أنانى
*****
أنانى فى حبى ما حبش شريك
واحب أشوفها ديماً شيك
أستنى تبدأ هيه الأول
وتقول بحبك وروحى فيك
وبعد البداية أحب بجنون
ورغم غيرتى ما حبش ظنون
واخلص ليها وما عرفش اخون
واكون للحبيبة زى الفريك
أصون هوايا واحافظ عليه
واشيله ف عنيه وما حبش عليه
وسر حبى ما أبوحش بيه
ولو حتى لأقرب صديق
ما سيبشى فى حبى لحظة تعدى
وثانية معاها بشهر عندى
ويفضل هواها لية لوحدى
واكمل معاها لآخر الطريق
*********
محمد لطفى أحمد
عضو رابطة الزجالين وكتاب الأغانى
عضو نادى الأدب بقصر ثقافة الفيوم
موضوع: أنانى 
31/10/2010, 01:28
