مختارات من أشعار الشاعر سعيد أحمد

الشاعر سعيد أحمد

مصر الجنسية من شعراء العامية

شروع ف القتل

كان لازم تبدأتتحاسب...
بالتعريفة وبالمليم
وتخاطر بالشبشب أو بالجزمة اللى انتا لابسها
وتأجر من عجلاتى الحارة بنص جنيه
وتلف نواحى العالم
وتخش السنيما وتتفرج على نأاسف للأزعاج
بعد ما تحلم بعلاء الدين وفانوسه السحرى..
وحدوتة قبل النوم
فتغير تسريحة شعرك..
وترستأ نفسك على كرسى الحظ
وتخش النادى وتلعب بنج
بس منين؟؟؟؟؟؟؟؟؟؟
هتجيب الكارت اللى هتدخل به النادى.....
ولا السنيما
ولا منين؟؟؟؟؟؟؟
هتجيب الصحة اللى هتقدر تمسك مضرب....
وتخش اللعبة وتلعب ...بعد ما ضاعت ف التفكير

اسمك وبس

لملم ملامحك م الرصيف
ولم جواك النفس
شمس المعالم...........
مش بعيد هتغيب قريب
تلقاك ف نفسك حد تانى
بيناديلك.....
نفس اسمك..
تفتكر

يومها الشجر هينبت
او تبقى فيك ريحة الورود
او تلقى بنط الحظ خانك
تنسى فيك كل الملامح..
تفترق
دمعة وشمس
خطوة وطريق
اسمك وبس...
هيبقى وحده بس باقى ع الورق
ف الطمى ف النيل ...يحضنك
ملمح ابوك
يحضن ..........تغيييييب
تحلم.............مفيييييش
منتاش انا
ولا نيش هنا......انتا
ولااحنا سوا
نفس الملامح.....
طين وصلصال الحياة بيتقسم
وتدوب ملامح شمس كانت ف القلوب
تحكى مسيرة الف عام
تطرح قلوبنا الموت بدارى
والدموع
تسكن ف قلبين الولد والبنت
عدت سنين ياما كتير....
واحنا يدوب..
ع الارض ع البتارين صور
دمعة ...بتسقط م القمر
صورة بدون قصد
استباحت بالبراءة تلبسك
كانت سنين
لكن لفين
رايحة الملامح فين
ماشية وسيبانا ف غربة نبتعد
وبدون ملامح نفترق
دمعة وشمس
خطوة وطريق

اسرار وقلوب

فاكرانى لسة بعشقك
زى الصور...
وكتابة قلبى ف الكتب
فاكرانى راجع م السفر
بعد الغياااااااااااااب....
بتمنى اشوفك واحضنك
والمس اديكى وانتظر
أول سؤال
لما الادان........
يبدأ يشقشق بالحضور
والفجر يرسم بالقلم
ع الخد خضرة او زهور
والصبح يفتح ليك بيبانه
ابقى قولى
فين الجواب
او حتى فيه عندك سؤال
ومتزعليش........
م الصبح لما يندهك
ويقل لقلبك
كان زماااااااااااااان
ف القلب حبك كان زمان
ومتفرحيش لو تعرفى
ان قلبى لسة بيعشقك

ما بحبش شرب الشاى

كل كلامك مش اشكال

كل دموعك ولا فارقة

اعزف وانزف واحرق دمك

أصلك فصلك مرمى على التربيزه.....

وكل حياتك......

على مرمى الشوف قدامك

برا الجون أهدافك

بهديك الوردة....

بتسقط من ايدك...

وتاخدها الايد التانيه

تسلمها لحضن طريق

تتشكل احلامك ف منامك

كا كابوس وكابوس

اد الدوس والهم

تروس الدنيا تدور كل خبايا الجنة الحلوة...

ف دورانها.....

يموت الشوق والوصل

يتوه الخط الابيض ف الضلمة

وتضل الشمس طريق النور

يطلع قلبك برا الحضن

يحضن خوف

أو خوف القلب من الضمة

ليتشد يتووووووووووووه

ما انا من خبتى بساير نفسى

واقول الدنيا دى لوحة ف قلب فزار

بس المعبد كان مقفول

وعروسة النيل الاولى

عزمتنى على الشاى

حلفتلى المرة الجاية

لتجيب بسبورى لعالم تانى

وانا من خبتى قبلت الشاى

مع انى منيش طايق ريحته

أصعب قرار

كان نفسى ادخل

وبرجلى اغامر جوا قلبه

واخشه تانى بدون تردد

مع ان قلبى لسة خايف

قررت اواجهه

يمكن الاقى حاجة منه

تجبر بخاطرى

من غير ما حزن يكون شايفنى

فرحة ترم العضم يااااااااااااه

كان لسة فاكر

قعدة زمايله والصحاب

ريحة وفائه ف المكان

جمعانا تانى

مبأتش عارف...........

ليه كل خطوة بألف ميل

ليه بحر سايل م الدموع

بقا دمعة واحدة

ترسى ف حضن الذكريات

انبش بايدك جوا كلمة كان ياريت

هتلاقى نفسك حتة منه

دمعة وسقطت م السحاب

متعبش ليه النجم ف ضلوعه الامل

واللى افتكر

اهو جاب هدية والسلام

الضحكة مكسورة

والحزن كاتب مرتين

مكتوب علينا نترمى ف اخر السطور

ونخش دنيا

مقفولة من باب الدخول

العيشة ااااااااااه

والفرح حزن

والدمعة شابطة ف دبلتين الحب

اجرح بايدك قلبى تانى

متألش حر

اصعب قرار..........

يوم ما قلت انك حبيبى

الرحيل .... ؟

صدقوني ماتعرفوش
ريحة الغلابا ف الكفوف
طعم المرار اللي الحلوق مليانة بيه
وخطاوى حلمك تبتدى..
عمر الغياب....
قديم فيك الوجع
وقديمة كلمة مستحيل
لو تبني فيها كون بحاله هيتهدم
لساك مصدق لون حبايبك...
لون خضار ورق الشجر
ان الطريق
يقدر يوصل للأمل
مش حفره من ضمن الحفر
ان البراءة والمشاعر والقلوب
مش ناوية ترحل
وانت فيها غريب بجد
عزيز عليك تسرح عيونك ف الفرح
وتشوف ف نفسك أي ماضي تكمله
دنياك لوحدك
دنيا ماشية بغير شراع
ريح تحف ف جمبها
والتانية فيك تقتل أماني الإنتظار

الشهيدة
************
برويكي من دمي
وأكتب علي باب الحياة
مستني أشوفك لو ليوم
لو نظرة واحدة
كل عمري بفتدي به
وألتقيكي .....
تسيبي فيا كل حلم حلمت بيه
وأدوب ف قلبك زي طير
عشه ف حضنك
راسمه فيه
نيل المشاعر والقلوب الطيبين
تفتكري ليه
إيه ف الجناين يشبهك
ولا المعاني والصور
بتساوي جمبك معني إيه؟
أو ورد إيه يشبه خدودك أو قمر؟
بيبان عليكي كل يوم
قلبي وروحي وكل خطوة علي الطريق
شبه القمر
ولا القمر نفسه بيشبهلك؟
موصوفه دايما بالورود
ولا الورود
موصوفة دايما باللي فيكي
خطوتينك للأمل
مع دمعتين جوه الضلوع
من يوم ما كنتي ف المراكب
كنت يومها بودعك.......
ف البحر

» مختارات من أشعار الشاعر عصام المصرى
» مختارات من أشعار الشاعرة وفاء صابر
» مختارات من أشعار .. الصحفية سلوى فتحى
» صدور مختارات من أشعار جلال الدين الرومى
» مختارات من شعر الشاعر عبدالله الجعيدى