العمر : 61عدد الرسائل : 484بلد الإقامة : مصراحترام القوانين : العمل : الحالة : نقاط : 6765ترشيحات : 21الأوســــــــــمة :
موضوع: حملة لو عايز ترضى ربك قوم لِم شمل عيلتك 25/5/2010, 01:14
أخواتى وإخوانى ...بين أيديكم الآن حملة (لوعايز ترضى ربك ..قوم لِم شمل عيلتك ) أو ( أرحام فى دائرة الآثام )
السلام عليكم ورحمة الله وبركاته : كما وعدنا :: حملة من أقوى الحملات باذن الله واسمها : اخواتى واخوتى ...والله بكلمكم من قلبى ويمكن أكون أنا أكتر حد عانى من :قطيعة الرحم ...وصدقونى انا ياما اتظلمت ويمكن من أقرب الناس لى...وكنت فى كل ليله أنام ودموعى على خدى ...فكرت فى كلام ربنا({فَهَل عََسيُتم إِن تَوَليتُم أَن تُفِسدُوا فِي الأَرِضِ َوتُقَطِعُوا أَرحَامَكُم) وكمان ◄ قال تعالى : ( واتّقُوا الله الَِّذي َتسَا~ءَلُونَ بِهِ َوالأَرحَامَ إِنَّ الله كَانَ عَلَيكُم َرِقيبًا ) .
/] الكلام وجعنى جدا وعلشان كده أنا جيت النهارده علشان أتفق معاكم ونعمل صفقه رابحه مع ربنا ..كل واحد مقاطع أهله أو أى حد من أرحامه ..تعالوا ..تعالوا بسرعه ..حطوا إديكم فى إيدى ..قبل فوات الآوان تعالوا معايا الأول نتعرف على فضائل صلة الأرحام وكمان عواقب قاطع الأرحام ...والأيات السابقه لو فكرنا فيها هانعرف اننا جميعا هانُسأل والله عن قطيعة صلة الأرحام ازاى يكون لى أقارب وانا مقاطعهم...ازاى أغضب ربنا....؟؟؟
طيب ماأنا بكلمهم فى التليفون...وده ينفع برضوه يعنى لو إبنك وللا بنتك مسافرين مكان بعيد مش ها تروح تشوفهم ..يبقى ازاى تقعد شهور ما تشوفش الناس اللى ربوك وتعبوا فيك ودمهم بيجرى فى عروقك ؟؟
وليه لأ ...انت بس فكر فى الموضوع فضى نفسك يوم واحد بس على حسب مقدرتك يعنى مره فى الشهر او مره كل أسبوع ..المهم تبل صلة الرحم بل ......زى ماقال علمائنا الأفاضل ..فهذه المقوله سمعتها من الشيخ محمد حسين يعقوب بالتحديد فى برنامج فضفضه وسأله واحد انه له أقارب مقاطعينه وهو حاول ان يوصلهم وكانوا بيقفلوا الباب فى وجهه ..عارفين كان رد شيخنا الفاضل إيه ..؟؟ قاله روح تانى وتالت ..قاله ياشيخنا طيب حفاظا لماء الوجه ...قاله برضوه روح وإوصلهم ..المهم أن تبل صلة الرحم بل..(يعنى ما تسيبهاش تجف من القطيعه ولو بالود القليل ...) وبعدين دلوقتى فى زماننا ده مش اقارب بس اللى مقاطعين بعض ..ده احنا بنسمع عن مقاطعة الآباء والأمهات كمان ...يعنى مين اللى فاضل لك بقى بعدهم ...ده ربنا قال عنهم فى كتابه العزيز :( وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا) أحسن إليهم يمكن ربنا يرحمك فى كبرك ويحنن قلب ولادك عليك .
طيب سؤال ..بقالك قد ايه ماشوفتش عمك وعمتك ..وخالك وخالتك.. اللى فى البلد ..؟؟...يعنى حوالى ....!!!!اه :::!! شوفت بقى انت مقصر ازاى ..؟؟ بس انا جايه النهارده علشان أقولك تعمل ايه ..بس استنى شويه لما نشوف المتخاصمين دول : تعالى هنا ...انتى ياأختى ياللى مخاصمه أختك من رمضان اللى فات ... -ماهى غلطت فيّه ومستحيل أسامحها أو أبص فى وشها ..ليه كده ياحبيبة قلبى ده ربنا بيسامح ... -أيوه ونعم بالله بس انا بشر مش إله ...!!! والله انا حاسه بيكى ياغاليه ..ممكن
الإنسان يكون اتصدم فى أحب إنسان لقلبه وفى لحظات ضعفه يقول مش هااكلمه تانى ومش عايز أشوفه...وفى أثناء ثورته دى ممكن يتقابل معاه والله صدقونى ياأخواتى هتلاقى نفسك واحد تانى وانت اللى ها تبادر بالسلام عارف ليه ..؟لأنكم دم واحد.
الموضوع تفشى فى مجتمعنا بشكل مرعب ياجماعه ...تابعونى ...وربنا يقدرنى وأقدر أوصل لكم الفكره والهدف من الحمله ..بس إدعو لى ...
يتبـــــــــــــــــــــــــــــــــــــــــــــع
الام الحنون مشرفة
العمر : 61عدد الرسائل : 484بلد الإقامة : مصراحترام القوانين : العمل : الحالة : نقاط : 6765ترشيحات : 21الأوســــــــــمة :
موضوع: رد: حملة لو عايز ترضى ربك قوم لِم شمل عيلتك 25/5/2010, 01:19
شوف ياأخى ياللى بتقول مقدرش أكلم حد أهاننى وجرحنى ..طيب قبل ماأقولك على فضائل صلة الأرحام وقبل ما أخوفك من ربنا وأقولك على عقوبة قاطع رحمه ..عندى كلمتين ممكن تسمعنى وأنتى ياأختى إسمعينى أرجوكى بقلبك : عارف لما حد منهم يجرحك أو يكسر قلبك ..---اوعى تدور ظهرك عنه أبدا لأنك عمرك ما ها تقدر تستغنى عنهم أبدا -إوعى تقول أنا لفظتهم خلاص زى ما لفظونى ..ورفضونى ...استنى ..انت مش فاكر انك كنت بتبكى فىبعدهم قد أيه ؟؟ ...فاكر ...!!! -عايزاك تنقى المساحات اللى لوثتها القطيعه ..بمعنى انك تمسح قلبك من الداخل ..وتجليه على الأخر مش عايزين أى أثر للقسيه اللى كانت فيه . -شيل كل خناجر الحقد والغل اللى جرحت قلبك وحاول تستعيد نفسك من جديد . -إتأكد أن المساحه اللى انت نضفتها فى قلبك ها تسعاهم من تانى . -إنتظرهم بلهفه وشوق دور عليهم فى كل مكان حتى ولو كانت صدفه حلوه تجمعكم ..بس بلاش عتاب . -والله انت دلوقتى شامم ريحتهم وحاسس بنبض قلوبهم وبأنفاسهم ..أهى بتقرب منك ....شامم .. أوعى تقول لأ مش حاسس بيهم خالص ...!! عمرى ما ها أصدقك ...عارف ليه؟ لأنك أنت وهما حاجه واحده .ومش ممكن هاأصدقك لو قولت كرهتهم ,لأ، ما حدش يقدر يكره نفسه . -هاتقولى أنا حتى نسيت أساميهم ...لا والله اساميهم محفوره فى ذاكرتك.. بس هما جرحونى وشربت منهم مرارة الظلم والقسوه ..إنسى وسامح وتعالى دلوقتى أعرفك يعنى إيه صلة أرحام ؟؟ الصلة: الوصل، وهو ضد القطع،ويكون الوصل بالمعاملة نحو السلام، وطلاقة الوجه، والبشاشة، والزيارة، وبالمال،ونحوها
الأرحام : الرحم: اسم شامل لكافة الأقارب من غير تفريق بين المحارم وغيرهم،وقد ذهب بعض أهل العلم إلى قصر الرحم على المحارم، بل ومنهم من قصرها على الوارثين منهم، وهذا هو مذهب أبي حنيفة ورواية عن أحمد رحمهما الله، والراجح الأول نوعا الرحم الرحم التي أمر الله بها أن توصل نوعان:
الأول: رحم الدين، وهي رحم عامة تشمل جميع المسلمين، وتتفاوت صلتهم حسب قربهم وبعدهم من الدين، وكذلك حسب قربهم وبعدهم الجغرافي. ويدل على ذلك قوله تعالى: "إنما المؤمنون إخوة فأصلحوا بين أخويكم"[2]، فأثبت الله الأخوةالإيمانية لجميع المسلمين الثانى رحم القرابة، القريبة والبعيدة، من جهتي الأبوين. ها ...لسه برضوه معاند طيب تعالى معايا نعرف مع بعض فضائل صلة الأرحام:
الام الحنون مشرفة
العمر : 61عدد الرسائل : 484بلد الإقامة : مصراحترام القوانين : العمل : الحالة : نقاط : 6765ترشيحات : 21الأوســــــــــمة :
موضوع: رد: حملة لو عايز ترضى ربك قوم لِم شمل عيلتك 25/5/2010, 01:21
صلة الأرحام سبب في زيادة الرزق وطول العمر . ◄ عن علي بن أبي طالب رضي الله عنه . عن النبي صلى الله عليه وسلم قال : ( من سرّه أن يمد له في عمره ويوسّع له في رزقه ويدفع عنه ميتة السوء , فليتق الله وليصل رحمه ) رواه الحاكم والبزار بسند جيد . ◄ وعن أنس رضي الله عنه أن رسول الله صلى الله عليه وسلم قال : ( من أحب أن يبسط في رزقه وينسأ له في أثره فليصل رحمه ) رواه البخاري ومسلم . صلة الرحم تدخل الجنة وتباعد عن النار ◄ قال أعرابي لرسول الله صلى الله عليه وسلم : ( أخبرني بما يقربني من الجنة ويباعدني من النار ؟ فقال النبي عليه الصلاة والسلام : تعبد الله ولا تشرك به شيئا وتقيم الصلاة وتؤتي الزكاة وتصل رحمك ) رواه البخاري . صلة الرحم سبب لمغفرة الذنوب ◄ عن ابن عمر رضي الله عنهما قال : أتى النبي صلى الله عليه وسلم رجل فقال : إني أذنبت ذنبا عظيما , فهل لي من توبة ؟ فقال النبي صلى الله عليه وسلم : هل لك من أم ؟ قال : لا . قال : فهل لك من خاله ؟ قال : نعم . قال : فبرّها ) رواه الحاكم والترمذي . صلة الرحم أحب الأعمال إلى الله تعالى سئل النبي صلى الله عليه وسلم أي الأعمال أحب إلى الله , فقال : ( الإيمان بالله ثم صلة الرحم ) . رواه ابو يعلي بسند جيد . ماشاء الله يعنى فيها زياده فى الرزق وطول العمر وتدخلك الجنه وتبعدك عن النار ..ياألله ايه اللى يستاهل انى أسيب الخير ده كله علشانه وكمان..هاتكون سبب لمغفرة ذنوبى ومن أحب الأعمال الى الله..والله الدنيا صغيره جدا ياحبايبى ومسيرنا فى يوم هانقابل ربنا ها نقوله احنا خاصمنا بعض فى دنيته دى علشان ايه ..هاتقول كرامتى اتهانت ياأخى وياأختى هما أنتم أحسن من النبى عليه الصلاة والسلام ماهو كمان اتهان وجرح وطرد من بلده وكسرت رباعيته وشجت رأسه و...و.. كل ده علشانا إحنا .....مش علشان كان بيدافع عن كرامته ...فكر كده فى معنى كلمة رحم ...ده ربنا شق للرحم اسم من اسمه ...وهتلاقوا الكلام ده واضح فى الحديث الشريف ده .. (، فعن أبي هريرة رضي الله عنه عن النبي صلى الله عليه وسلم قال: "إن الله خلق الخلق، حتى إذا فَرَغ من خلقه قالت الرحم: هذا مقام العائذ بك منالقطيعة؛ قال: نعم، أما ترضين أن أصل من وصلك وأقطع من قطعك؟ قالت: بلى يا رب؛ قال: فهو لك؛ قال رسول الله صلى الله عليه وسلم: اقرأوا إن شئتم: "({فَهَل عََسيُتم إِن تَوَليتُم أَن تُفِسدُوا فِي الأَرِضِ َوتُقَطِعُوا أَرحَامَكُم) لسه برضوه مش مقتنع ...طيب انا هاأقولك على عقوبة قاطع صلة الأرحام ..وصدقنى والله مش بخوفك أنا بس علشان خايفه عليك ونفسى تصدق ربنا ورسوله عارف إيه العقوبه ...!!! إمسك أعصابك ...دى مصيبه والله لو استمرينا فى القطيعه إسمع كده :
الام الحنون مشرفة
العمر : 61عدد الرسائل : 484بلد الإقامة : مصراحترام القوانين : العمل : الحالة : نقاط : 6765ترشيحات : 21الأوســــــــــمة :
موضوع: رد: حملة لو عايز ترضى ربك قوم لِم شمل عيلتك 25/5/2010, 01:32
عقوبة قاطع الرحم " قاطه الرحم لا يدخل الجنة " ياألله ....يعنى أكون مسلم وموحد بالله وأصوم وأصلى وأزكى وأحج وأعتمر وفى النهايه يتشطب على كل أعمالى وأتساوى بالكفار والعصاه .. وأكون معاهم فى النار ...يارحمن!!!! .دى لوحدها كارثه ...يارب إرحمنا /] ◄ قال رسول الله صلى الله عليه وسلم : ( لا يدخل الجنة قاطع ) قال سفيان يعني قاطع الرحم . رواه البخاري ومسلم . ◄ قال رسول الله صلى الله عليه وسلم : ( ثلاثة لا يدخلون الجنة , مدمن الخمر ,وقاطع الرحم , ومصدق بالسحر ) رواه أحمد وابن حبان . /] قاطع الرحم لا يقبل عمله ◄ قال رسول الله صلى الله عليه وسلم : ( إن أعمال بني آدم تعرض كل خميس ليلة الجمعه . فلا يقبل عمل قاطع رحم ) رواه أحمد يعنى ممكن رمضان... صيامك وقيامك وتسابيحك..وختمك للقرءان كل ده ما تقبلش ...ياألله..دى كمان تبقى كارثه والله . قطيعة الرحم من أبغض الأعمال ◄ سئل رسول الله صلى الله عليه وسلم : ( أي الأعمال أبغض إلى الله , قال : الإشراك بالله ثم قطيعة الرحم ) رواه ابو يعلي بسند جيد . وأسمع دى كمان ...يارب سلم : عقوبة ووزر قاطع الرحم في الدنيا والآخرة أولاً: في الدنيا 1. لا يرفع له عمل ولا يقبله الله 2. لا تنزل الرحمة على قوم فيهم >قاطع >.الشر يعم والخير يخص، فلاتنزل رحمة على قوم فيهم قاطع رحم، ولهذا يجب التواصي ببر الآباء وصلة الأرحام،والتحذير من العقوق، فإذا فعلوا ذلك سلموا من هذه العقوبة. 3. تعجيل العقوبة للعاق في الدنيا قبل الآخرة 4. أبواب السماء مغلقة دون قاطع الرحم ثانياً: في الآخرة 1. لا يدخل الجنة مع أول الداخلين 2. لا تفتح له أبواب الجنة أولاً. 3.يدخر له من العذاب يوم القيامة مع تعجيل العقوبة في الدنيا إن لم يتب أويتغمده الله برحمته 4. يُسف المَلّ، وهوالرماد الحار /] والله حاجه تخوف وترعب ..طيب عايز تعرف ازاى توصل رحمك تعالى معايا ... :
الام الحنون مشرفة
العمر : 61عدد الرسائل : 484بلد الإقامة : مصراحترام القوانين : العمل : الحالة : نقاط : 6765ترشيحات : 21الأوســــــــــمة :
موضوع: رد: حملة لو عايز ترضى ربك قوم لِم شمل عيلتك 25/5/2010, 01:40
3. العدل والإنصاف. 4. القيام بالحقوق الواجبة والمستحبة على قدر الطاقة
5. التعليم، والإرشاد،والتوجيه. 6. الأمر والنهي.
7. الشفاعة الحسنة. 8. تحمل الأذى.
9. كفُّ الأذى عنهم، وهذا أضعف الإيمان أن يكفَّ الإنسان أذاه عن إخوانه المسلمين. والأدلة على ذلك كثيرة جداً، فمن القرءآن: 1. "إنما المؤمنون إخوة فأصلحوا بين أخويكم".[25 2. "واخفض جناحك للمؤمنين"{26{
ومن السنة: 1. "المؤمن للمؤمن كالبنيان يشدُّ بعضُه بعضاً"[27]،وشبَّك بين أصابعه.
2. "مثلُ المؤمنين في توادِّهم وتراحمهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى".[28] 3. "المسلم أخو المسلم لا يخونه، ولا يكذبه، ولا يخذله، كل المسلم على المسلم حرام عرضه، وماله، ودمه، التقوى ههنا، بحسب امرئ من الشر أن يحْقِر أخاه المسلم".[29] ثانياً: صلة الرحم الخاصة وهم جميع القرابات من جهة النسب، من قبل الأم والأب، وهؤلاء صلتهم عامة كذلك وخاصة:
أ) الصلةالعامة وهي شاملة لجميع حقوق الصلة لعامة المسلمين التي ذكرناها آنفاً.
(ب) صلة خاصة وهي زيادة حقوق على حقوق المسلم العامة
وهذا يحصل بـ: 1. السلام. [b]2. طلاقة الوجه، التبسم. [b]3. كف الأذى.
الحد الأعلى: وهذا يحصل بـ: 1. الزيارة. 2. عيادة المريض.
3. الإهداء. 4. الإنفاق على المعسرين.
ولو لسه مش مقتنع انك توصل رحمك تعالى إسمع للشرائط دى :
رأفت الجندى المدير الإداري
العمر : 65عدد الرسائل : 9511بلد الإقامة : الفيوماحترام القوانين : العمل : الحالة : نقاط : 13230ترشيحات : 29الأوســــــــــمة :
موضوع: رد: حملة لو عايز ترضى ربك قوم لِم شمل عيلتك 25/5/2010, 06:23
بارك الله فيكم أختنا الكريمة جزاكم الله خيراً بما قدمتم وشكرا لسيادتكم تقبل الله منا ومنكم صالح الأعمال @@@@@@@@@@@@@@@@@@@ @@@@@@@@@@@@@@@@@@@
اقتباس :
ولو لسه مش مقتنع انك توصل رحمك تعالى إسمع للشرائط دى
أين الشرائط ؟؟؟
الام الحنون مشرفة
العمر : 61عدد الرسائل : 484بلد الإقامة : مصراحترام القوانين : العمل : الحالة : نقاط : 6765ترشيحات : 21الأوســــــــــمة :
موضوع: رد: حملة لو عايز ترضى ربك قوم لِم شمل عيلتك 25/5/2010, 07:42
أخى الفاضل / رأفت الجندى
اشكرك على مرورك الطيب فى متصفحى
دومت لنا بكل الود والاحترام
تحياتى
الام الحنون
الام الحنون مشرفة
العمر : 61عدد الرسائل : 484بلد الإقامة : مصراحترام القوانين : العمل : الحالة : نقاط : 6765ترشيحات : 21الأوســــــــــمة :
موضوع: رد: حملة لو عايز ترضى ربك قوم لِم شمل عيلتك 25/5/2010, 07:54
..قالت لى فى بداية زواجى ..كنت زوجة الإبن الكبير لفتره طويله ...وبعد زواج الأخ الأصغر ..تغيرت أشياء كثيره كنت متعوده عليها من أهل زوجى ..وأصبح الإهتمام الأكبر بالزوجه الجديده ..وطبعا كان فيه فارق فى السن بينى وبينها .. كنت أعاملها كأختى الصغرى ولكنها حاولت أن تتخطى هذه السنوات وتعاملنى كسلفه لها ..وما ادراكم ما معنى كلمة سلفه هذه ...؟؟؟المهم دون الخوض فى تفاصيل ...الأخين قاطعوا بعض ...وأقسمت لى أنها مسكت التليفون وقالت لهم ياجماعه أنا مسامحه فى حقى ومش عايزه الأخوات يخسروا بعض علشان مشاكل بسيطه ..وتغاضت عن كل ما حدث لها من ظلم وأكدت لى أن
الطرف الأخر متصور الى الأن أنها علشان حست بغلطها بادرت بالصلح ..قالت أنا بعامل ربنا ..ومش مهم رأى الناس فيه ...والحمد لله علاقتهم جيده جدا الآن بفضل الله..والأخوات
علاقتهم أفضل من الأول بكثير .
*لو مصمم على القطيعه ...تنتظرك أيام عسيره*
الام الحنون مشرفة
العمر : 61عدد الرسائل : 484بلد الإقامة : مصراحترام القوانين : العمل : الحالة : نقاط : 6765ترشيحات : 21الأوســــــــــمة :
موضوع: رد: حملة لو عايز ترضى ربك قوم لِم شمل عيلتك 25/5/2010, 08:30
ياما فيه كتيير أقلام.....أصحابها ناس أعلام
كتبوا عن الأرحام... .......أكيد أحلى كلام
وأنا قليم صغييير... ........بين هذه الأقلام
نفسه يقول كتييير........... لقاطع الأرحام
ياقاطع الأرحام............سامحنى ع الملام
........ .. .. إزاى تعرف تنام ...............؟؟
إزاى وأنت بتزرع .........فى دنيتك ألغام
وبتنشأ جيل بيقلع ...........الحب والسلام
ولاعمره مره يخضع ....لمبادىء الإسلام
جيل بس عرف يرفع... ...فى وجه أخوه السهام
جيل عمر قلبه ما يخشع....... للحب وللوئام
ياقاطع الأرحام...............إزاى تعرف تنام
إزاى وأنت وأخوك ....مشتركين ف الخصام
إزاى وأنت وأخوك .....متشاطرين فى الآثام
إرجع معايا وإحلم............. بيوم من الآيام
وأنت فى حضن والدك ...ومعاك أخوك وعمك
وحضن الدافيه أمك........ وأخت شايله همك
وليه بتدى ودنك للى........... بأفكاره سَمك
إسمع للّى حَبك .................وِلِم َشمل أهلك
إفتح لى يلّلا قلبك ......وسيبك م اللى شاغلك
إرجع قوام لحضنهم..... ...وأشعر بسحر دفئهم
ماتقولش جرحوا فؤادى ...ومش ها أنسى حقدهم
ولاتقول السنه دى............ياما عانيت ظلمهم
قول هاأسيب عنادى .......ده انا نبضى نبضهم
قول هأبدأ م الليله دى..... ...وأبحث عن ظلهم
وها أسيب حزنى وسهادى......وأرجع لحضنهم
هاأبحث عن طيبه ساكنه...... ف عيون بتحبهم
هاأبحث بشوق ولهفه .........لازمنى فى بعدهم
خلاص ..خلاص ..ياقلبى....... هاأرجع أضمهم
وها أرجع أحس تانى.............. بنبض بقلبهم
من انا دمى دمهم ..............وفرحى فى قربهم ...هاأنسى خلاص القسيه ...........وهااواصل ودهم
وها أسيب بقى الأيام ..............تعالج نفسهم
خلاص بقى مش هااكابر ......ما أنا لسه بحبهم
دلوقتى بس ها تعرف تنام........ياقاطع الأرحام
لما تسيب الخصام....... ......والله ها تعرف تنام خد خطوه للأمام...................وأخرج من الظلام
وأكيد ها ترضى ربك ........... وكمان خير الأنام
قوم قوام إوصل الأرحام و والسلام عليكم ورحمة الله وبركاته
انتهت الحملة بفضل الله جزا الله خيراً كاتبة الحملة وكل من ساهم في هذا العمل المبارك ولا تنسوا النشر بارك الله فيكم اللهم تقبل منا
موضوع: حملة لو عايز ترضى ربك قوم لِم شمل عيلتك 
25/5/2010, 01:14
