينا.
عدل سابقا من قبل عبير عبد القوى في 27/4/2011, 11:15 عدل 1 مرات
موضوع: ديوان ثوار 25 يناير بقلم شعراء المنتدى 
7/2/2011, 03:17
