أرض المحبه والوفا

مصر ياثوره قويه وأنتفاضه
الجميع على إيدك إنتى
إتعلموا معنى الأراده
قالوا للظلم الغبى
بلسان فصيح مش أجنبى
إرحل بقى
خليتنا مسخه وتريقه
أعدمت أحلامنا البريئه بمشنقه
مارعيتشى فينا ربنا
قبضت أتمان الفساد من دمنا
سقيتنا الوان العذاب
دلوقتى جه وقت الحساب
العدل بيدق بإيديه على كل باب
بيرجع الحق اللى غاب
بيزيح جدار الشرنقه
يجمع قلوب كانت زمان متفرقه
متشتته.......
بيعيد أمانى ميته

****

مصر ياأرض المحبه والوفا
البطش ولى واختفى
زمن المظالم إنتهى
وأمتنا بتعيد مجدها
ليبيا وتونس واليمن
بيعيدوا تشكيل الزمن
والدم كان أكبر تمن
يرخص يهون لاجل الوطن
لاجل التخلص م العطن
لاجل إحياء الامل
لاجل أحلامنا الجميله ماتكتمل

زمن المظالم إنتهى

جميعنا يتمنى ذلك ..

تقبل مرورى

ماشاء الله استاذ عصام

واضح ان حضرتك موهوب جداا
وكلماتك تصرخ بانتفاضة
ومعانيها روعة
جزاك الله خيرا

اقتباس :

إرحل بقى
خليتنا مسخه وتريقه

أحييك علي تلخيص ثلاثون سنة في بيت واحد أنت عبقري

شاعرنا الجميل الأستاذ عصام
سلم قلمك الجميل
ننتظر جديدك بشوق

اسمح لي أن أقولك اول تعارف علي قلمك من خلال قصيدتك بيعتبر تعارف قوي جدا وزي ماقال انت موهوب فعلا

أنت تكتب بريشه ذهبية وبعقل ذهبي

الأخت لينا شكرا على المرور
وبعد
فهذه الثوره المباركه أعادت أكتشاف الأنسان
المصرى الذى كان ذلك النظام البائد يستغله
ويخرج أسوء ما فيها
وفى النهايه يمكننى ان أقول بكل ثقه لن يسطيع
أحد ان يظلم هذا الشعب مرة أخرى
لك صادق الود وخالص التحيه

الأخت رانيا شكرا على المرور الذى أثلج صدرى

الأخ صافى شكرا على المرور الذى أسعدنى كثيرا