الرحيل....؟

صدقوني ماتعرفوش
ريحة الغلابا ف الكفوف
طعم المرار اللي الحلوق مليانة بيه
وخطاوى حلمك تبتدى..
عمر الغياب....
قديم فيك الوجع
وقديمة كلمة مستحيل
لو تبني فيها كون بحاله هيتهدم
لساك مصدق لون حبايبك...
لون خضار ورق الشجر
ان الطريق
يقدر يوصل للأمل
مش حفره من ضمن الحفر
ان البراءة والمشاعر والقلوب
مش ناوية ترحل
وانت فيها غريب بجد
عزيز عليك تسرح عيونك ف الفرح
وتشوف ف نفسك أي ماضي تكمله
دنياك لوحدك
دنيا ماشية بغير شراع
ريح تحف ف جمبها
والتانية فيك تقتل أماني الإنتظار