اسئله عبيطه بنتسألها كل يوم !!!!

في [url=http://www.rb-rb.com/vb/t28333.html]اسئله [/url]بديهيه مالهاش اي لازمه في الدنيا
بنتعرض ليها كل يوم من كل الناس

ونتعرض للشلل منهم بسبب الاسئله دي

خلونا نشوف أمثلة

أنت في أوضتك .. على السرير وطافي النور ومتغطي .....
يجي أخوك الظريف ويفتح الباب عليك ويقول : ايه ياده انت هتنام ولا ايه ؟
(( أظن ده مش وضع الرقص !!! واضح ان انا هنام))

*******************

أنتم معزومين عند ناس ورحتو لبيتهم وأول ما فتحولكوا الباب يقول ابنهم الصغير " انتوا جيتواااااااااااااااا

(( لا لسه ))

********************

والعكس
: أنت لابس هدومك و متأنتك و على سنجه عشره وريحة البارفان واصله لاخر
الشارع .. وخلاص بتفتح باب الشقه,, يجي حد من أهلك وينادي بصوت عالي : انت
خااااارج ولا اييييييييييه

(( !!! لاء دانا لسه راجع ))

*********************

أو مثلا راكب العربيه ودورتها وخلاص هتطلع ... يجيلك لك البواب ويخبطلك على الزجاج,, أنت بكل ذوق تفتح الزجاج وتقوله : خير في حاجه؟
يقولك : انت رايح الشغل يابيه ؟

(( لا العربيه واحشاني ))

******************

مثلا ماسك سماعه التلفون وقاعد تضغط الارقام يجي حد من أهلك ويقولك : انت هتتكلم في التليفون ؟

(( لا أبتفرج عليه ,, أكيد بتكلم ))

******************

مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك :هاه قاعد تذاكر ؟
(( تقوم رامي الكتاب و تقوله لااااااااء ))

*****************

ربنا هاديك كده ... ماسك سبحه و عمال تسبح ، يجي حد من البيت يعدي عليك ويقول :هوه انت بتسبح
(( لاء هفرطها و أسلقها ))

» قطه عبيطه
» أغبي 8 اسئله في العالم
» اسئله تخلي الواحد يتشل