ديوان الشاعر محمد عبد القوى حسن

من ابداعته للاطفال

انا عندى ارنبه
انـا عـندى iiارنـبه
جـمـيله iiمـؤدبـه
اديـلـها iiبـرسمايا
تـطلع تجرى iiورايا
وتـقولى نفسى iiاكل
يـاعمروا iiجـزرايا
اوصـى مـاما iiوبابا
فـبسرعه يـشتروا
طلب ارنوبتى فافرح
ومـعـاها iiانـبسط
وبسرعه بسرعه جدا
كـبرت بعد iiماشبعت
وقـالـت iiمـتشكره
انـا عـندى iiارنـبه
جـمـيله iiمـؤدبـه
انـا عـندى iiارنـبه
***

انا اسمى هدير
انـا اسمى iiهدير
حـلوه iiزغنططه
زى iiالـعصافير
غـاويه iiتنططه
اصحا من iiالفجر
واصـحى iiالطير
واقـول iiلـلبدر
صـباح iiالـخير
اسـمع iiقـران
زايـن iiالـبلدان
مع ابويا iiاصلى
واخويا iiرمضان
***
الـلبس iiمـريله
حـلوه iiمـعطره
واجمع iiكراستى
مـع iiالـمسطره
غـاويه iiالترتيب
هـاويه iiالتهذيب
لـو مره iiغلطت
اقـول iiمـعذره
ولـو انت قبلت
انــا مـتشكره
وف دربى iiافوت
رايحه iiالمدرسه
دوغرى ومظبوط
كـدا iiمـتحمسه
انـا بنتى iiهدير
حـلوه iiكـويسه
***

وهان عليك حبى
------------------
وهان عليك قلبى
نسيت خلاص حبى
نسيت ايامنا ليالينا
نسيت احلامنا حكاوينا
نسيت القعده ع المينا
نسيت الشوق واحلامنا
نسيت والقلب صار قاسى
نسيت عقلك صبح ناسى
نسيت وهواك قلبى
نسيت ورضاك حبى
نسيت يوم كانت الفرحه بتحضنا
غناك ع الشط يفتح لى
طريق للنور
وحوالينا الشجر والخضره
حوالينا العيون الساحره
حوالينا بنات الحور
حوالينا العطور وبخور
خلاص هانت خطاوينا
نسيت الشعر والاشعار
نسيت النغمه والموال
وكام كلمه ناقشهالك
على كفوفى المحنيه
وقمرة حبنا الاولى
فى سمواتنا ملاليه
نسيت بدرى
وطيف نجمى
وسمايا
نسيت حبى
وغناوى الفجر ورضايا
نسيت النسمه
نسيت البسمه
مع الرسمه
مع التوهه
مع التوهان
نسيت التوهه
ويا الدهشه والروقان
نسيتنى خلاص
انا مش ناسى ايامك
ماعدش احساس
انا مش ناسى احلامك ل
ا ايامك
ولا احلامك
ولا اشعارك
ولا اللهجه
ولا البهجه
ولا المنجه
ولا النغمات ولا البسمات
ولا النسمات ولامسيات
راح انساها
خلاص انسى خلاص اقسى
لكن طول عمرى ماهانساك
وحاستناك
تعالى نغنى للاشعار
تعالى نغنى للازهار
تعالى ونحضن البسمه
على كفوف الهوى والطير
تعالى نقول
لبسمة فجرنا الضاحك
صباح الخير
ياعينى يالليل
تعالى
فى تباشير الفجر
بدرى
تعالى
فى نسيم العمر
ياعمرى
تعالى
فى سما روحـــى
حاجزلك
مطرحين واسعين
تعالى نغنى للعاشقين
تعالى نعود تانى حبيبين
واللحنلك مواويلك
بدر ليلك ضيا عينك واغنيلك
قصايدى وانت تسمعنى
واسمع شعرك النابض
كلام معناه يدمعنى
لسه بعد داكله
عنك قلب يقسى
لسه بعد داكله
عندك قلب ينسي
انا عارفك .. انا فاهمك
عشان ذلك انا اترجاك
على زكراك
حاعيش العمر هاستناك
واتمناك
تجينى فى نفس مرسانا
وتلقانا بنستناك
ونتمنى فى يوم رؤياك
ونتمنى تعود لهواك
اكيد راجع اكيد
راجع وبكره بالامل
نلقاك نلقاك
وماننساك

**************

وتبكى وقلبى يتقطع

================

وتبكى وقلبى يتقطع
بدم الدم صار يدمع
ومش بايدى ومش ذنبى
حاجات مش قادر اوصفها
حاجات جوايا مدفونه
ويمكن نظرتى تفسر
وعهد الله انا بحبك
ولا اقدر على فراقك
ولا قلبى لغيرك لان
وعشت العمر فى الاحزان وبتعذب
ياريت ترحمنى احزانك
وقلبى فى عمره ماخانك
ونفسى فى ضمتك ضمه
بطول العمر انا اشيلك
فى احضانى
فداكى الروح اهى خديها
ياريت كنت اقدر اديها
ياريت الغاليه تعذرنى
انا فاهمك .. انا حاسك
ياريت انا اكون فى وجدانك
واعيش العمر علشانك
ودمعك قال
كلام ما اتقال
ودمعك اكد انى انتى
صحيح ياغاليه عاشقانى
وانا عاشقك .. انا صاينك
عيونك اه على عيونك تدوبنى
تعذبنى وتكتبنى فى روح الروح
وابات مجروح على جروحك
لمين انا ابوح لغير دمعك
وانتى فى منام الليل انا سامعك
وحاسس لوعتك حاسك
لكن اشياء بتبعدنى
تخوفنى وترعبنى
واكتر من احاسيسك انا دايب
ولا عن نظرتك غايب
عشان انتى فى تكوينى
اسافر وانتى فى حنينى
والف الدنيا وارجعلك
بشوف كل البنات فيكى
بشوق الشوق الاقيكى
ينام الطير فى اعشاشه وانا سهران
انا اجيكى
ينام الليل على فراشه وانا حيران اناديكى
على فراش الحنين سهران وبتقلب
وعارف انه مش زنبك
وادعى ويستجيب ربك
بانى اكون فدى لعيون بتدمعنى
فدى لنظرات تلوعنى
ويوم مانظرتك تضحك
اكون طاير من الفرحه
اكون اسعد حبيب فى الكون
ونفسى اكون سكن ليكى
بشعر ونبضى ارقيكى
واكتبلك بدمى كلام
يحققلك جميع لحلام
ياغاليه الدنيا ببحورها
وببخورها وبقصورها
بجناينها .. باغانيها .. بامانيها
بعشاقها بمحبينها
ماتسوى دمعه من عينك
فارجوكى وبترجى واترجاكى ماتبكى
بكاكى قال كلام ما اتقال
بكاكى حرقنى مزعنى
ودم القلب نازف سال
ومش قادر الدمع فى كفوفى
ولا انا قادر انا اوصفلك
واحلفلك
على كل الكتب والدين
مافيه فى القلب غير حبك
وانا مسافر بوجدانى وعهد الله انا بحبك
وانا دايب مع حنانى مافيه فى القلب
غير حبك
وقلبى يشيل كتير احمال وبيحبك
ولو حبك يفارقنى اموت واموت
فدى حبك
بحبك كلمه ماتتقال
بحبك قلبى ميل مال
بحبك فى جميع لحوال
انا بحبك انا بحبك انا بحبك
بحبك كلمه مش عادى
ولا لغيرك انا انادى
ياجاهى ومالى وبلادى
نشيدى وفرحتى وعيدى
ومش بايدى انى انا احبك
اقولها كيف واوصلها
وكيف بالنبض حسيها
وتوصلك .. اكيد والله توصلك
بطول العمر اندهلك
وتوصلك
وانتى فى حضنى بشتقلك
وتوصلك
انا فرحك وانا كرحك وانا جرحك
هاتوصلك
جرحتينى بدمع جراحك الصادقه
وحسيتم ونفسى بجرحى اداويكى
ونفسى بدمى ارويكى
بكل النبض كل الحب كل الحس
كل الصدق اهديكى
حياتى وعمرى واحلامى
الامى وفرحى وايامى
اموت وتعيشى واحبك
بكل احايسى انا بحبك
انا بحبك انا بحبك انا بحبك
ومحتاجلك وبحتاجلك وهاحتجلك
بطول العمر انا جنبك
حاسس نبضك فى جوايا
انا كاتبك .. انا عاشقك
اموت وارحل عن الدنيا
وما اشاهدك فى يوم تبكى
فماتبكيش
اذا كان فرحى بيهمك
تعالى نودع الاحزان
بضمة حب فيها حنان
وننسى كل افعال السنين والناس
فى ضمتنا
وترجع تانى ضحكتنا
وترجع تانى فرحتنا
ويرجع حبنا الانسان
دعا كروان
يصحى الطير
يناجى النيل
ينام الليل على جبينى
ينام البدر فى حنينى
ياقمرة صبحنا الضاحك
انا بحبك
تعيشى العمر لافراحك
وانا جنبك
اداوى بحبى اوجاعك
واكتبلك
كلامى وشعرى وغرامى
الامى وجرحى واحلامى
حياتى ومنيتى سلامى
كتابى وشعرى وعلامى
انا بحبك انا بحبك انا بحبك

هل فاكره السنين السمر

هل فاكره السنين السمر
او فاكره الشطوط الخضر
او فاكر النخيل والجنه
او فاكره ليالى الحنه
او فاكره القلوب البيضه
والعيشه الجميله سعيده
او فاكره لقانا صغار
يوم كنا فى ربيع لعمار
والضحكه كانت تجمعنا
فاكرانى نستينى انا فاكرك
نسيانى وانا اللى بذاكرك
ذاكرانى فى بعادك ذاكرك
تلقانى الاقيكى منين
وطريقك حبيبتى لفين
عنابك دبل على بابك
واحبابك بقوش احبابك
غير بس الحنين دوبنى
واشواقى اللى بتعذبنى
نفس ارجع لسحر عنيكى
وف وسط الطريق الاقيكى
واناديكى تجينى واجيلك
واهدى للعطر منديلك
واتهجى البدر .. ارويكى
من نهر الحنان وارقيكى
وافتحلك دروبى طريقى
على وتر الهوى اغنيلك
واحفظ للنسيم مواويلك
لسفاين الشطوط ارسيلك
مناديلى الهوى لعبيرك
فاكرانى نسيت ايامك
والا اقدر على احلامك
انا لاخر سنينى بحبك
وفارشلك ورودى فى دربك
بس انتى تجينى تلاقى
ببدرلك حنينى الباقى
تطلع للنسيم اشواقى
يحضنها الربيع الزين
وانا اغنى ياليلى ياعين
وانت تمنحينى احاسيسك
واحضن فرحتى ببدورها
يدخلها الامل ويزورها
على عتبة قليبك واقف
ولنغمة عنيكى انا شايف
وراجعلك اقولك تانى
هل فاكره السنين السمر
ام فاكره الشطوط الخضر
او فاكره النخيل والجنه
او فاكره ليالى الحنه
فاكرانى نسيت انا فاكر
والضحكه كانت تجمعنا
والفرحه تشيل مواجعنا
والكون اللى كان بيسعنا
يفتحلك دراعه يجيلك
وتعودى لسحر موعودى
للقدر اللى عاش يسهرلك
والقلب اللى عمره باقيلك
والسهره مع مواويلك
وتعودى لحضن الغالى
وتدوقى نعيم موالى
اسعدبك جميع احوالى
والسعد تلاقيه سعدين
والشهد اللى بات محفوظلك
والوعد اللى بات مكتوبلك
لجبين الليالى بيشهد
وعنيكى اللى فضلت توعد
وعنيا اللى حلمانين
بالقعده فى شطوط الفرحه
والفرحه فى ضل الطرحه
والطرحه لشجر النسمه
والنسمه اللى سهرت باسمه
والبسمه الرقيقه الحلوه
الفاتحه ببان الغنوه
واللحن اللى من اللحانى
والنظره تبات سحرانى
وتعودى لفرحة قلبى
وافرشلك ورودى فى دربى
وادعيلك يحقق ربى
دعواتى وتصبحى ليا
سحرانى فى سهر لياليا
عاجبانى وماليه عنيا
للخضره وجمال الميه
والوجه الحسن بين ايديا
افتحلك ببان الجنه
ونعيش العمر نتهنا
ولا نصبر ولا نستنا
وتعودى

طالت ليالى الظلم

طالت ليالى الظلم
واحنا الجانيين
احنا اللى ضيعنا المبادىء والقيم
بعنا الشرف والدين
شبت نيران الدنيا حرقت كل شىء
اخضر مع يابس قضت
مع مخلصين
طالت ليالى الظلم واحنا الجانيينت
***
وانت المرابط يافتا
ع الجمر قابض والقضا
كان القدر ظالمين
تنده لمين .. وتقول يامين
غير وحده رب العالمين
وايه اللى باقى من الدفاتر
والجرايد والمجلات والكتب
ياموحدين
طالت ليالى الظلم واحنا الجانيين
***
والارض دى مش ارضنا

ولا عمره داكان عرضنا
دوس بالقدم .. من غير ندم
من غير خبر ولا حس موت
فى دمار ورجس وغطرسه
اللى جنا عليك ارتشا
اهو قام قسا عليك واحتسا
كاس مرتشين
طالت ليالى الظلم واحنا الجانيين
***
والارض ارض السافلين
اللى باعوها بعهرهم
واللى داسوها برجلهم
واللى ماعدشى يهمهم
حبة كلاب ومنافقين
طالت ليالى الظلم واحنا الجانيين
****
وانت الجواب فى الاغتراب
انت القرار والحق غاب
انت الفرار مالهوش ثواب
انت المدار اهو صار ضباب
والاحتكار له الف باب
والانشطار
والانفطار
تلاقيه منين
طالت ليالى الظلم واحنا الجانيين
***
تسأل يجيك الرد اكوام اسأله
تنده تموت تنصد من غير معضله
مالهم ومال الحق
بتقودهم مره
فياهلترى
وياهلترى
وياهلترى
نفضل نطاطى الروس
لحد المقصله
على يد مين حانبوس
ونرجع للورى
العرف عرف جاموس
والحق انبرى
ياموحدين
طالت ليالى الظلم
واحنا الجانيين
***
واللى طلع بيدوس
على عنقنا
بايدينا فوق الروس
نوليه امرنا
واللقمه حاف بتغوص
فى انهار مرنا
الحلم مش فى غموس
الحلم اننا
ناخد عبر ودروس
من زلنا
صاحب الضلال مرعوش
مش مننا
احنا فى عرفه ناموس
بخسف بنا
الارض تبقى نعوش
وتضمنا
خوف العميل لتحوش
ام الدنا
عنه الحصانه تبوش
ويخشنا
وف ثانيه يبقى مالوش
[size=12]شىء زيينا
ياموحدين:-
طالت ليالى الظلم
واحنا الجانيين
***
ماتطولش ليه وتطول
وتقعد وسطنا
طول ما العميل مسطول
وكاتم حسنا
طول مااللى كدبه ماليه
ولاغى صدقنا
هذا الذى بيقول
ماهوش مننا
فى الارض داطرطور
ماهوش من هنا
حارس هدف وميول
لغير عرفنا
ولايعرف المسطول
صاحب الانا
انى اللى به مبهور
وبه مغرور
فى يوم حايغور
ويركع لنا
ساعتها ياكله الغول
يضيع فى الفنا
ياموحدين
طالت ليالى الظلم
واحنا الجانيين
***
ضعنا ببلاش فى اساس
مالهش اساس
والحظ ليه ننكبه
مادام هزاز
والدنيا مين قالها
تصلبنا فى البرواز
دنيا ودا عرفها
لناس اوباش
دول يعبدوها سنين
***
طالت برضوا
ومش حاتطول
مهما انفاسنا تخش اقفاصنا
راح نطلقها ونطلع فوق
مهما حمول حاتدوس على روسنا
برضوا نشيلها نفك الطوق
لازم نرجع تانى لفوق
يصبح لينا اهداف وميول
***
ارض اجدادنا حانطهرها
برضوا ارجاسنا .. حاندمرها
مين كان حاشنا
ومين يأمرها
كل بنايه مش بايدينا
كل غمامه تحط علينا
كل ضلال كان عاش وسطينا
مش حايحقق تانى ميول
طالت برضوا ومش حاتطول
اما حياه بكرامه وعزه
ونصر ومجد بفخر وعزه
اما الموت الموت الموت
لجل مابرضوا العزه تعيش
غير الارض العرض مافيش
غيرهم تانى راح مااساويش
اصل انا غيرهم ليا مافيش
اى اهداف واحلام وميول
طالت برضوا ومش حاتطول
***
خلوا عزيمة القوه مدافع
عيش طول عمرك للراس رافع
واوعه فى يوم تصبح مش نافع
دافع .. مهما يطول الظلم
دافع .. لو كان صعب الحلم
دافع .. بكره حايصبح علم
دافع .. واوعه تدافع عن جانيين
دافع .. زى صلاح الدين
دافع زى عمر ومحمد
زى على وحمزه وعبدالله
زى ابو بكر وناس تانيين
خش طابور الفدائيين
دافع .. واسكن عليين
قول لنداء الحق امين
دافع يابن العزه القدره
جاى اساسا مش للهتره
دافع .. لجل الدين والستره
خلى القدس وبغداد تانى
يرجعوا لينا منتصريين
رجع امجاد بدر الفتح
والقادسيه اكتوبر خيبر
عيشوا بروح امجاد حطين
لازم ربك ينصر دينه
وايه راح تسوى
امريكا اوربا
بوش وبلير مع زفت الطين
مهما اتحدوا مع الشياطين
بكره الدم يصير براكين
راح نطعمهم
راح نسقيهم
من انهار قطران غسلين
طالت واحنا اكيد راجعين
طالت بالايمان قادرين
لازم نصبح متحدين
والله اكبر ع الطامعين
الله اكبر ع الجانيين
الله اكبر ع الخارجين
الله اكبر
الله اكبر
الله اكبر
اللهم ما انصرنا امين
اللهم ما انصرنا امين
اللهم ما انصرنا امكين

القصيــــده

صح النوع ياعرب
-------------

ولا عدش باقى من تاريخ القدس
غير حب الرمال
وبيوت قديمه مشرشخه
بتئن من فوق الجبال
هتك الرصاص عرض الحيطان
والمسجد الاقصى داسوه
اولاد كلاب
كفره ويهود
عدوان حقود
بيمرمغوا شال الطهاره فى التراب
والحق غاب .. الصدق غاب
الناس مابيحبوش ثواب
حراس على ابواب الحرم
بيصوبوا طلق الرصاص
على روس غلابه
مصليين الفرض
فى أمان الله
ولا بيهمهم
جند الضلال والفسق عمره
فى عرف هذا الشعب عمره
ما كان مهاب
عشرات مئات يستشهدوا
اطفال بنات يتقيدوا
كل العرب متأمركين
زى الصهاينه فى الوصال
نموت ازله مطحونين
ويعيش عميل الامريكان
ولا عاد زمان بيسيع رجال
ولا عاد رجال ليهم أمال
الكيل طفح .. طفح طفح
رخص الدما وع الارض سال
مابقاش محال على الصهاينه
يدوسونا وبكعب النعال
مابقاش محال
ولا فيش حنين .. طول السنين
سكن الانين فى طولكرم
طال الهرم
وف ديرياسين عقد انبرم
على بيع شرف
الظلم ليه ياخلق طال
القدس ليه متمرمره
ومجرجره
ومرمغينها كلاب ياخال
الصوره ليه متكرره
مشهد حزين فيه حنظله
شاده وراه ابن المره
والدبابات متجنزره
اطفال كتير متحيره
والدنيا راجعابهم ورى
ياهلترى
الست ديا الارمله
مين خد ابو عيالها الصغار
من عشه يومها الفرح طار
ومواكب الشهدا فى نهار
عم المدار
اعداد كتار
والموكب اكتر من مطامع لحتلال
ولافيش فرار
كتايب الاقصى الشريف
من انتصار لانتصار
متوحدين
متوكلين على ربهم
واخدين قرار
ومغمى عينه العربى
عن ناب الذئاب
والطفل ماسك حجره ف ايده
يقول نشيده ف لنتفاضه
وبقبضة الكف العفيه
يسد عين البندقيه
ويغمى عين الدبابات
ووراه طابور
طوابير جهاد
الناس فى حيره
ولحتلال
ايديه طويله
لامهنينهم بين حنينهم
او بين شريط الزكريات
العرف عرف الحيوانات
جند اليهود بيبرطعوا
ويكسروا عرف وقانون
تقاليد مبادىء
جند اليهود دول حيوانت
مالهمش فى الاقصى شتات
ايوه لهم حق واكيد
فى العيشه والحريه ليهم
فى البرطعه الهمجيه ليهم
ليهم بيوت وسدود حدود
لكن هناك .. بين الغابات
بين القرود يحيا اليهود
وعلى صراخ البوم يقوم
وعلى موسيقى ا لبغبغان
وسط السحالف والعرس
بين التعالب والنموسه
هناك ينام
وهناك يصولوا او يجولوا
او ينولوا ماينولوش
شارون مال
]غير من قرونمه يتربط
ويشدوا سرب من اليهود
ويقيدوه من الرسن
ويطولوا الحبل حبه
بطول هواجسه
بطول مطامعه وغطرساته
فى ربع مش مسكون هناك
ياخد مزاجه برطعه
وتنهيق طليق
بين عرف تانى سبق وقلته
لكن فى يافا وديرياسين
ومابلين تاريخ المرسلين
دامالوش مكان
وارجع واسأل نفسى تانى
واقول واعيد
العربى ليه ياناس مهان
وبرغم انه ماهوش جبان
لوكان جبان
كان من زمانسكنوا اليهود القدس
مارسوا كمان الرجس
من تحت عرش الامريكان
واصحوا ماتصحوش ياعرب
الواد ضرب
بالنبله جند الفسق ماهموش
والانتفاضه اتحزمت
وادى الحجاره اتكلمت
وف كل يوم
تعزف اغانى الانتصار
واقفين جنود الحق مايبالوش
واللى مالوش
ازاى حايدينا القرار
ودى مش حجاره
حاتعمل ايه
قدام عتاد الامريكان
ولا هى دى قوة غلابه
الجوع بينخل عضمهم
ولادول عرب
وحده قويه
يزلزلوا عرش الامم
دول بس صوت الحق ثوره عارمه
ماتمتلكش من الحياه
غير عرضها وكرامتها
ببسالة ملايكه
اهم بيروا بدمهم
عطش الرمال
والدم دا مش راح يهون
ولا يوم يخون
اصحابه لازم يوم يكون
وتخضر الارض بسنابل
تطرح سناء
تطرح وفاءؤ
تطرح محمد دره تانى
بين جنان المولى تانى
يقوموا يسقوا المؤمنين
من كاس نضال
وف يوم حاينشال الوبال
ولايبقى فيه بينا محال
يمكن سنه
سنتن سنين
حانعيش صحيح
بين السكك متشتتين
وعن الحقيقه ملهيين
لكن اكيد متأكدين
انى الصفوف كتوف كتوف
وانى الالوف حاتزيد الوف
وانى الفجر ييجى بضياه
وانى العرب دايما اباه
وانى النشيد الله الله
وانى الاسد .. حامى حماه
وانى الوتد .. مدقوق معاه
مليون وتد .. واقفين وراه
وانى عمر .. ومعاه صلاح
اهو جه أمر .. وبالفلاح
والمؤتمــــــــــر
مش للصياح
ولا للنياح
اللى أمـــــــر
صوت النواح
قوموا بقى لبوا الندا
قوموا بقى لبوا الندا
قوموا بقى لبوا الندا

قال الحجــــر
------------

قال الحجر
نطق الشجر
والطوفان مابقاله حد
طلعت شموس التضحيات بالروح
الموت بداية بوح
بداية نوح
غنى اليمام فى الموت
وزغردت النساء
طوابير من الحوريات يوماتى
يزفها الوطن السليب للخلد
اللى يموت عطشان
بيروى شروخ هويتنا بدماه
واللى يموت
وضلوعه داخله فى الحشا
بتطعم انياب الديابه
ومايلقلوش نقطة دما للشرب
طال اللهيب القبه
وانصهرت جباه المسلمين
قفلوا الكنايس بضبه
ولطخوا شرف المسيح
ماهمهم ديانات ولا اعراف
ولاتواريخ ولا تقاليد
وشريط بيتكرر يوماتى
فى رامله وف جنين
وف بيت جالا والخليل
بيطربقوا الدنيا
على ساكنينها
لايهمهم لاتاريخها وكمان دينها
هما اللى شرم الارض
من بايعنها
واللى باعوها ماهمهمش انينها
دكت حصون العزه بايد زباينها
لكن فى عز السوق ماكن منصوب
والجانى طابق يده ع المغصوب
مارضيش دمانا الحر
يبات مغلوب
فار فى عروق ثوار واصبح حار
قلب المزاد لدمار وشال العار
بالنبله بالمقلاع حجر او طوب
الانتفاضه علقت
من فوق دماغ شارون يافطه تقول
انا مسلوب انا مسحوب انا مضروب
مش بالحجاره بس ( بالمركوب )
انا اللى نصبتها
فى صابرا وشاتيلا مجازر
وبأيدى فى رملة جنين
ملايين حاشر
تيجى واحده زى وفاء الادريسى
وتجردنى
من رتبتى من عزتى
من جاهى وبتطردنى
وانا اللى املك من عتاد الكون عتاد
يقدر يخلى الكون فى ثانيه رماد
يصنع لبنى صهيون كتير امجاد
تيجى واحده زى
( سناء محيدلى وتهزقنى )
تقلب مخازنى رماد
تعفر دقنى
ياجيشى قولى انت فين
بتهرب ليه
وتولى قدام العيال
عاملين لك ايه
دانت ف ايدك بندقيه
خش عليه
قال عسكرى مهزوم يجيك ياشارون
مليون مصيبه الشكل وامضمون
انت اللى قاعد
على كرسى عاج هزاز
وناسى قصرك اللى بنيته قزاز
تأمر وتنهى .. وقدام العيــال
مهتــــــــــور
دقيقه واحده من المواجهه تموت
واحنا بقالنا ايام
سنين وشهور
احنا اللى حاسين بس بالموضوع
هما صحاب الحق
بيضربونا بجوع
وبيضربونا بالعطش بدموع
واحنا الكباب واللحمه
ماليه بطونا
والميه المعدنيه الويسكى
ليلنا نهارنا
وبرغم ذلك
فيه شىء يزل قدرنا
فيه شىء نحسه نجسه
من منظرنا
انى الحجاره تزلنا تقهرنا
وانت تنادى علينا حلق حوش
واحنا بنهرب بالسلاح كجموس
وورانا اطفال صحيح
لكننا بنحس
يكبيرنا انههم ابطال
وكبار وليهم هيبه ليهم حس
بيدوسوا على انفاس عتادنا
ودباباتنا فتقول هس
فنهس بس نتدارى خلف الونش
ونقول فى بالنا ياشارون
كفايه رجس
ياتخين يابغل
يابو دماغ وكرش
ياما نفسنا نصبح فى قوتهم
نرمى السلاح نمسك فى نبلتهم
نضرب معاهم نقوم فى دولتهم
ديه اللى قايمه
ومرفوعه بعزتهم
واحنا الوبال والعار
لاحقنا لاحقنا
نطقت كمان لشجار على سكتنا
مستنى ايه ياحمار حانرفع ايدنا
ونسلم الرايه .. اللى مش بتاعتنا
وسيبك بقى من الكدبه
اللى اسمها دولتنا
احنا بطول الدنيا منبوزين
ولالينا أصل وفصل
وكما
ولالينا أصل وفصل
وكمان دين
لكن يادوب فى الاخره نلقى بيتنا
فى النار نعيش احرار
ودى اخرتنـــــــــــا

اغنيات من يناير التحرير

ديوان الشاعر محمد عبد القوى حسن - صفحة 3 Df341

وادى مصر طالعه فى يوم عيدها

وفى مواعيدها

بتغنى ويغنى
وليدها

غنوة شجعان

&&&

مسلم مسيحى يقول
مصرى

ثورة نصرى

مسجد كنيسه على الناصيه

وجرس
واذان

&&&

وجه يناير بالثوره

سلم
محاوره

وشورى مشاورة

ثورة شبان

&&&

القوه
فيهم والوحده

الشعب والجيش ايد واحده

والسلم فيها يعليها

فوق
البلدان

&&&

قلناها ثورة سلميه

مش
همجيه

يرحل زعيم الحراميه

ومالهش
مكان

&&&

قلناها كلمه وحميناها

خضناها ثوره
وعشناها

من غير مناوره رسمناها

من قلب
ميدان

&&&

تلاتين سنه يخرب بيته

الشعب كان دايما
زيته

عضمه ولحمه وحريته

تحت
القضبان

&&&

تلاتين سنه يدمر فيها

ويزل ناسها
يوطيها

ياكل فى قوتها ويرميها

ف نار
الغليان

&&&

تلاتين سنه كاتم صوتنا

واكل
قوتنا

والعار كاسينا مخلينا

جثة
همدان

&&&

عمل له شلة حراميه

وحزب فاسد
شلليه

م المليارات الدولاريه

عبى
المصران

&&&

ف بنوك سويسرا وبلجيكا

وف
اميركا

سافرت فلوسنا وماتجيكا

يامصرى
ياغلبان

&&&

تلاتين سنه اهم سماتها

تزوير وبلطجه
فى حاراتها

ولا حد يسمع لصواتها

والكل
مهان

&&&

تلاتين سنه الشرطه تدمر

تخرب وتضرب
ماتعمر

لضلوعنا ع النار بتقمر

جوه
الزنزان

&&&

وكان حاميها حراميها

وواخدها بايدها
موديها

بين فتنه وهلاك يرميها

بين اعتى
نيران

&&&

وخطت الثوره خطاها

سبحانه ربك
علاها

والمولى سبحانه حماها

ويحيا
الانسان

&&&

ترجع لمصرنا كرامتها

وامنها مع
وحدتها

وتعود اليها عروبتها

بالمجد تتعدل
اوزان

&&&

العدل هايكون نبراسها

والوحده هاتكون
فوق راسها

حب الوطن هوه اساسها

اما الفساد مالهش

مكان

ديوان الشاعر محمد عبد القوى حسن - صفحة 3 Df341

لابى ولامى الرحيل

شعر: محمد عبد القوى حسن

الى روح الطيبين
ديوان الشاعر محمد عبد القوى حسن - صفحة 3 Df341

وهذا ابى
للمدى ذاهب
والمدى
فراديس اكتمال
لابى ضحكتين ونسمة شوق
وللحوريات النشيد
ابتسام الرضا
من حنان ابى
على حافة النهر احلم
دائما بالمجىء
بالرجوع المفاجىء
وابى عائد من مداه
كنت طفلا فى حقول الامنيات
اغنى لامى
غنوه العاشقين البهاء
وامى على كفها .. خبز وماء
وشاى على الكف اليمين
وعنب وتين
لابى انتظار الحنين
ولى ان ا رى لحظه الاحتضان
تراقص غنوة بالعيون
بين حقول نسيم الاماسى
وبين امنيات السعيف
ونيل الجنوب المغرد
بين ضلوع القصيد
فيهتز زرع الصعيد
وينشد للعابرين
احتفال المدى بالطيبين
والمدى ليس بعيد
لابى ولامى الرحيل
ولى ان اهدى لهم
سلام لاهل القبور
وسورة يس

ديوان الشاعر محمد عبد القوى حسن - صفحة 3 Df341

» لقاء تلفزيوني احتفال بصدور ديوان الشاعر محمد ربيع محمد كسر الازاز
» ديوان الشاعر الأستاذ محمد رمضان
» عيد ميلاد الاستاذ يسرى محمد جاد المراقب بمنتديات الشاعر عبد القوى الأعلامى
» فيديو - برنامج يوم جديد مع الشاعر محمد ربيع حول ديوان الطاحونة
» فيديو - أوبريت الثورة مستمرة - تأليف الشاعر محمد ربيع محمد وألحان محمد سامى وغناء محمد أسامة