|
|
| كاتب الموضوع | رسالة |
|---|
عبير عبد القوى الأعلامى
نائب المدير الفني
عدد الرسائل : 9451
بلد الإقامة : مصر
احترام القوانين : 
العمل : 
الحالة : 
نقاط : 17866
ترشيحات : 33
الأوســــــــــمة : 
 |  موضوع: ديوان الشاعر ناصر صلاح  26/7/2011, 07:10 | |
| االشاعر ناصر صلاح  هو شاعر العامية ناصر صلاح مصرى الجنسية - القاهرة |
|
  | |
عبير عبد القوى الأعلامى
نائب المدير الفني
عدد الرسائل : 9451
بلد الإقامة : مصر
احترام القوانين :
العمل :
الحالة :
نقاط : 17866
ترشيحات : 33
الأوســــــــــمة :
| | موضوع: رد: ديوان الشاعر ناصر صلاح 26/7/2011, 07:12 | |
| مــــقــارنــة
من اغانى حرفوش المجذوب
سواد الصبح أطول من سواد الليل وأ خطر
سواد الليل بيخلص ويَّا ضي الفجر الأخضر
سواد الصبح ويَّا الليل بيكتر
سواد الليل دا راحه..
وبصراحه..
ممكن يكون إلهام لشاعر
والمشاعر فيه مباحه
سواد الصبح هم كبير وضيق
وأكبر مساحة في عمرنا..
للهم دايمًا مستباحه
سواد الليل بيستسلم لصوت الفجر
بيتوضَّى بأمل بكرة
وبيصلي مع المظاليم..
صلاة العدل والقدرة
وبيغني مع العشَّاق..
مع المشتاق
غناوي الحب والذكرى
سواد الصبح سوط جلاد
وسيف سياف
ورغم الظلم والجبروت
يعيش عمره ذليل خواف
ولو يسقينا كاس مره
بنشرب من سموم غدره
جميع لصناف
يعذبنا... يموِّتنا
ويستعمر قلوب غيرنا
يسوّد صبحهم عنَّا
وييجي في الزمن غادي
شاعر تاني
شاعر عادي
بيتوجع كما وجعي
يقول قولي
ويصرخ صرختي ينادي:
سواد الصبح أطول من سواد الليل واخطر
سواد الليل بيخلص ويَّا ضي الفجر الاخضر
سواد الصبح ويَّا الليل بيكتر
عدل سابقا من قبل عبير عبد القوى في 7/9/2011, 11:19 عدل 1 مرات |
|
| | |
عبير عبد القوى الأعلامى
نائب المدير الفني
عدد الرسائل : 9451
بلد الإقامة : مصر
احترام القوانين :
العمل :
الحالة :
نقاط : 17866
ترشيحات : 33
الأوســــــــــمة :
| |
| | |
عبير عبد القوى الأعلامى
نائب المدير الفني
عدد الرسائل : 9451
بلد الإقامة : مصر
احترام القوانين :
العمل :
الحالة :
نقاط : 17866
ترشيحات : 33
الأوســــــــــمة :
| | موضوع: رد: ديوان الشاعر ناصر صلاح 26/7/2011, 07:16 | |
| مانشتات ثوريه
من أغاني حرفوش المجذوب
للشاعر/ ناصر صلاح
1
أجمل ميادين الكون
هو ميدان التحرير
أجمل أجيال الكون
طبعا جيل التغيير
لو عشت الثورة صغير
هتعيش العمر كبير
وتواجه كل مصاعبك
ولا تسكت ع التزوير
ولا يوم هيبيعك تاجر
ولا تختل المعايير
2
إوعى 00 حاسب 00
من ثورة البركان
دا شباب بيموت علشان
الشعب يعيش فى أمان
إوعى 00 حاسب 00
تخرج م الميدان
قبل ما يجى اليوم
ونحاسب كل مدان
إوعى 00 حاسب 00
من وعد الألعبان
في الزنقة بيبقى صديق
والراحه يبان تعبان
إوعى 00 حاسب 00
تسمع أكاذيب لجبان
لو راجل قلبه شجاع
كان ينزل للميدان
3
هاتوا دم شهيد
سالي وسعيد
واتحنوا وحنوا جميع لحباب
سبحان من سبب دى الأسباب
اللـــــــــــــــــــــــــــه
الله ع الطيب
دا الجرح يطيب
والقلب الضاق
أصبح مشتاق
واسع ورحيب
واليوم الوقفه
وبكره العيد
هاتوا دم شهيد
واتحنوا وحنوا جميع لحباب
4
يا شهيد الثورة المصريه
سجل بدماك الورديه
حدوتة أحمس وبهيه
حدوتة جرجس ومحمد
وصمود الوحده الوطنيه
فلتحيا الثورة المصريه
وليحيا الجيش والحريه
وإرادة مصر الحديديه
وليسقط كل الحرميه
5
البقاء لله يا حسنى 00 البقاء لله
والدوام لله يا حسنى 00 الدوام لله
والحساب إن شاء الله
دنيا أخرى بإذن الله
البقاء لله
دعوة أم وابن شهيد
دعوة أب في – ظلم – حديد
دعوة قطر ما شافش العيد
دعوة شعب سفينه غريق
أو طيار ميت بحريق
راح وياه قناديل لطريق
البقاء لله
البقاء لله يا حسنى 00 البقاء لله
والدوام لله يا حسنى 00 الدوام لله
عدل سابقا من قبل عبير عبد القوى في 7/9/2011, 11:25 عدل 1 مرات |
|
| | |
عبير عبد القوى الأعلامى
نائب المدير الفني
عدد الرسائل : 9451
بلد الإقامة : مصر
احترام القوانين :
العمل :
الحالة :
نقاط : 17866
ترشيحات : 33
الأوســــــــــمة :
| | موضوع: رد: ديوان الشاعر ناصر صلاح 26/7/2011, 07:25 | |
| مـكــســوف
مفتتح
ولد الهدى
فالكائنات فرحت قوى
واستبشرت فى الأرض خير
غاب الهدى
فالكائنات حزنت قوى
مافرحش غير
إبليس وأعوانه اللئام
أصل اللجام
أصبح فى ايد نسيت تسابيح ربها
وف قلبها بركان هوى
بيزيد إذا زاد النوى
بينها وبين نور الكتاب
ولدى الهدى 00 غاب الهدى
القصيدة
مكسوف 000
مكسوف ووشى فى الأرض منك يا رسول الله
إيه راح اقول يوم هجرتك
وأنا اللى هاجر سنتك
ولا أستحق 00
انى أكون من أمتك
يارسول الله
صلى الله عليه وسلم
الإسم ناصر000
أى نعم!!
لكنى مهزوم منكسر
وف قلبى شلال من وهن
لو قلت يوم انا هانتصر
بيشدنى
ويقول لي حاسب كن حذر
مكسوف 0000
مكسوف ووشى فى الأرض منك يا رسول الله
صلى الله عليه وسلم
مخنوق أنا
مخنوق قوى
حال العباد بقى مش قوى
فوق الضعيف بيدوسوا مليون مفترى
والرحمه هربت م القلوب
ووراها فرعون المعاصي وجيش ذنوب
الرحمه طالبه المعجزه
طوق النجاه
فينك يا نوح
فين السفين
يا موسى فين بحر الإيمان وعصى اليقين
فينك يا غار سيدنا النبى
دى الرحمه طالبه المعجزه
فينك خيوط العنكبوت
فين اليمام
دا ابوجهل سالل سيفه متخفى بغمام
يدعى لدين الانهزام
يدعى لدين فيه الجسد هو الإمام
وإلهه قالوا العم سام
والسام دا سام
السام دا سام!!!!
السام دا سم بيجرى فى عروق الوطن
أكل الجميع م الشاه ولا حدش فطن
مكسوف 0000
مكسوف ووشى فى الأرض منك يا رسول الله
صلى الله عليه وسلم
مخنوق أنا
مخنوق قوى
أصبحنا إيه
أصبحنا دوره للمياه
وفك زنقه للطغاه
ويهينوا دينا نبينا
وبيطمعوا فى صمتنا 00 فى ضعفنا
ويحددوا نوع العقاب
ما احنا الجناه
واحنا اللى جبناه لنفسنا
أصبحنا حائط مبكى بس الدمع لينا
أصبحنا حيطه ومايله سدت نور عنينا
فلا عدنا شايفين الطريق
ولا عدنا حاسين بالحريق
ولا عاد لسانا بيحتمى بنور الكتاب
فهيعمل ايه
لما يحاول يشتموك حبة كلاب
غير انه يرفع دعوته
اللى فى قرارة نفسه عارف إنها مش تستجاب
فلا هو طيب مطعمه
ولا أخلص النيه
وتاب عن مأثمه
أصبحنا ايه
أبدا ما اصبحناش
أمسينا دوما والمسا طول علينا
مكسوف 0000
مكسوف ووشى فى الأرض منك يا رسول الله
صلى الله عليه وسلم
مخنوق أنا
مخنوق قوى
نفسى الدموع السجينه
ما بين حيطان المعاصى
تهرب على الخدين
تعبر جبال القسوه جوايه
وتغسلنى تطهرنى
وقلبى ينشطر نصين
ويجى م السما ملكين
وياخدوا الهم ويا الشر من قلبى
ويزرعوا بين الضلوع آيتين
نفسى أكون تابع انا لسدنا النبى
آآآآآه يا نبى
لكن إبليس اللعين
بوظ قلوب المسلمين
محتاجه تانى تنجلى
محتاجه تانى تتغسل
محتاجه تانى تتكسى بنور اليقين
مكسوف 000
مكسوف 000
مكسوف 000
مكسوف ووشى فى الأرض منك يارسول الله
صلى الله عليه وسلم
من أشعار/ ناصر صلاح
حرفوش المجذوب
عدل سابقا من قبل عبير عبد القوى في 7/9/2011, 11:31 عدل 1 مرات |
|
| | |
عبير عبد القوى الأعلامى
نائب المدير الفني
عدد الرسائل : 9451
بلد الإقامة : مصر
احترام القوانين :
العمل :
الحالة :
نقاط : 17866
ترشيحات : 33
الأوســــــــــمة :
| | موضوع: رد: ديوان الشاعر ناصر صلاح 26/7/2011, 07:27 | |
| كارت معايدة
من ديوان ( حرفوشيات)
من أعانى حرفوش المجذوب
أعتذر للأحباب عن هذه المعايدة الحزينة ولكنها بلا شك نتاج واقع آليم نحياه جميعا ، لقد كنا في طفولتنا نشعر بفرحة العيد ونستعد له قبل أوانه بأسابيع ، ثم في صبانا كانت الفرحة مستمرة ولكن ليست بالقدر السابق ، فلما بلغنا الهم من العمر هاجرتنا الفرحة بلا عوده ، وصرنا نحلم بها ونأملها ، ونرسمها زيفا على وجوهنا عندما نتقابل أو من أجل الصغار 00 عذرا احبتى أنى تنفست بصعوبة وبصوت عال بينكم.
ترنين 00 ترنين
ترنين 00 ترنين
- أيوه 00 ألوووووه
*أستاذ ناصر 000
- أهلا يا احمد
عامل إيه
*أشكر ربى
قلت انا أسبق
نفسى أعيد مره عليك
- بتقول عيد ؟!
عيد إيه يا احمد!!
دى الذكرى السنويه بتاعته
بس احنا 00
تسرقنا السكينه يا صاحبى
زى الأب اللى ابنه يموت وما صدقش
يجى فى ذكرى ميلاده يجيب
شمع وتورته
وبيتوهم انه معاه
لا ويكتر من هداياه
يدعى اصحابه وكل احبابه
طبعا منعا للإحراج
ومشاركة فى الإحساس المتغيرش
غصبا عنهم لازم يجوا
*حيلك حاسب
إيه يا أستاذنا
مالك يأس
- اسمع يا احمد
ادبح يا ابنى ووزع لحمه
واقرا الفاتحه
واطلب للأعياد الرحمه
اطلب للأعياد الرحمه
عدل سابقا من قبل عبير عبد القوى في 7/9/2011, 11:33 عدل 2 مرات |
|
| | |
عبير عبد القوى الأعلامى
نائب المدير الفني
عدد الرسائل : 9451
بلد الإقامة : مصر
احترام القوانين :
العمل :
الحالة :
نقاط : 17866
ترشيحات : 33
الأوســــــــــمة :
| | موضوع: رد: ديوان الشاعر ناصر صلاح 26/7/2011, 07:29 | |
| حســــــــــد
من ديوان ( حرفوشيات )
وبتبتسم !!
ما انت الهلال
وانت اللى عايش فى السما
فوق فى الأمان
واهو كل شهر بتفتكر
وتزور مقابر صحبتك م العاشقين
العطشانين للإبتسام
وبتبتسم !!
أنا باحسدك
ازاى فى وسط الضلمه دى بتبتسم
هو انت ايه قلبك حجر
وللا قلوبنا احنا البشر
ورقة شجر
عدل سابقا من قبل عبير عبد القوى في 7/9/2011, 11:39 عدل 2 مرات |
|
| | |
عبير عبد القوى الأعلامى
نائب المدير الفني
عدد الرسائل : 9451
بلد الإقامة : مصر
احترام القوانين :
العمل :
الحالة :
نقاط : 17866
ترشيحات : 33
الأوســــــــــمة :
| | موضوع: رد: ديوان الشاعر ناصر صلاح 4/9/2011, 21:53 | |
| من اسرار الصناديق
من أغانى حرفوش المجذوب
انا الصندوق
انا الشفاف
وانا الفاضى
وقالوا ان فيّ آلاف
وانا الشاهد
وبرضه شهيد
ولكنى بسبع ترواح
صمود وعنيد
ومهما يحاولوا يخفوها ويخفونى
فضايحهم تبان واضحه بمجرد نظره لعيونى
وانا العاشق إيدين طهره
إيدين ساجده 00 ايدين ما تخاف
ولا ترفعش ع الفاضى وع المليان
توافق ع اللى متخبى وعمره ما بان
وأه لو بان
وانا المعشوق من الكهنه وم الحاشيه
واغلبهم عميل خطاف
ويخدعنا الكتير منهم
بمنظرهم وأه منهم
فى وقت الجد تكشفهم ضمايرهم
ولو لسه واحد فيهم فى قلبه ذره من انصاف
بيتركِّن على الإرفاف
ولو زود
فتدبأله حدوته
وتوته توته
يا سجن يا ابويه وفضيحه
يا إما بالقليل موته
أنا الصندوق
أنا الفاضى
وانا القاضى فى ساعة الجد
باكون السيف لنور العدل
واكون النور لسيف العدل
باكون الحد
ولو يملونى يبقى بخير ويبقى بحق
وجوفى لو دخلّه حرام
باحس بإنى هتأيه
وانا المفروض أكون آيه
أنا الصندوق
واسألوا عنى كل الناس
أقولك لا متسألشى
بل اسألنى أنا عنهم
قليل منهم بأدعى لهم
وكنت اتمنى ابوس ايدهم
وهم يحطوا بالورقات
احس ينوروا الجنابات
ويحيوا القلب فيا المات
فى ايدهم نور
وشوشهم خير
خفاف كالطير
بل اسألنى انا عنهم
كتير منهم بألعنهم
وهم يحطوا بالورقات
احس بأن قطر وفات
فدغدغنى ورمانى رفات
ايدين ضلمه
قلوب عاميه
نفوس ضاله
عشان اليوم تبيع بكره
ومن سكره إلى سكره
مادام الحل فى الغله
ودا ماسك لدا ذله
حشيش فى الزرع
بس الزرع كله حشيش
وتعمل ايه متسألنيش
وبَعِد عنى سيبنى أعيش
دا انا الصندوق
انا الصندوق ومش إسود
يقع فى البحر ما يقعش
ويرجع أو ما يرجعش
وإيه أسبابه لو تعرف 00 ما تعرفش
لأن العالم الحيّ
بيعمل كل ما يريده 00 ولا تريدش
عوالم زحلفه وبرغوت
عشان لا هى قادره لا تقرص 00 ولا تحرّس
فكله يموت
وموت أولادنا فى الصندوق
وموت أولادنا م الصندوق
وموت أولادنا ع الصندوق
وموت أولادنا بالصندوق
ما بيهموش
لان احنا فى نظره هموش
ولا بنسوش
وإمتى نساوى أو تصبح لنا هيبه
وألف حساب لنا فى حضورنا أو غيبه
دا لازم نبتدى تانى من الصندوق
أنا الصندوق 00 أنا الصندوق
مارس 2005 |
|
| | |
عبير عبد القوى الأعلامى
نائب المدير الفني
عدد الرسائل : 9451
بلد الإقامة : مصر
احترام القوانين :
العمل :
الحالة :
نقاط : 17866
ترشيحات : 33
الأوســــــــــمة :
| | موضوع: رد: ديوان الشاعر ناصر صلاح 4/9/2011, 21:58 | |
| نفسى
ونفسى افتح
ببان قلبى وشبابيكه
واحضن شلالات الضى
كل صباح
واستقبل ندى الفجريه يتسرسب
ويقلع كل اه وجراح
ويزرع م الزهور فواح
بتستنى هوى المغرب
عشان ترقص معاه تنجو
وانا انجو
ولو ساعه من الخنقه
من الباعه
لضمايرهم
مشاعرهم
من السايبين
بابان القلب متواربه
من الواخدين على التنطيط
هنا حبه وهناك حبه
من العايشين على موتنا
ونفسى افتح
ولكن قلبى بيعاند
ورافض حتى يتمنى
تكون خلف البيبان جنه
فلو كانت رياح النار
هيعمل ايه
هيستسلم ويتشاهد
ولو طلعت صحيح جنه
وحور العين
دا م الفرحه يقع راقد
تمر سنين
وقلبه الشاب
يعيش من تانى مر عذاب
ويسأل نفسه صبح وليل
هيلحق تانى يتهنه
ونفسى افتح
يوليو 2006 |
|
| | |
عبير عبد القوى الأعلامى
نائب المدير الفني
عدد الرسائل : 9451
بلد الإقامة : مصر
احترام القوانين :
العمل :
الحالة :
نقاط : 17866
ترشيحات : 33
الأوســــــــــمة :
| | موضوع: رد: ديوان الشاعر ناصر صلاح 12/3/2012, 10:36 | |
| مــــــيـــــــــــــن؟؟
من أغاني حرفوش المجذوب
**********
مين ع المشير هيشير
ويبلغه شكرنا
وان احنا مش ناسين
فضل المشير عندنا
&&&
بالعكس دا عشقناه
وأحلى لحظه معاه
هو اللى سرقه الجاه
وتاه بعيد عننا
&&&
والشعب دا غلبان
على طول عايش محنه
لو يوم خلص م الراس
يطلع له ميت سحنه
&&&
لا نسور ولا دبابير
لا سيوف ولا نجمه
عاوزين أسد لو جاع
بيقسم اللقمه
&&&
ستين سنه عايشين
رباط فى بياده
مرضى وجرحى وموت
وطن دا ولا عياده
&&&
مين على المشير هيشير
كفاياك وبزياده
شرًّبتها ساده
وشرٍبتها زياده
&&&
مين على المشير هيشير
ويقول له يا ساده
واقفتنا فى التحرير
مش عاده دى عباده
&&&
الضغط فوقك وفوقنا
إيه اللى شفناه جديد
لو خوفنا عمر ما فقنا
والدور على السنيد
&&&
صاحبك يطير على طره
هيفضى لك إنعاش
بكره هيشمت فيك
إن بكره جه أو عاش
&&&
ارجع لرشدك بسرعه
وسلم المفاتيح
أحسن سيول الغضب
بالكل بكره تطيح
ناصر صلاح |
|
| | |
|
