فتحت عينى فحضنها
على أرضها
من زمان ربنانى أبويا وأمى وفى المدرسه قالولى حبها
مكنتش أعرف هيه مين
مكنتش أعرف قدرها
طب حتى أوصفولى شكلها
قالولى يااااااااااااه أكبر شويه وأنت تعرف كل شئ عنها
عن حبها
عن عطفها
وعن التراب الي مزين أرضها
ومن الكلام والحكايات وألعمر بين حجمها
وعرفت يومها ان ليه أم تانيه أم تحض شعبها
حبتها حب مش ممكن أسرد وصفها
فيها الامان فيها السلام فيها الامانى كلها
بلدى وحبيبتى ومن زمااااان غاليه ومفيش زيها
لكن فى لحظة ضعف حسيت بخوف منها
معقول
اخاف من الام الي كتييييير سكنت فى قلبها
وفى أرضها أمشى ولا يهمنى ايوه دا أنا طبعا ابنها
أخاف من الى أول مشافت عيونى شمسها
أخاف من البلد الى ياما جريت ومشيت ولما أتعب أترمى على صدرها
وتمد أيدها من ورا بيوت المكان وتمسح على شعرى بكفها
تنعس عيونى فى اى حته وليه لاء مهو انا كده كده فى حجرها
أصحى تانى الاقيها جمبى وبتبتسم يااااااااه حنين منور وشها
وابعد كتير عن المكان وأفتكر أنى بعدت وأبص تانى الاقينى لسه جمبها وفى حضنها
معقول أخاف
معرفش بس أكيد العيب مش منها
العيب ده لازم فى حد فينا بيدعى أنه أبنها
العيب ده لازم فى الى قال أنا الى بحمى شعبها
العيب ده من أنسان لاء بلاش اقول أنسان لأنه أصغر منها
هوه الى فاكر انه بالجرائم دى بيحفظ أمنها
هوه الى فاهم لما يظلم لما يضرب أو حتى يقتل يبقى فعلا أبنها
هوه غبى والله مش بالضرب ولا بالسب يقدر يستدر عطفها
مش بالنفاق ولا بالكذب يقدر يلاقى حبها
أنا أبنها أزاى تحبك وانت ضارب قلبها وفين دا كمان وهوه فى حضنها
مش فاهم ان البلد دى طيبه طول عمرها
صح العيب مش فيها ولا ف أرضها
أنا ظلمتها لما قولت عليها انى خايف منها
هرجعلها تانى وأترمى على صدرها
وهقولها مش هسمح لأى مخلوق يمس شعرها
مش هخاف من الجاهل الى بيقول أنا منها
هقف أناو أخويا وأصحابى وكل جيرانى وجمع معايا كل شعبها
واقوله لاء أخرج منها
دى أمى أنا
أنت مش من أرضها ولا شكلك يشبه شكلها
هخرجه وأرجع من جديد بسمه وضحكه لشعبها
وهقولهم أوعو فى يوم تسمحو لخاين يلوث ارضها
دى أمكم حافظو عليها عشان تاخدنا من جديد فى حضنها
وتلمنا بعد الشتات بعد الفراق نصنع العهد الجديد الى يرفع شأنها
ونرجع الامجاد الى زماااااااااااااااان سمعنا عنها
ترجع من جديد صوت المأذن تعطر جوها
أربى أبنى من جديد وأقوله أوعى فى يوم تخاف منها أوعى تسبها
لو يوم لقيت قسوه ومراره وغدر يبقى لازم تدور من جديد مين الى غير شكلها
هذه خواطرى وليست منقوله دمتم بخير
موضوع: دى أمى أنا 
1/8/2010, 21:58
