انا اسف

انا اسف يا شهيد
مقدرتش اجيب حقك
ورجعت من تانى عبيد
وانا اسف يا ام الشهيد
ابنك ضحى علشانى
ومات

والفقر والذل والاهانه
ع كتافى حدها زاد
فانا اسف لكل شئ
واسف ع كل شئ
ونادم انى اخترت طريق
مسدوده من الاول
عيشت فيها متسول
يدوب بطول رغيف عيش

انا اسف لكل انسان
ضحى علشان انا اعيش
قال اموت انا
بس اخويه ميشتكيش
انا اسف بجد
بس ايه العمل
معتش عارف انا
ف السبت والا الحد
اصل عطشى زاد
وانا مش جمل

والحمل بقى تقيل
والحال بقى ع الكد
ملعون اى جيل
ف اموره مش بيسد

انا اسف لكل البشر
ع ال صدر منى
كانت امور الغجر
وكان غصب عنى
حعمل ايه تانى
بس انا فاضى
ومش فالح ف حاجه
غير انى ارقص واغنى

انا اسف وعازركم
لو بعتو عنى
فانا اسف
لكن حبقى اسف ع ايه
وال ايه وال ايه
وانا عارف انه اسفى
حيفيد بايه
وانا مقدمتش وال اخرتش
والموضوع كان بايدى
وانا ال مخترتش
فانا اسف
الشاعر
محمد على

سنقتص للشهداء أخي محمد طال الزمان

أو قصر وستنتصر ثورة يناير علي الثورة المضادة

ودي وتقديري

ان شاء الله اخى
تحياتى لك
_________________
رحماك ربى رحمـــاك
ستشهد ارضك وسماك
ساهجر وطنى الى الابد
ساهجره لرضــــــــاك
ساهجره لرضــــــــاك