خايف اصحى

يعني بالليل شوية كده
قبل الفجر
حسب الظروف كده
بعد العصر

خايف يوم أصحي..
وأفتح الشباك..
مالاقيش مصر


ألاقيها لمت هدومها ومشيت
لمت هدومها
علي نيلها
علي هرمها
وطفشت
وحلفت ميت يمين ماهي قاعدلنا
ماهي زهقت..
تعبت..
إتخنقت
أصلنا زودناها..
أكننا استعمرناها..
ورثناها


مصر البنوتة الحلوة
اللي زي القمر
بقت عجوزة وشايبة
وبان عليها الكبر


خايف يوم أصحي..
وأفتح الشباك..
مالاقيش مصر

الأخ محمود خيري -
من كتر مانحب وطنا بنخاف عليه وقصيدتك تعبر عن مدي حبك لمصر وخوفك عليها,تقبل مروري وتحيتي.
أخوك - ابن سينا.

إيه يابشمندس الأبداع ده كله ؟
ومتخافش على مصر لأن اسمها من زمان مصر المحروسة