الشاعر ناصر على قصيدة ( حسبة برما )

الشاعر ناصر على
قصيدة ( حسبة برما )

################

شوفتوا اللى صار ؟

بعد اللى صار ؟

الشعب عايش محزنة

قربت اقول فاتت سنة

ومفيش يا دوب غير مطحنة

دوشة وسياسة..........

كلاكيع غلاسة.........

واللت زاد عالمعجنة

واللى انكوى .......

واللى انشوى ........

انت ....وانا

فيه ناس تقول

حبة فلول

ناويين يصفوا دمنا

فين دمنا؟؟؟؟؟؟؟؟

بعد اللى كان

يوم ما اندلق

يروى الميدان

كان نفسى يطرح سوسنة

يطرح غْنا

والغنوة صرخة مجلجلة

تملا الفلا

تصرخ تحل المسالة

فيه ناس تقولك بلطجة

وكام عصابة معصلجة

احزاب....خراب

عتاب.... سباب

شباب ......ضباب

اسف لكتر العنونة

بنده انا........

بصوت اذان عالماذنة

حسبولنا حسبة متلتلة

قال ايه سابوها مبهدلة

عاوزالها ييجى ميت سنة

يادى الهنا..........

يمكن يابكرة تكون جديد

شمسك تخلى الدنيا عيد

ومفيش عبيد

تخضع لسيد

ومفيش معالى وهيمنة

بطلب انا........

وطن يعود

بعد الصمود

والمية تتخطى السدود

وانا فى السجود

ببكى وبدعى ربنا

ببكى وبدعى ربنا

جلا جلا - يادى النعيم يادى الهنا - ورانيا بتجيب الشعر لحد عندنا - و فـ المطبخ زى الصاروخ اللى طالع فى السما - وف التطريز تسابق الهوا - وفى السياسة دى لوحدها مشكلة

وسمع هوووووووووووووووووس

البلياتشو كتب:: جلا جلا - يادى النعيم يادى الهنا - ورانيا بتجيب الشعر لحد عندنا - و فـ المطبخ زى الصاروخ اللى طالع فى السما - وف التطريز تسابق الهوا - وفى السياسة دى لوحدها مشكلة

وسمع هوووووووووووووووووس

اللــــــــــــــــــه
ايه ده
شخصية مرة روووووووعة
حلو اوي شخصيتك اللي انت لابسها
والله انبهرت بالرد اوي
وكأني بتفرج على الكلاون بجد
الالوان تحفة

انت منووووووووووووووووور

اقتباس :: وانا فى السجود

ببكى وبدعى ربنا

ببكى وبدعى ربنا

كلنا بندعى ربنا
كلنا بندعى ربنا

محمود أحمد صوفى كتب:

اقتباس :: وانا فى السجود

ببكى وبدعى ربنا

ببكى وبدعى ربنا

كلنا بندعى ربنا
كلنا بندعى ربنا

يارب
ربنا يتقبل دعائنا

أحييك علي حسك الأدبي الجميل والحس الوطني الأصيل
قصيده فعلا بيقولها كل مصري من جواه وبتعبر في منتهي الصدق عن الحالة
شكرا للأخت رانيا

الباشمهندس كتب:: أحييك علي حسك الأدبي الجميل والحس الوطني الأصيل
قصيده فعلا بيقولها كل مصري من جواه وبتعبر في منتهي الصدق عن الحالة
شكرا للأخت رانيا

ربنا يخليك يا باشمهندس
احنا كلنا حاسين بالخطر وعاوزين نشوف
شعاع بس شعاع واحد امل
لكن الامل بالله ان شاء الله موجود

ومصر هتكون بخير ان شاء الله

شكرا سيدي الفاضل

تسلم أديك الجميلة اللي اختارت الشعر ده والله كلامه صح واحنا في مطحنة وبقينا خايفين نخرج بره البيت

طمطم كتب:: تسلم أديك الجميلة اللي اختارت الشعر ده والله كلامه صح واحنا في مطحنة وبقينا خايفين نخرج بره البيت

والله عندك حق الرعب تملكنا كلنا
وبقينا عايشين في مطحنة

سلمت يا طماطم من كل شر

الأخت العظيمة رانيا
انت فعلا عظيمة وقلبك كبير ويخاف علي دولة كاملة ففي كثير من مواضيعك اراك دائما تطلبين النجاة من الله دائما وتذكرينا بحقوق بلدنا علينا
فشكرا علي هذه الغيرة الوطنية

» قصيدة فى حب الرئيس مرسي من الشاعر نواف الشمري
» ديوان الشاعر ناصر صلاح
» قصيدة احكى يا جدى وودنى معاك للشاعر ناصر صلاح
» قصيدة الهجرة .. الشاعر رضا الجنيدي
» الشاعر أحمد بخيت قصيدة