مساواه

مساواه

***
شربتى يا ستى الشيشة

وقعدتى على القهوة

وأخدتى نص حشيشة

ورحتى على سهوة

***
هى دى المساواة

***
ولبستى ياختى شورت

ولعبتى كورة قدم

ووقعتى على الأرض

وداس عليكى القدم

ولعبتى برضه مصارعه

وضربوكى بالرجلين

وعدوا عليكى تلاتة

علشان تثبيت كتفين

***
هيه دى المساواه

***
وكمان لعبتى ملاكمة

وأخدتى بوكس ف وشك

ووقعتى كمان من طولك

عندك وغرورك غشك

ولعبتى كمان كاراتيه

وضربتى تحت حزام

وعرفتى كمان الكاتا

وعيشتى فى الأوهام

***
هيه دى المساواة

***
يا بنتى أهنتى جسمك

ودفنتى حياتك وجمالك

ما فضلش منك غير اسمك

أنا مكسوف من أفعالك

***
محمد لطفى أحمد

الأخ الشاعر محمد لطفي -
جميل ماخطه قلمك من السهل الممتنع,تقبل تحيتي وإعجابي.

أخوك - ابن سينا.