هوّ الدرة محمد مات !!

أنا كنت مرة مع اولادى

بنقلّب فـ حروف الماضى

ونفتح بعض الصفحات

وبـ نسألْ عن معنى حاجات

سألونى سؤال ببساطة

هوّ الدرة محمد مات ؟

قبل مـ أجاوب بالكلمات

نزلت دموعى تقول حكايات

جاوبت دموعى عليهم .... لأ

الدرة ساكن فى النبضات

الدرة واحد مـ اللى صورهم

عايشة تنور فى الصفحات

الدرة طفل وأسمه هـ يفضَلْ

قيمة ورمز لكل ثبات

الدرة عايش جوه قلوبنا

حق وساكن فى النبضات
___________
شعر : إبراهيم خليل إبراهيم .

أستاذنا ابراهيم قصيدة رائعة شكرا لك وفى انتظار المزيد

شكرا لك

شعر جميل ومؤثر يدل على مدى معايشة الشاعر للأحداث الجارية بكل وجدانه
شكرا ياأستاذ ابراهيم

أخى المبدع
خالص الشكر

أخى الكريم
سعدت بتواجدك